اسيره في قلبه

البارت 26

هلو شهداتي ❤️🦋
شلونكم كلبي شخبارك
ترا متشاقتلكم
واحبكم 🙈😭😂❤️
____________________
وهسه يلا نبدا
ما احلل لاي شخص ياخذ رواياتي او قصصي
بسم الله الرحمن الرحيم
____________________
يكول علي: ويا الترافهه البيج وصلت للحد الي ما الى حدد 💞🫀🦋
___________________
البارت 26
بعد مرور اسبوع ...
واكف كبال المرايه واني ارتب بنفسي تسريحتي النزاكه مجرد فارده شعري على ظهري ومغطي فتحت الفستان من الظهر وطوق على شكل ورد ذهبي محطوط على شعري مزينه شعري اكثر  فستاني الاسود الضيق ومخروط من الجانب والفتحه مال الفستان صايره من الجانب الرجل يكون فوق الركبه بشويه يكون ردان الفستان قصيره ونازله من الايد بارزه ركبتي وصدري اكثر ....
من شافه احمد منعني عنه وكتله اي ما راح البسه بس عاندت ولابسته ...
اخذت الحمر واني اعدل حمرتي ...
اماني: هااا شلونيي
ايمان :خربببب شهلل جماللل
اماني: امانه صددك
ايمان: والنبي طالعه تشكين
اماني: عزااااا بعينجججج
ايمان:شكوووو
اماني: هذا الفستان مو احمد تعارك وياج علموده حتى كللها لماما لا تخليها تلبسه وهسه لابسته عزااا بعينججج ولجج تريدين تبلينه
ايمان:انداريت واني مو هامني وحجيت ...
اويي شبيج فززتيني علمود هاي مالج دخلل ما يعرف
اماني:الي براسج تسويي وشلون مايعرف
ايمان: لان بختصار ما راح يشوفني ومحد يكله
اماني: وماما اذا شافتج
ايمان:خليها عليه ماما
اماني:عرمه والله محد يكدر يحجي وياج
ايمان:انجبي واطلعي
اماني: ديله البسي الصايه راح نطلع لبيت ايلول
ايمان:تمام
اي اليوم خطب ايلول وعلي وكلشش فرحتلهم يالله وعلي تحسون الكون مو واسعه من الفرحه بس لو مو هاي الي لازكه بي ساره شلونها جنهاا جني واحمد يكلي هاي شصيرلكم حلوه امداك وامداها وهيه شفايفها جنها شفايف بعير ايععع شتحس من تسويهن هيج لازم اوصي ايلول منها ادير بالها منها ....
الام: ولججج ايمانن يله راح نتاخرر
ايمان:اجيتتت ماما بس البس الصايه ..
لبست الصدايه ونزلت كلهم طالعين اله اني واماني وماما
حجيت واني اسال ماما ...
ماما احمد مو هنا مو؟
الام: لا ما شفته
ايمان: تنفست برتياحح باوعت على ماما تباوعلي بشك
الام:ولجج شمسويه احسج مسويه مصيبه
ايمان: هااا لا شمسويه مثلا ما مسويه شي
الام:دمشين يله
ايمان:طلعنه واني اعدل بالصايه وكفت السياره رفعت راسا عزااا صخاممم هذا شجابه كبالي احمدد بعددما اعرف شسوي ابعد بوجهي عنه علمود لا يشوفني نزلت الشاله على وجهي اكثر سمعت صوته
احمد:يله صعدي
ايمان:هااا
احمد:شبيج مو وكتج هسه تفيهن صعدي
ايمان:واكف يمي ويحجي ويريدني اكعد يمه ماما واماني صعدت ورا بلعت ريقي وتقدمت فتحلي الباب صعدت واني منزله راسي وهو صعد ....
يسوق واني اسوي نفسي ما مسويه شي عادي بس اني متوتره مادري ليش وهو اصلا اكيد ما راح يسويلي شي اذا شافني اكيد اويي واذا
كعدت افكر اي شيسويلي مثلا عادي ابتسمت واني افكر.....
