اسيره في قلبه

البارت 9

هلو عصفوراتي شلونكم مشتاقتلكم❤️🕊️
ادري مختفيه بس ظروف ودراسه وامتحانات 🙂💔
بس كلش مشتاقتلكم 🤓😂❤️
-------------
ما احلل لاي شخص ياخذ كتاباتي
وهسه يله نبداء
بسم الله الرحمن الرحيم
--------------
أحيانًا تمر عليك ظروف
تشعر انها لن تنتهي
من شدتها و قسوتها

ومع مرور الايام تتلاشى
بلطف الله و طريقتة
وتدبيره
لا بطريقتك و تدبيرك
اغلق على شعورك
السيء

وابتسم ، و كلما تاخر
عليك شي وطال
أنتظاره واستبشر خيرا
و سياتيك
اجمل مما كنت تتخيل
ثق بان ربك لا ينساك
ابدا .
--------------
كاعد اشتغل بعض الملفات تعبت رجعت راسي لورا رجعت بيدي شعري فركت راسي بتعب رجعت اكمل وهيه ما فاركت بالي احاول اركز واذكر شلون دفعتني شلون خاطرت بحياتها وملمس ايدها الناعم مثل بشرة الاطفال كلهن ابالي نفضت الافكار ورجعت اشتغل صفنت واتذكرتها ضربت القلم بعنف طشرت الاوراق بغضب عطت ليش ما تروحين من بالي رجعت راسي على الكرسي وغمضت عيوني فجاءة انفتح باب المكتب
ايمان: أأأ علي
هاي شنو شصار
علي: ماكو شي
ايمان: بس الاوراق ليش مطشره
علي: داكول ماكو شي
ايمان: تمام
جبتلك قهوه اعرفك تحب تشربها من تشتغل
علي: اي والله اجتي بوقتها جيبيها حبيبتي
ايمان: شلون سويتها تخبل هاك شوف
علي: امم اتخبل مثلج
ايمان: هههه بس اني اطيب منها
علي: ابتلينه شويه دلعناج
ايمان: هههه
علي:دك التلفون اكفي
الو هله احمد
ايمان: أأ أأ اني حطلع
علي: تمام حبيبتي شكرا على القهوه
ايمان: بابتسامه عفوا
علي: اي هله احمد وياك
احمد: عليييي هاي شصاير واني ما ادري
علي: (برود) اشصاير
احمد: تعرف كلش زين ليش ما كتلي لو صار الك شي
علي: لا تخاف ما يصير شي
احمد: ما عرفت منو
علي: الكو...... ادهم
احمد:الكو...... المن...... ابن ...... ولد...
والله الخلقك بس خلي ارجع من الواجب اله ازوع العافيه اصبرر
علي: اني مخلي على كيفه يتصرف ما يعرف ويامن اندك اله ان... عرضه
احمد: تمام دير بالك على نفسك من ارجع من الواجب اتصرف
علي: تمام فيمالا
احمد: هله
---------------
احجي ولج صار ساعه هسه احجي وهسه احجي
ايلول: تمام والله هسه احجي شبيج عليه
الام: ايلول اذا صارت بيه جلطه كله من وراج
ايلول: اسم الله عليج يمه هسه راح اسولفلج بس ترل بعمرج لا تفكرين اني اسوي شي غلط والي سويته اليوم ما ندمانه منه بلعكس افتخر
الام: خير اللهم اجعله خير
ايلول: ماما اليوم بالجامعه ..... وحجيتلها الي صار كله
الام: اسم الله الرحمن يمه خطيه صار اله شي؟
ايلول: لا لتخافين ما صار شي
الام:يا يمه ربي يحفظه ويبعد عنه ولد الحرام وانتي سولفتيلي بس ليش ما لابسه قميصج
ايلول: أأأ لان وكعت وصار القميص دم وايمان انطتني قميص من قمصانها
الام: اصخام لشوف شبيج صار الج شي
ايلول: لا تخافين حبيبتي ما بيه شي مجرد جرح صغير
الام: ربي يحفظج يمه ثقتي بيج وادري ما تخيبها
ايلول: يمه رحمه لدينج اشايفتني وين رايحه يحظي
الام: انجبي يالفاهيه
ايلول: عززاااا اني فاهيه
الام: عززاااا اي انتي فاهيه
ليلى: عاااااااااااااااا شلونكمممممم
ايلول: وجع انشالله
الام: وسمممم شبيج اتخبلتي عليه
ليلى: شبيكم يحظي اجيت اشوفكم شداتحجون وليش اني ما موجوده وياكم
الام: وحظرت جنابج اله انتي ويانه
ليلى: اكيد اله اني وياكم لازم اتشوفون وجهي كل شويه علمود تنفتح نفسيتكم
ايلول: قصدج تنسد
ليلى: تفوو عليج
ايلول: شفتي ماما والله ما يصير
الام: ولجج ليلى ادبسزززز شهل اللفاظ
ليلى: هاي هيج بسرعة حركتج عليه ايلول ام الوصخ
