#ولدك_يابلادي
الحلقــــــــــ(27)ــــة
نواره ...... قصدي على دراك والسرير اوله يوم
حور ......😨 ك كي كيف !!
نواره.... ماتخافيش يابنتي انى بنتكلم لمصلحتك شفت الدار المصكره لقيت فيها سرير وحوايج انى شكيت لانه الصبح خشلها وطلع واتي للعمل بعد طلع فتحتها مش تقصقيص لكن نبي نطمن عليكم
حور ...... عادي هو كان بيحكيلك البارح ، حنى تربينا على اساس انه خوت نقولوا لنفس المراة امي ونفس الراجل بوي بعد هذا كله لما توفوا قالولنا حرام تقعدوا مع بعض 💔 ولانه ماعندي حد قرار صديق انه نتزوجوا
نواره...... باهي وانتِ تبيه ؟ والا بتقعدي هكي طول العمر ؟
حور ...... مش عارفه من يومها يوم نتفاهموا ونقول بنولوا زي الناس الطبيعية وثاني يوم مايصيرش 💔
نواره..... ردي بالك تقوليله انى عرفت خليه متحشم مني ويعامل فيك على انك مرته
حور ......😳
نواره...... حتى قوليله امك شكت وسألتنى جيب حوايجك للدار اكسبي راجلك وحوشك وديري عيله وصغار خير من تقعدي تتلاوحي زيني💔
حور ......😢
نواره...... وردي بالك من بوه توا 💔 يتصرف على انه مش عاجبه يلي داره بوه زمان لكن هو زيه نفس طبعا يبوا يناسبوا الناس يلي زيهم عندهم الرزق والاسم يقولوا ناس قبل العرق يمد لسابع جد لا بال ولد الولد وهذا هو الولد بجوده زي طبع بوه ردي بالك يلوذوا على راجلك
حور ....... ان شاء الله خير ❤️
~~~~~~~~~~~~~~~~~~~~~~~~~~~~~
اياد ..... اعتدال تتزوجينى ؟؟؟؟
اعتدال .....😳 شن شن ؟؟؟ شن قلت ؟
اياد ....... تتزوجيني ؟؟
اعتدال ..... نقولك فيه واحد خطبني نعتبر مخطوبه توا 😌 تقولي تتزوجني
اياد ...... 😤 توا واحد ماتعرفيشي ؟ ولا عمرك شفتيه الا ربع ساعه بتوافقي عليه واني لا ؟ ماهو عالاقل انى ولد عمك وبديتي تعرفيني 🤷🏻♂️
اعتدال .....🤦🏻♀️ ماهي زرده هي كان ماصارش من الطلعه مع هضم نمشي مع هضم
اياد ...... شن توا يعنى بتوافقي عليه هو ؟؟؟
اعتدال .... خبطه على كثفه دير عرض رومانسي شويه يادراه معقوله هكي خوديني لانك تعرفينى اكثر منه 😒
اياد ....... ماهو معاك ديما نخطط للقطه رومانسية وتجي انتِ بهمجيتك يريح الكلام كله 💔
اعتدال ...... ههههه ادرب لين نروح ومشيت
اياد ...... شن معنها موافقة ؟؟؟؟؟
اعتدال ..... مشيت ومارديتش عليه
~~~~~~~~~~~~~~~~~~~~~~~~~~~~
ملاك ...... لقت التلفون في الصاله ملوح شكله كان في يدك لما انظربتي وشافت رساله 😳 ا رن في يدها مداته لافنان 💔
افنان ...... رقم ؟ الو 😳
ايوب ...... افنان طمنينى عليك ؟
افنان...... عرفته بس معادش عرفت نتصرف قدام ملاك شن بنقول وكيف بنفهمها ، تمام كيف حالك انتِ
ملاك .....😳
ايوب ...... جنبك حد ؟؟؟ من امس وانى مشغول عليك شن صاير فيك ؟؟
افنان .......😒 اكيد وصلاتك الاخبار
ملاك ...... لفت وطلعت من الدار وهي تفكر في الرساله يلي شافتها كان مكتوب فيها
( افنان طمنينى عليك حتى برسالة على الرقم هذا خفت نتصل يكون جنبك * ايوب)
باهي ونفس الرقم اتصل وافنان كلاماته على اساس بنت 💔 معقوله تطلع تخون في حمزة 😢 فتحت الباب ونزلت