اماني: ايمان انطيني موبايلي يمج
ايمان: انداريت انطيها الموبايل رجعت كعدت واني اباوع احمد يباوعلي وبياض عيونه صارن حمر باوعت بعلامة استفهام شبي نزل عيونه على رجلي نزلت راسي واني اشوف الصايه مفتوحه وطالعه رجليه وطالع نص الفستان رجعت باوعتله واني فاتحه عيوني من الصدمه راسا سديت الصايه واني اباوعله اندار يسوق وهو يضحك بطرف شفته وجه صار احمر وشراين ايده امبينه يهزز راسه بتوعد ما اعرف شسوي يعني شيسويلي لا ياربي رجعت كعدت واني اسوي نفسي ولا هامني كاعده مثل الاميرات ورافعه راسي ....
شويه وصلنه يمه بيت ايلول نزلت ماما واماني اجيت انزل كمش ايدي وحجه ...
احمد: عمه طالع وراح اخذ ايمان وياي شويه ونرجع
الام: ليش يمه صاير شي
احمد:هه لا عمه ان شاء الله خير تعرفين بنتج اله تعاند
الام: ماشي يمه
ايمان:اني اباوع ومصدومه شلون امي تخلي ياخذنه تقدمت ماما وهيه تشاوني وتحجي وياي
الام: هااا ولج سويتي الي براسجج
ايمان: مااما لا تخليني اروح حبابه
الام: دروح روحي ما يسويلج شي ...
يمه رجعها بساع
احمد: لا تخافين عمه هيه ويا رجلهاا
ايمان: كال هيج وشخط السياره اريد احجي بس ارجع اسكت وانجب وهو هم ما يحجي بس ساكتت احسه متحلفلي بس اكيد ما ياذيني اي اكيددد ....
شويه وصف السياره كبال بيتهم عزاااا ليش جابني هنا كمت اطكطك من الخوفف وابلع بريقي نزل هو واني بعدني كاعده مثل الشاطره فتح بابا السياره وجرني من ايدي احسس انخلعتتت نزلني واني كامشه الصايه خاف تنفتح وهو يجرر بيه دمعت عيوني واني احاول احبسهاا ...
دخلنه للبيت وهو كامشني من ايدي واحسها كامت توجعني من قوة كمشته ويعتت بيه اباوعله وهو متجه لغرفته خفق كلبي بقوه شراح يسوي بيه عززااا لا لا احمد ما ياذيني يحبني احمد اكيد ....
فتح باب الغرفه ودخلل جرني من ايدي ودفعنيي عطت بقوه من قوة الدفعه واحس ايدي نخلعت رجع طلع بدون ما يحجي يا الله هذا شبي يخوفني سكوته ضليت كاعده واني اهفي على وجهي علمود لا ابجي .....
شويه ودخل كامشش فستان كلشش جبير ذبه عليه نزلت راسي واني اريد ابجي من الفشله شلون ذبه عليه وهنا حجه ....
احمد: كومي لبسي هل فستان
ايمان: رفعت راسي باوعتله باوعلي كش نفسه وبعد نضره عني اريد استوعبب هيج سوه هه احمد بعمره ما سوه هيج وياي ...
طلع واني نزعت الصايه نزلن دموعي رفعت راسي لكيته واكف كبالي يباوعلي من فوك ليجووا صار وجه احمر اكثر كززز سنونه وحجه
احمد: هذا الحذاء لبسي هم
ايمان: ذبه عليه رجع باوعلي نضره اخيره وطلعت خفت ارجع ابدل ويدخل دخلت للحمام الغرفه ....
دخلت وقفلت باب الحمام بجيت بقلة حيله على نفسي وعلى روحي امداني لازم دائما اعاندد بس مادري هيج راح يتصرف وياي رجعت بجيت اكثر من حاولت افتح سحاب الفستان وما يفتح صرت مثل القردد واني افتح بي اخر شي انفتح نزعته ورجعت لبست الفستان الي جابه الي ....