ايلول: ام الكمل ولي اريد انام طلعي برااااااااا
الام: وسمم انتي الثانيه اني خلي اطلع يمكن اتخبل لو ضليت ثانيه يمجن
ليلى: وهيه تغمزز اي روحي يم باباا محتاجج
الام: ياااا يا ادبسزز على هل حجي اني اكله لابوج يربيج من جديد
ايلول: ههههههههه هاي شنو ماما عيني فدوه
الام: لا بارك الله بيجن ولنننن ما تستحن بنات هل وكت
ليلى: خجلت خجلت فديتجج هههههه
ايلول وليلي: هههههههههههه
-----------------
...... ما مات
لا سيدي
....الولد الي حاول يكتله وينه
سيدي يمنه
.....اكتله
نعم سيدي
......وهو كازز على سنونه ما سمعت كلتت اكتله
حاظر سيدي
.....ومنو هاي الابنيه الي نقذته
سيدي وحده من طالباته
.....قصدك من معجباته
لا سيدي هاي طالبه عنده ما تحبه
.......اممم تمام اطلع كمل الشغل الي اريده منك
حاضر سيدي
......اني اعلمك يا علي اني مو ادهم وما طالع من ظهر رجال اذا ما كتلتك
--------------
ايلول: مرت الايام عاديات جامعه وبيت وتعب فد مره اليوم اربعاء وملل اكيد جامعه كلشش مالي واهس كعدت على صوت التلفون بس مو المنبه ايلاف ادك عليه استغربت وخفت خاف صاير شي باوعت على الساعه بل 6 ونص فتحت الخط راسا
ايلاف: الو صباح الخير حبب
ايلول:هله بيج يولي صاير شي
ايلاف: لا ماكو شي
ايلول: لعد ليش خابرتي من الصبح
ايلاف: احمم لان داقره وضجت كلت اخبارج اسفه
ايلول: داتحجين صدك لو مخبله بيج شي مريضه
ايلاف: اي داحجي من صدك وما بيه شي حب
ايلول: ايلاف بس اوصل الجامعه راح اكتلج واخلي الناس تضحك عليج
ايلاف: اوي شدعوه هسه شصار بس كعدناج من النوم
ايلول: انكلعي ما اريد اسمع صوتج راح انفجر عليج بسرععععععععه
ايلاف: باي هههههههه
ايلول: مخبله كعدتني من الصبح حاولت ارجع انام بس بعد ما يجيني نوم كمت سبحت طلعت من الحمام اطلع ملابس ضليت خمس دقايق بس اباع على الملابس شلبس اخر شي طلعت بنطرون وسويتر حطيت مكيب خفيف ومن العطر الي احبه طلعت وركبت السياره انتظر ايلاف تجي علمود اطلع ضيم كلبي بيها وصلنه جان تطلع تضحك والكشره
ايلاف: هله بصديقتي الي احبها عمري انتي
ايلول: اجتي حظنتني جان اكرصها وهيه عاطت
السائق:هاااا صار شي بيجن شي
ايلاف :لا عمو بس ذبانه كرصتني
ايلول: ايلاف كامشه ايدها وتحجي وشويه وتجبي واني خربانه ضحك وهيه اتاشرلي بيديها يعني بسيطه ههههههه
------------
ايمان وينج راح نتاخرر صار ساعه انتظرج راح اعوفج واروح ترا
ايمان: اجيت والله اجيت
علي: صار ساعه تكولين هيجججج
ايمان: هياتني
علي: كدامي
اصعدي
ايمان: اشبيك اعصاب يعيني
علي: ولا حرفف
ايمان: تمام
علي: وصلنه وكفت بعيد واني اشوفها شلون تضحك وخدودها صايرات حمر من الضحك احله شي بيها اخدودها مال عض اتكزكز عليها
يله نزلي
ايمان: اكف وكع الدفتر مالتي جوه
علي: اطلعي هسه اجيبه
هاجج هذا
ايمان: اي هذا شكرا حبيبي
علي: دامشي كدام لحد الان متحملج من الصبح
ايمان: وهيه تكمش ايده اي شبيك يا عمري بس شويه تاخرنه
علي: كل يوميا اتكولين هيج وانتي عكسها تتاخرين
ايمان: احبك اخوي الغالي شعندي غيرك
علي: صارت بيها احبك يا ستار
ايمان: هههههه ماكو شي بس هيج كتلك
علي:تمام لنشوف تاليتها وياج
اليوم يمكن يجي احمد نطلع نتغدأ
ايمان: واني شلي دخل
علي: راح نطلع من الجامعه نتغدا
ايمان: ما اريد رجعني للبيت وروح
علي: شداحجي اني
ايمان: تمام تأمرر
علي: فديتها لتسمع الكلام
وصلت ايمان لقسمها ورجعت للقسم مالتي جان اشوفهم ملتمين كلت بصوت عالي شكو هنا.......
