#ولدك_يابلادي
الحلقــــــــــ(22)ــــة
فرج ...... انستونا وشاف لصديق بمعنى من هذا
صديق ..... الحاج هذا بوي والشبيب هذا خوي
امحمد ...... كيف !!! بوك الله يرحمه
صديق ..... القصة باختصار ( امي عرفت انها حامل بيا لما بوي سافر لايطاليا وزمان لا تلفونات زي توا لاشيء لما قالت لجدي وجداي انها حامل في الخامس جدي ماصدقتش واتهمها انها حامل من حد ثاني وبتلصقه في عيلتهم خصوصا انه ماكانش راضي على زوجتهم يلي كان مجرد ستروا عليهم بيه بعد فضيحه مع بعض ، وامي ليلة الغاره يلي في 86 على طرابلس سمعت الضرب خافت وجابتنى جدي وين انولدت في السابع قال هذا مش ولدنا وخداني عطاني لعامل عندهم دوريش ومرته مصريه وقال لامي وبوي انى توفيت بعد الولاده وباقي الحكايه زي ماتعرفوها المصريه يلي نحساب انها امي هربت بالفلوس ويلي نحسابه انه بوي توفه )
فرج ....... لاحول ولا قوة الا بالله في حد يدير في صغاره هكي
اب صديق ..... الله غالب شباني كبير وهكي دماغه حرمني من ولدي وعيشه يتيم عمر لكن الحمدلله اهو النصيب خوه حضر فاتحة حمزة سمع الاسم هو كان يدور فيه لانه امي قبل ماتتوفه قالت يلي صار كله
امحمد ......🤨 درتوا تحليل والا شن هو تأكدتوا ؟
صديق ...... اي
فرج ...... باهي ربي يحفظك ويسعدك ياولدي
~~~~~~~~~~~~~~~~~~~~~~~~~~~
(🌹) 👈🏻 ( جايبه كيكة وتحتفل بالحمل 😏 حبيت نأكدلك الكلام يلي قلته البارح )
😳 يديه رعشوا ومشيت في الرسائل شوية ثانيه لين شفت شيء صدمنى اكثر شفت صورتها باعته لايوب صورتها 💔 وفيه رسائل قبلها متع تصبيح وحركات هكي معادش قدرت نكمل حطيت التلفون وشديت بيديه عالفريز 🥺💔
دانية ..... قلبت الدنيا باش لقيت ، افنان خيرك دايخه ؟؟؟؟؟
افنان ......😡 تلفتت
جميلة...... قعمزي انتِ اهو دانية والبنات يجيبوا
افنان ......😢
جميلة .....😧 خيرك شن تحسي
افنان ...... ماما بنمشي للحمام شوية توا نجي
جميلة ....... ماشية ورها وتتكلم كان حالك هكي ماتروحيش اقعدي هنى من بيعاندك غادي
افنان ...... خشيت وصكرت الباب قعدت نبكي 😭😭 كيف بندير وصلت لعمر ال 25 وانى انسانه بعيده عالمشاكل في 4 شهور شفت العجائب 💔
غسلت وجهي وطلعت لقيت ماما تستنى فيه وقلتلها تعبانه من الحمل 🥺💔 وهي صدقت للأسف حتى لو نكذب لسبب مانبيش نشغلها بس بديت نكذب ببساطه
اعتدال ...... اي وانى عرفت نحسابه بابا وعمي بيخنبوا فلوسه بس بعد شفت عمي وهو يوصي عرفت انهم داروا الصح
حور ......😭 الله يرحمك يابابا
دانية ........😒 يعنى ماصارش من الفلوس ! كل هالرزق بيمشي لسيد اياد بروحه
افنان ...... كنت معصبه منها ومش طايقة صوتها ، يعنى تبيهم ياخدوا فلوس بالحرام والا شن
دانية ......😒 ناضت الشيخة عاد
افنان ...... ا.....
حور ....... صديق اهله طلعوا حييين 😍
الكل ..... كيف 😳
حور .......يلي صار جي واحد و ..........
اعتدال ..... الله 😍 توا اكيد فرحان
حور ....... اي البارح ماقدرش حتى يرقد
افنان ..... الحمد لله ربي يسعده