انداريت على المرايه واني كامشه الفستان من الصدر علمود لا يوكع اباوعله الفستان كلشش جبير ومنفوشش يصير لونه احمرر وحزام على الخصر على شكل ورده من فوك ضيق ومن جوا نفشش كلشش جبير  والاردان تور كلها ما يبين شي من الايدين والصدر هم وتور على الركبه هم ما بين شي من جسمي كله باوعت لفستان  صحح يخبلللل والي يشوفه ينبهر بي بس فستاني احله اخخخخ ....
تذكر شلون عاملني نزلت دمعتي وبجيت وشهكت كل قوتي مسحت دمعتي واني اصعد الفستان علمود اسده ما ينسد يله هسه هذاا شلون حاولت وضليت ربع ساعه نترت الفستان بملل وكمت اشهك اكثر واني احسس تعبت ارتجيت على المرايه واني حاطه ايدي على عيوني فجائه فززني صوته وهو يعيط ....
احمد: وينجججج نمت
ايمان: بجيت اكثر واني ما اكدر اجاوبه
احمد: فتحيييي الباببب
ايمان: عطتتت بي ...
ماااا افتححح روح من هناااا
ما احسس غير ضرب الباب بقوهه بحيث جفلت ورجعت ليورا
احمد: لججججج فتحييي البابب صار ساعه متحملل اخبالججج وساكتتتت
ايمان: بجيت واني احجي ....
ما اكدر افتحه
رجع ضرب الباب بدفره من الخوفف ركضت فتحته لباب ...
اول ما فتحته دفعني ورجع كمش ايدي عتهاا احسس نخلعت عطتت واني احجي ....
اخخخخ ايدي احمددد
كزز سنونه وحجه وهو وجه كبال وجهي ونفسه الحار يضرب بوجهي 
احمد: صار ساعه اكول فتحي الباب ليششش طولتييي
ايمان: عاط بيه باخر كلمه ...
نزلت راسي وبجيت ...
هئئ هئ السحاب ما ينسدد
كتله هيج باوعلي وهو عيونه حمر احسه شاربب من كثر العصبيه وانصدمت من سوه هيج ...
دارني عليه ودفعني على المرايه احسس المغسله دخلت بطني عطتت واني ابجي ....
اخخخ بطنيي
احمد: صوتج ما اسمعه لج
ايمان: باوعتلها بالمرايه واني اشوف وحشش مو احمد اول مره يسوي هيج اصلا ما جنت متوقعه يسوي هيج هو فستان ولبسته حسيته هل موضوع عادي واني دائما اعانده مادري ليش هيج سوه ....
واني افكر ما احسس غيرر سحب السحابب واحس من القوة ضهري نجرح من قوة السحبه كشيت وجهي بالمم ودموعي ينزلن.....
احمد:  خمس دقايق والكاج مخلوقه يم السياره فاهمه
ايمان: طلع واني انداريت على المرايه مسحت عيوني وعدلت مكياج وترجع دمعتي تنزلل ...
شلت فستاني واني اطلع من الحمام لبست الحذاء الي جابه والشال والصايه ...
صعدت بالسياره واني منزله راسي وهو بس ينفخخ وصلنه واشوف الشارع كله ناسس مكلوب كلب احسه صار اعصاب شويه ويكوم يضربني فززني من ضرب على ستيرن مال السياره بقوه جفلت واني اعصر بيدي من الخوف....
احمد: لبسي الصايه زين نزلي الشال على وجهج لا تنزلين اكفي
ايمان: كال هيج ونزلل ضليت انتضر شويه وفتح الباب مدلي ايده انزلل ....
كمشت ايده ونزلت حضني وهو يريد يدخلني بصدره احس ضعت بعد محد يشوفني وهو كامشني هيج .....
