#ولدك_يابلادي
الحلقــــــــــ(32)ــــة
عائشة ...... لو تركزي في تصرفاته توا تفهمي
افنان ...... جت بين عيوني لقطة ، حمزة لما طلعت بندورها في حوشنا يتكلم بالتلفون برا ! ولما اتصلت قال مع الولاد ، لقطة انه قال جماعتي يدوروها ولما يقول اكيد هربت مش خطف والاهم انه مصكر رأسه منقلوش للشرطة وياخد هو مهمة البحت علها 😳 لا ياربي معقولة ثاني شخص ننصدم فيه يطلع زي ايوب 💔
عائشة......😏 وين مشيتي !
افنان ...... انتِ وحده مريضة ومكيوده زي خوك حسبى الله ونعم الوكيل فيكم الزوز ، وراجلي راح يلقا اختي 💔 وتوا تشفوا وصكرت في وجهها وانى خاااااايفة وصعب اي حد يحط روحه مكاني مايخافش ويشك 🤷🏻♀️
~~~~~~~~~~~~~~~~~~~~~~~~~~~~~~
اياد ..... طلعت ورها بنلحق نسقدها شفتها تشوف يمين ويسار وبعدها اشرت لتاكسي وركبت 😳 حوش صديق يبان علينا هي فاتت طول 🤔
مافيش وقت ناخد سيارتي من الحوش خديتي تاكسي ورها وطلعت
صاحب التاكسي .....🤦🏻♂️ شن جو الافلام هذا ؟
اياد ...... خليك في الطريق بس مشينا لمنطقة كلها حياش وقفت قدام حوش فخم ونزلت حاسبة التاكسي ونزلت وراها وين المكان هذا ؟ ولمن قعدت واقف نستنى في حد فايت باش نسأله
صديق ....... نزلت من سيارتي نشوف في اياد ونكذب في روحي 🙄 ايااااااد !!!!
اياد ......😳 صديق شن ادير هنى ؟
صديق ...... قلت نخطم نشوف بوي شوية ، صارت حاجه في الحوش والا كيف ؟
اياد ......🤔 حوش بوك هذا ؟؟؟؟؟
صديق ....... اي
اياد ........ بصرحة امك طلعت على اساس ماشية للحوش طلعت وراها بنسقدها ركبت تاكسي وجت هنى وانى ضربني الشك جيت ورها
صديق ......😳 كيف امي هنى ؟؟؟؟؟ وخشيت بسرعه
اياد ...... خشيت وراه
نوارة ..... 😒 خشت من الباب وينك يلي ماتخاف من ربي
اب صديق ......😳 نوارة ؟؟؟ شن جابك هنى !
نوارة ....... جابني الهم ليك ثاني ، ماسدكمش شن درتوا فيه انت وبوك وليتوا على الولد لقيته من خيرة الناس ادب واخلاق وعلم حتى دخان مايحطه في فمه !
مرت اب صديق ..... وشن هو قاله اسكر توا 😒
نوارة ........ لا قاله اخرب بيتك وتعاله على البنية اليتيمة البنت يلي مربيها نفسه يلي مربي ولدك عز الاخلاق والحشمة متربية وعاقلة حتى كان مايبوش بعض في الاول جابهم النصيب لبعض وهم رضوا بيه ومتفاهمين علاش بتخرب عليهم ولدك غر في هذه غر سجلا على اسمك قبل 😒
اب صديق...... نستنى فيك تقولي 😒 رفع قضية والمحاكمة تاخد وقت
صديق ....... خشيت لقيتهم في الجنان امي ؟؟؟؟
نوارة ......😳
صديق ...... خيرك علاش جايه هنى ؟
اب صديق ...... باش تقولي ماتزوجاش
صديق ...... وانى من قالك بنتزوج !!
نوارة ....... انى غلطت زيني زيك وتحملت الغلط بروحي جيت انت وبوك وبوي عليا طلقتوني وهدرزتوا بيا الناس قعدت في حوش بوي وبعدها من خو لخو وماقلت شيء ، لكن لما بتوصل في ولدي يلي لقيته بعد هالسنين لا انى بنوقفلك
اب صديق ...... يدبر رأسه ماقلتش بالسيف انى انى نبيله الباهي
صديق ...... خلاص فكونا توا رأي وقلته قبل وتم الموضوع ، هيا يما
نوارة ...... لفيت وطلعت اياد ؟؟؟؟
اياد ......😅 شفتك طالعه بروحك لحقتك قلت نطمن عليك
نوارة ...... فهمت انه شاك فيها ، بارك الله فيك
صديق ...... هيا اركبوا اركبوا
