#ولدك_يابلادي
الحلقــــــــــ(31)ــــة
حور...... نسى تلفونه وجيت بنطلع بيه وراه شفت رساله طالعه في الشاشة قريتها 😳
( احمد ، صديق خيرك من أسبوعين معادش دورتنا ، من بعد بوك خطبلك سندس بنت عمك اختفيت ) قعدت فاتحة عيوني ومصدومة في الرسالة 💔😳 خطبلك كيف ؟
صديق ...... تذكرت تلفوني خشيت بناخده لقيته في يدها ، حور
حور ...... رمشت عيوني بسرعة باش مانبكيش 💔
صديق ...... هذا تلفوني ؟ نسيته هنى
حور ....... مابيتش نقول شيء مانبيش ندير دوشة هنى 💔 مدتهوله بدون ولا كلمة
صديق ....... خديته حطيته في جيبي طول وطلعت
~~~~~~~~~~~~~~~~~~~~~~~~~~~~
افنان ...... توا نمشي نشوفها في الحوش مرات مشت بتجيب حاجه
جميلة ...... توا نمشي انى
افنان ........ لالا خليك توا نمشي انى مدام لابسه
جميلة ...... باهي رني عليا طول قوليلي لقتها والا لا
افنان ...... طلعت بسرعه وانى فيه خوف كبييير وحاسه انه فيه كارثه راح تصير 🥺💔 تلفتت نشوف في حمزة يتكلم في التلفون برا مانتبهش ليا نتصل بيه وانى نفتح في باب حوشنا
حمزة ...... الو
افنان ...... حمزة وين انت
حمزة ...... مع الولاد شن ؟؟
افنان ...... تعاله نبيك ضروري
حمزة ...... من اي باب
افنان ...... خشيت للحوش ، انى جيت لحوشنا ، يعنى حوش اهلي
حمزة...... تلفتت تمام ومشيت بسرعه
افنان .......😥😢 ردي عليا بالله ردي عليا دانية داااااااانية
حمزة ...... خشيت افنان ؟
افنان ...... 😳😭 دانية مش موجودة دانية اختفت شن ندير توا
حمزة ......😳 كيف اختفت وينها ؟؟
افنان ...... خش اياد وخشينا كلنا لبسنا عبايتنا ولهينا طلع تلفتت معادش لقيتها قلبت حوش عمي مش موجوده جيت هنى مش موجوده 😱 ياحليلي تطلع صارتلها حاجه
حمزة ...... اهدي افنان شديت يدها نزلتهم من على وجهها اهدي بس
أفنان...... رن تلفوني 😰 ماما تتصل ينهاري كيف بنقوللها
حمزة ......😕 شن بتقولي ؟ ردي بالك افنان قوليلها لقيتها
افنان .......😳 لالا كيف نكذب على ماما ، وافرض اختي صارتلها حاجه وتحتاج مساعده انخطفت اي شيء مانقدرش نسكت
حمزة ....... انى معاك افنان خلاص مش محتاجه حد ثاني يعرف اهدي بس وردي على امك توا مدريش فضيحة قدام الناس ، لو الموضوع زي مانفكر ماتعطيشي شن يبي
افنان ...... نمسح في عيوني وخشمي ونتصل بماما ، شن تفكر
جميلة....... ها شن
افنان ...... وانى نرعش اهو لقيتها تبزع علها عصير بتغير
جميلة ....... رعشتنى المنجوهه باهي تعالوا مع بعض ماتعطلوش
افنان ......😢 تمام
حمزة ...... في الوقت هذا انى بعتت رسالة لجماعتي يلي يطلعوا وراي في مشاويري يلفوا في الشارع والمنطقة بدون شوشره لو فيه سياره غريبه او وضع مشتبه فيه
افنان ....... قعمزت لوطه 😭😭 شن صاير معها
حمزة ...... اوقفي افنان تعالي قعمزي عالكرسي عالاقل 💔 تصيرلك حاجه هكي
اختك احتمال كبير تطلع هربت مع 😒 ايوب
افنان ......😳 لا شن تقول انت مستحيل ماعندها حتى كيف تتواصل معاه تلفونها عند امي
حمزة....... صعبة على اختك ادير تلفون ثاني ؟؟؟؟؟
افنان ....... نذكر فيها كيف تكلم في ولاد وعندها فلوس ورصيد ديما وهلبا شفرات 💔😭 لا ياربي لا دانية مااديرش هكي في بابا وماما 💔 انى لازم نقول لبابا لازم يعرف توا
حمزة ....... لو هو يلي معها هذا يلي يبى يوصله دوشة وفضيحة جديدة اهدي بس الشباب يمشطوا في الشارع والشوارع القراب
افنان .......💔😭