غمضت عيوني من اشتميت عطره والدشداشه البيضاء الحاضنه عضلاته مع كل هذاا يخبلل رجولته الطاغيه عليه تخبللل قطع تفكير صوته وهو يحجي بطارف خشمه ...
احمد: يله فوتي جوه
ايمان: دخلت واني حابسه دمعتي من اسلوبه وياي احمد اول مره هيج يتصرف وياي ....
شفت ايلول من بعيد وهيه تاشرلي تعالي رحت نزعت الصايه والشال وعدلت نفسي وطلعت كعدت يمها والرزايل وتغلط عليه لان تاخرت وعقدو بدون ما اكون موجوده نقهرت فد مره عقد اخوي وما حضرته نزلت راسي بقهر واني اعض شفتي
ايلاف: بيج شي ايمان
ايلول: بيج شي ؟
ايمان: لا لا ما بيه شي بس نسيت شغله بالبيت ورجعني احمد واتاخرت عذريني ايلول كلبي...
حجيت هيج ما اريد اضوج ايلول وياي اريدها تفرح لان اعرف شكد تعبت هيه وعلي .....
.
.
.
.
________________
ايلول: كاعده على الكوشه مال خطبتي اليوم اسجلت باسم علي صرت مرته...
ويمي ايلاف وايمان كاعدات ايمان مادري شبيها ضايجه وجها احمر وعيونها ادمع ادري بيها صاير شي ما تقبل تكول واني هم ما اريد اضغط عليها اعرف بطريقتي سرحت بتفكير واني اباوعل على ايمان فززني صوت الاطفال وامي
الام: يالله بنات كل وحده تلبسس العريس راح يفوت
ايلول: الاطفار يصفكون والبنات يركضن يريدين يلبسن شال واني واكفه ارجف اريد احد يمي حسيت احد كمشني من جتفي انداريت اباوعلها ايمان ....
ايمان: لا تخافين حبيبتي لا تتوترين تنفسي
ايلول: اخخخ خايفه ومتوتره شلون شكلي مرتبه
ايمان: شنو مرتبه طالعه تنكرطين متاكده اذا شافج هسه يكللهم حضرولي الغرفه
ايلول: تحجي وتغمز ضربتها على ايدها وحجيت ....
انجبي ما تستحين
ايمان: اجه باعيله شلون يباوعلج اويي
ايلول: انداريت واني اوكف وهو واكف كبالي لابس القاط الاسود الي حاضن عضلاته وجماله نزلت راسي بخجلل وهو تقدم وبايده باقة ورد ....
صار كبالي واني منزله راسي تقرب اكثر وهو يرفع راسي بايده صارت عيوني بعيون ابتسملي وهو ينطيني باقة الورد اخذتها وقرب وجه من وجهي وانفاسه الحاره تضرب جبيني باسني بهدوء من جبيني ضل هيج طابع البوسه ابتعد وهو يتقرب اكثر باسني من الخدي واني احس اشتعلت بيه نار من الخجلل والناس تصفك وتهوسس وهو ما هامه احد قرب شفته من اذني وحجه
علي: اول بوسه بالحلال ...
ايلول: نزلت راسي وهو يباوعلي ويضحك كعدنه وهو كعد بصفي وايمان كامت تهوسس وتركص واماني وياهنن واني حاطه ايدي على الفستان وايده الثانيه كامشه الورد حسيت ايده لامست ايدي رفعت راسي وباوعتله كمش ايدي وقربها على شفته وباسها عزااا شبيك اليوم عليي اشو جريئ يحظي احسس الهواء شح عندي من الخجلل...
ضل كامشش ايدي ويلعب باصابعي وماكو بينه بس النضرات الي تشرح كلشيي رفعت راسي على الباب واشوف هاي مدري شسمها اي ساره دخلت وهيه حاطه الصايه بس على كتفهاا اول ما دخلت نزلتها وانطتها لامهاا امبينه تمشي وراها ...