--------------
ايلول: وصلت للقسم مالتي امشي واني اقره بالتلخيص الي لخصته جان انضرب رفعت راسي وجان اشوفها فرح اويلي هسه شيخصلني من السانها
فرح: انتي ما تشوفين لو عميه
ايلول: نعم شهل الحجي
فرح: لا تسوين نفسج غشيمه
ايلول: شقصدج
فرح: سويتي هيج قصدنا مو اعرفجج حيه والله اذا سويتي هيج مره ثانيه اسحلج بالجامعه
ايلول: عصبتني شلون تحجي عطت بيها هاييي انتي شداتحجين وبعدين ما اسمحلج تتجاوزين وشعندي وياج اسويها قصدنا
فرح: ولججججج هاي ويامن هايييي تراااااااا امسح بيج الكليه
ايلول: عزااا لمت الناس عليه فضحتنه كلتلها
صوتجج شبيج بابا من الصبح بيج شي
فرح: انجبي لجججج اشايفتني مخبلهه
ايلول: طلعت من طوري كلتلها اي مخبلهه وبعدين لا تضلين تغلطين لو اسحل بيج الجامعه اني اصبح بمخابيل من الصبح جان اسمع صوت فززني يمه عزااا
علي: هاي شكو وبعدين منو المخابيل
ايلول: توني اريد احجي وجان تكوم تبجي الحيه يمه انصدمت ضليت فاتحه حلكي من الصدمه
فرح: اهئ اهئ اهئ استاذ انضربت بيه واعتذرت بس هيه سوتها قصه وكامت تعيط وتكول مخابيل تقبلها
ايلول: استاذ والله جذ....
علي: الحكيني ايلول على المكتب بسرعععهه
ايلول: جفلت من العيطه اباوع على فرح تضحك الحيه لو مسميها حزن احسن لان بس توزع سمها على الناس جفلت مره ثانيه من كال
علي: شداحجي بسرررعه وكل واحد لمكانه
ايلول: هو يمشي واني امشي وراه احس رجليه كامن يرجفن من حالهن واصلا جسمي كله يرجف فتحت باب المكتب وفات صاح بصوت عالي
علي: فوتي وسدي الباببببب
ايلول: دخلت بسرعه وسديت الباب هو كاعد واني واكفه منزله راسي مثل طلاب الابتدائيه كل ما اريد احجي يسويلي حركه بمعناها اشش كام وكف واتقدم حط ايده على المكتب ارتجه عليها
علي: اي سولفيلي شصار شهل الاستهتار
ايلول: عصبني بكلامه كتله استاذ كله الي سمعته غلط وجذابه اني ما سويت هيج هيه الي لمة الناس علينه علمود انضربت بكتفها
علي: اي وبعد
ايلول: كتله ماكو شي بعد هاي الحقيقه
علي: وتريديني اصدكج
ايلول: بكيفك بعد تريد اول لا
جان يضرب المكتب بعصبيه فتحت عيوني من الخوف
علي: لا تجذبين فاهمه لا تجذذذذذذبيننن
ايلول: يعيط عليه ويكلي جذابه احس صرت كلش عصبيه بصوت عاليه كتله
اني مو جذابهههههه هيه الي جذابه ما جبرتك تصدكني
باعو عليه بصدمه واني انصدمت شلون تجرات اعيط عليه اشو هذ كام يتقدم عليه صار وجها مقابيل وجهي خفت رجعت ليوار وهيه يتقدم واني ارجع انضرب بالباب حط ايده منا ومنا قرب وجه من وجهي وحجه وهو عصبي وكازز على سنونه
علي: شلون تتجرأين تعيطن عليه هااا
ايلول: الخوف مو طبيعي وخاصتا اول مره شخص يقرب مني لهل درجه حجيت بتعلثم اااانيي يي جنت اكلك ما اجذب
