#ولدك_يابلادي
الحلقــــــــــ(13)ــــة
اعتدال ..... نبي نقوللكم حاجه
انى يومها سمعتكم بالصدفة وانتم تهدرزو وعرفت انه جدي مات قبل عمي
امحمد وفرج .....😨
اعتدال..... ماتبوا تقولوا شيء ؟؟؟
امحمد ..... سمعتي غلط و...
اعتدال ...... لا لا سمعت صح فوتوا انكم بدروني غالطه احكولي شن يلي صار وعلاش درتوا هكي
فرج ....😡 والا ؟؟؟؟
اعتدال ..... بابا شن والا هذا حرام راهو تاكلوا رزق اياد هضم فلوسه وحقه
امحمد ...... غر افهمي يابنتي
فرج ......😡 شن بتفهم شن بتفهم ، ماعندك ماتفهمي وهونا قدامك السي اياد قوليله بوي وعمي خنبوك
امحمد ..... مش هكي يافرج
فرج ..... تهدد في بوها وعمها بدل ماتوقف معاهم خلها هونا قدامك ديري شن تبي قليلة الرباية
اعتدال.....😨😢 بابا توا انى الغالطة ؟؟؟
فرج ...... انى الغالط يلي ربيتك توقفي قدام بوك وتتهميه وتوري فيا في الصح والغلط زعميتك ،، من علمك انتِ الصح والغلط والحلال والحرام اصلا
اعتدال .....😭😭 طلعت وخليتهم وانى مش فاهمه شيء
امحمد ...... مش هكي مفروض هدرزنا معاهم
فرج ....... خلها بنتي ونتفاهم معها
,~~~~~~~~~~~~~~~~~~~~~~~~~~~~
افنان .... لقيته متكي رأسه عالصالون ومغمض عيونه 💔 شكله راقد لفيت بنولي
حمزة..... فتحت عيوني ، كنتي تبي حاجه ؟؟؟
افنان .......نفرك في يديه في بعضهم ومرتبكة
حمزة..... شفت ليدها ، خيرك تبي تقولي حاجه ؟
افنان ...... جمعت قوتي وخديت نفس حمزة انى امبكري اتصلت بايوب عارفه غلط ومفروض مادرتش هكي بس اتصلت 💔🤷🏻♀️
حمزة......😑 غمضت عيوني وانى نحاول نهدي روحي ونفهم يلي سمعته شديت بقوة الصالون ونضغط عليه ، وهزيت رأسي بمعنى باهي 🤷🏻♂️
افنان ...... ماقالش ولا كلمة زدت توترت اكثر ، ماتبي تقول شيء ؟؟؟؟؟
حمزة..... هزيت برأسي بمعنى لا
افنان .......🙂 مشيت وخليته وانى مستغربه شخصية حمزة مش هكي بكل كيف سكت وصوته ماطلعش
حمزة...... السبب الوحيد يلي خلاني نسكت هو انها قالتلي لانها ببساطة كانت تقدر ماتقولش وتستمر تكلم فيه بدون مانعرف ، ومن الحركة هذه فهمت انها دارتها وندمت وانها ماتبيش تكررها حاولت نمشي الموضوع بلا مشكلة ، ماقلتش ولا كلمة لانه لو تكلمت ممكن ينفجر غضبي 😤 ونتصرف تصرف تاني هي خشت من هنى وانى قعدت ناخد في نفس نحاول نهدي روحي 😡
~~~~~~~~~~~~~~~~~~~~~~~~~~~~
حور ....... مقعمزه نلعب بالتلفون في الصالة
صديق ...... ماسمعتي شيء على جامعتك
حور ...... اي والله بنقولك ونسيت البنات قالوا بنمشوا نديروا دوره ونزلوا مواد بدية الأسبوع
صديق ......🙄 شن يعنى نديروا دوره ؟
حور ...... يعنى نتلاقوا نهدرزو ونزلوا مواد و نفطرو مع بعض ونروحوا
صديق ..... اوووف شوفي مش تقولي بدي يتحكم وابصر شن انى عارفك من قبل شن اخلاقك وعارف شن مربين ، لكن الناس بتبدا عينها عليك اكثر توا
حور ......💔 عارفه بس فطور عادي هو كان تبي نفوته نفوته
صديق ...... مدوريش توا نرفعك
حور ....... تمام تصبح على خير ومشيت للدار ،، الزفت كان زي قبل راهو نقزت عليه وانت احسن خو في الدنيا ووو توا مش قادره نقول شيء وكل كلمة وكل تصرف نحسب فيه