هيه نزعت الصايه لو نصدمت لابسه فستان فد مره مكشوف فوق الركبه والصدر والظهر والايدي كلها مكشوفه انصدمت من جرئتها نزلت راسي بخجلل اني خجلت مو عاد هيه جسمها بارز مفاتنهت بارزه كلشي بيها بارز وعود كدام علي عدها عادي
تقرب من عدنه واني وعلي وكفنه تقربت كمشت ايدي من اطراف اصابعي وحجت وهيه كاشه وجها كانوا ما عاجبها ....
ساره: مبروك
ايلول: كالت هيج وخرت ايدها وتقربت من علي ما احس غير تقربت وحضنته  وكامشه كتفه انصدمت فتحت عيون على وسعهن من الصدمه واني ما اعرف شسوي مقعوله اريد استوعب والناس كامت تتهامسس وتحجي واني احسس فشلت بنصهم ههه خطيبته واكفه يمه وهاي تحضنه ههه....
باوعتلها بعدت نفسها عنه وحجت
ساره: الف مبروك علاوي
ايلول: اباوعله ما بين اي ردة فعل حتى ما حضنها باوعلها  وحجه بنبرة عدم اهتمام
علي: يبارك بيج
ايلول: بقت تباوعله وهيه تسوي حركات وتحجي ...
نزلت راسي واني عيوني غوشت بالدموعع ما اعرف شسوي باوعت لماما وهيه تباوع وما عاجبها باوعتلي وابتسمت بوجهي واجتي وكفت يمي
راحت ساره وهو باوعلي احسه يريد يحجي بس الناس تباوعلنه هزيت راسي واني دمعتي نزلت حاولت ما ابينها حجيت ويا ماما واني اشاورها....
ماما اخذيني مناا احس اختنكت
الام: تمام يمه تعاليي ليلى
ايلول :اجتي ليلى وهيه ترفع الفستان وماما كامشته من وراا دخلتني كعدتني بغرفتها وهيه تحجي وياي
الام: يمه لا تزعلين ما شفتي ما انطاها مجالل وهيه امبينه لازكه بي وانتي هم لا تنطيها مجال تخلي فرحتتج تخربب روحي ركصي ويا وافرحي وموتيها قهرر
ايلول: مادري بعد ما اريد افوت احس اختنكت
الام: يمه ضلي كاعده هنا شويه وارجعي ادخلي واريدج تدخلين وانتي الفرحه على وجهجج وموتيها من القهرر ...
ايلول: طلعت ماما واني كعدت اهفي على وجهي بايدي علمود لا ابجي من القهرر
ليلى:انتي بخير
ايلول: اي بخير حبيبتي
ليلى: تمام اني هسه اجيج
ايلول: طلعت ليلى واني كمت وكفت كبال المرايه عدلت مكياجي و تسريحتي بسيطه مرفوع شعري من فوك بتاج بسيط ومن جوه نازل شعري
عدلت فستاني واني اباوعله شكد عجبني يا الله هو اختاره واختياره كلشش حلو اتذكرر كلشي من جنت متوتره وما لكيت فستان يعجبني .....
علي: شبيج حبيبي
ايلول: اممم ماكو فستان يعجبني
علي:الفستان اني ادزه الج
ايلول: يعني على ذوقك
علي: اي اريد اني اختاره الج واذا ما عجبج تكدرين تاخذين غيره
وصدك ثاني يوم دزلي بوكس فتحته واني انبهرت من جمال الفستان كمشته واني ارفعه بس كلشش ثكيلل واخير رفعته واني اشوفه فستان ابيض وبي وردات وفراشات وردي وازرق كلششش منفوشش وجبيرر الايدين نازله على النص وشويه بي فتحه من الصدر ....
بوكتها ماما وليلى نصدمن بجماله اني بنفسي نصدمت ما جنت ادري عنده هيج ذوق بملابس النساء ....
فززني وقطع تفكير صوت الباب عرفتها رجعت ليلى حجيت واني اكعد على الجربايه ...
ادخلي
علي: ايلولتي
ايلول: سمعت صوته واني انداريت باوعتله واني اوكفف واحجي....