علي: اششش
ايلول :قرب وجه اكثر انفاسه يضربن بوجهي حاره كتله استاذ ابتعد عني شويه عفيه اسفه حاولت ابعده بيدي كمش ايدي يبس الدم بجسمي شلون يكمش ايددي شدايسوي رجليه احسهن صارن خيوط من الخوف
كتله استاذ عوفني شداسوي حباب بترجي ودموعي بدات تنزل قرب اكثر صارت شفايفه يم اذني وحجه
علي: صوتج ما يعله عليه مره ثانيه واذا سمعتج اتجذبين او تعيطن عليه راح يتم فصلج فاهمه
ايلول: دموعي وشهكاتي ما كدرت اسيطر عليهن وهذا كامشني من ايد وجه يم اذني انفاسه على خدي والحجي الي يحجي جسمي صرت ما احس بي جان يعيط بيه
علي: شداكول فاهممممممه
ايلول: هزيتله براسي بمعنى فاهمه باوع عليه وعيونه تتجول على وجهي استقرت على شفافي واني ما اكدر احجي من الخوف والبجي بصوت واطي استاذ وخر عفيه ابتعد عني جان يكول اطلعي براا
ما صدكت راسا طلعت اركض وابجي رحت كعدت بالحديقه الي اكعد بيها دائما فارغه وابجي اول مره ابجي هيج وافرك بيدي من الخوف اباوع اصابعي صارن حمر طلعت التلفون وخابرت على السائق
الو هله عمو
السائق: هله بنتي
ايلول: عمو تكدر تجي تاخذني هسه
السائق:اي عمو جايج
ايلول:تسلم
سديت الخط وانتظرت يجي ما اريد اضل اهنا مسحت ادموعي ويرجعن ينزلن اتصل عليه وكال وصلت رحت وصلت للبيت وشفت ماما
الام:ولجج اجابج يولي مو بعد وكت
ايلول: ضليت حايره هسه شكللها
ماما مدري شبيه دايخه وما كدرت اضل ورجعت
الام: اشبيج قبل شويه طلعتي ما بيج شي
ايلول: يمكن لان ما تريك هبط ضغطي
الام: لعد يمه اصعدي ارتاحي
ايلول: صعدت بدلت وحطيت راسي على المخده ونزلن دموعي يحظي ما تخلصن اتذكرت شكد جنت متحمسه للجامعه بس بسببه كرهتها اتذكرت كل لحضه يطردني بيها والرزايل بجيت وكلت
ايلول: اكرهك اكرهك من كلبي ........
---------------
علي: عطرها لحد الان بخشمي شفايفها الي جنت اتمنا اضوكهن خدودها وايدها الي لمست بيها ايدي فرق الطول و كلشش بيهاااا من شفت دموعها وشهكاتها جنت اريد احظنها بس بداخلي اريد اكرها بس امبين اني وكعدت
اي حبيتها حبيت كلشي بيها اريدها ما اريد احد يشوفها هاي مالتي اريد اضمها بقفص بس اني اشوفها فتحت عيونها شفت التلفون رفعته
الو
اهلا سيدي
وين راحت
سيدي اجي السائق اخذها
وين اخذها
سيدي للبيت
تمام
ابتسمت واني اتذكرها
ايلولتي انتي مالتي انتي ملك علي راح اخذج وانتي الممنونه
راح تصيرن يمي مسجله باسمي قريبا...........
----------------
لهنا وينتهي البارت عصفوراتي ❤️🕊️
طبعا كلش تعبت بي اتمنى ادعموني بي وتصوتون لان التعب فول 😔
وعلقولي بين كل فقره وانطوني رئيكم ❤️

اسيره في قلبه
بقلم
الكاتبه شهد ❤️🦋
وبس احبكم كلششش