هااا
شفته اجه واتقرب مني صار كبالي بعد خصلات شعري الي نازله على وجهي وحجه ....
علي: ضجتي
ايلول: رفعت راسي واني مدمعه رجعت نزلت راسي واكتفيت بالسكوت
علي: احجي بنتي
ايلول: اي ضجت حط روحك بمكاني وهيج يصير شتسوي وهسه اني اشوف وحده حاضنه خطيبي كبالي ....
باخر كلمه شهك ما احس غير جرني لحضنه وهو يمسد على راسي
علي: اشش بنيتي
ايلول: بعدت راسي من حضنه وحجيت ...
ليش حضنتك
علي: هاي تصرفاتها من هيه طفله
ايلول: بس هسه كبرت
علي: اني ما اعرف ليش هيج سوت بس راح اتصرفف وياها
ايلول: تمام
كلت هيج وهو يكمشني من ايدي
علي: نطلع
ايلول: ابتسمت بوجه وحجيت ....
اي
طلعنه ورجعنه كعدنه سويت مثل ما كالتلي ماما كامشه ايده واضحك واحجي ويا لابسني الذهبب والحلقه وهيه اشوفهاا عيونها حمرر تريد تاكلني وكلشش شويه محركه رجليها بغضبب ...
جرتنه ايمان وهيه تشغل اغنيه هادئه تقرب مني وهو يحط ايده على خصر ويقربني اله حطيت ايدي على كتفه واني غارقه بجمال عيونه حط جبينه على جبيني واستمر هيج احسس انفاسه تضرب بوجهي حاره رجع تقرب اكثر وهو يدفن راسه بركبتي احسه نسه احنه وين تقربت وحجيت بهمس....
علي الناس
كتله هيج رفع راسه وباوعلي وحجه
علي: ترا حلالي
ايلول: ابتسمت واني انزل راسي بخجل مادري شلون انتهت هل لحظات الي حسيتهن ااحله لحظات بعمري ...
تقرب وباسني من جبيني وهو يريد يطلع طلع واحسس اشتاقيتله مادري شلون بس اريده يمي ...
كملنه الحفله بين خبال ايمان وايلاف وركصهن الي يشوفهن ركص خبال خربتتت ضحك عليهن وطبكت وياهن ليلى واماني ونورس كاعده يمي هاي سندي كامشه ايدي واني كامشه ايدها وهيه تبتسملي حسيته تريد تكلي اني ابدال امي اذا ماما مشغوله تقربت وبستها وهيه حضنتني جرتني ايمان كمتت اركصص وياهن واني فاحطه من الضحك وهذيج ساره ما ضلت هواي طلعت وهيه تنفخخ وامبينه باجيه عيونها حمرر والكحل نازلل على عيونها  ....

جطلعت من الحمام واني احس التعب اكل جسمي بعد ما اكدر اتحرك والكعبب اذاني ما متعوده اضل لابتسه هلكد ذبيت نفسي على الجربايه واني ادخلل بسبات عميقق وبين فرحتي واحلامي بعلي ....
.
.
.
.
__________________
علي: شكم مره كتلج لا تسوين هيج
ساره: انته واحد اناني تدري بيه احبك من زمان من زمن هاله وهسه تروح تخطب
علي: سكتييي لا تجيبين سيرتهاا
ساره: اممم ايلول ما تدري عنها شي
علي: ساره وحق الخلقج اذا حلكج ما سديتي اجيي ادوسس عليجج فاهمه
ساره: اني احبك
علي: اسككتيييي داكلج
ايلول:شكو ......
.
.
.
.
^_________________
لهنا وينتهي البارت شهداتي ❤️🦋
اتمنى يكون عجبكم وحبيتوا وهسه الي اريده منكم
التعلق على كل فقره + التصويت + متابعة حسابي
وبسس احبكم

حسابي الانستا كلبي

اسيره في قلبه
بقلمي انا
الكاتبه شهد ❤️🦋