هله عصفوراتي 🕊️❤️
مره ثانيه اسفه على التأخير
شلونكم اخباركم سولفولي
مشتاقتلكم كلشش 🥺
------
وهسه يله نبدء
ما احلل لاي شخص ياخذذ كتاباتي
بسم الله الرحمن الرحيم
--------
ايلول: واكفه انتظر السائق اتأخر مدري ليش والشمس حاره تشوي واني من اوكف بل الشمس وجهي يصير احمرر ويكوم يطلعلي حبوب واكثرر شي اكرها هو الحبوب ضليت واكفه خمس دقائق تقريبا جان اشوف سيارة الاستاذ علي كدامي استغربت من شفت ضرف على السياره ضليت اباوع على الضرف فضولي يكلي افتحي وعقلي يكلي مالج دخل مو الج الضرف سكتت وضليت انتظر اجه هواء حار و قوي طار الضرف اجيت اشيل من الارض كمشته وجان يفزززني صوت كلشش فزيت انداريت وجان اشوف استاذ علي يمه ايباوع عليه بنظره غامضه كلها شك وغموض
علي : جاي اسوين بحده وبنظره شك
ايلول: بعد ما اعرف احجي الي يشوفني مسويه جريمه حجيت بكلامات مقطعه
أأأسستااذذ جنت واكفه هناا وشفت ضرف على السياره طارر واجيت ارجعه نشف حلكي واني احجي هل كم كلمه
علي: حجت هيج بس ما اثق باحد باوعت عليها بنضرة شك اجيت قربت وجريت الضرف من ايدها
ايلول: جرر الضرف من ايدد بس شفت على الضرف دم استغربت بس فتحت اعيوني على وسعهن من الصدمه الي شفتها
اأأاستاذذذذ شنو هاي
علي:..
-------------
ايمان: كلشش نقهرت من حجه هيج وياي علي ومن حاول يضربني دموعي ما نشفن علي كلشش مدللني ويحبني وابدا ما يخليني احتاج شي لا اني ولا اماني بس هم اني غلطانه شلون جنت اضحك هيج واحمد ما غلط من حجه هيج بس ماله حق يحجي هيج وياي اكره اكره وراح اضل اكره بدلت ولبس دشداشه قصيره ونمت من التعب ومن كثرر البجي كعدت على صوت اغاني فتحت عين وحده جان اشوف اماني مشغله اغاني ردح وتركصص
اماني: هله هله للكاع للكاع روححححح شعررر كلولشششش
ايمان: ولججج امانيييي راح اجي اخنكجج سدي الاغاني
اماني: اكعدي اكعدي ماما كالت كعدي اختج مو زين اتضل نايمه للمغرب
ايمان: ولجججج خبله كالت كعديها مو تشغلين ردحح والله اذا ما طلعتي ارتكب بيج جريمه
اماني: خاله ويا خاله هله هله للكاعع
ايمان: كمت عليها واني اعيط ضربتها بالمخده وهيه طلعت تركض واني اركض وراها
اماني: ولججج ماما لحكيني عااااااا راحح تضربني الخبله المختله عقلينا
ايمان: اكفييلييي ولج حقيرهه اذا ما هفجج بالنعال
اماني: نننننن هله هله عااااااا يمهاااا
ايمان: اركض وهيه تركض اخررر شي انضرب بشي قوي وكعت على الكاع حتى ايدي كامت توجعني من وكعت وخرت شعري من وجهي رفعت عيوني جان اشوف احمد يباوع عليه وحابس الضحكه واماني خاتله وره امي وثنثنهن حابسات الضحكه باوعت على نفسي الدشداشه مرفوعه شويه وهذا يباوع على رجليه كمت اريد اوكف انطاني ايده باوعت عليه بغضب وكمت رفعت نفسي بحدي باوعت على ماما بغضب وكتلها شفتيي بنتتجج الخبله شسوتت هااا شوكت تعقلل
الام: ولجج ليش هيج ويا اختجج كتلج كعديها بس مو هيج هااا وانتي ليش عيونج منفوخات وبعدين مو زين تنامين للمغرب
احمد: اماني شسويتي هاا
اماني :والله يا حمودي بس شغلت اغاني وكامت تعيط بله سويت شي غلط هاا
احمد: اباوع عليها شعرها نازل على عيونها وجها احمرر من العصبيه وخشمها احمررر
والله يا اماني ما سويتي شي غلطط انتي بس شغلتي اغاني
اماني: فديتكك والله ابن العمم السند
احمد: شكم اماني عدنه يابه
الاب: هاي شبيكم ويا ايمان هااا
ايمان: اجه بابا رحت راسا حظنته وكتله بابا شوفت شسوت بيه اماني والله ما يصير
الاب: اماني شكم مره كتلج اختجج عوفيها هاا محد يحجي ويا ايمان هايي روحي
ايمان: حظنت بابا وكتله الله يخليك النه وما يحرمنه منك
اماني: اي اي خلي الدلل لبنتك واني رجل كرسي والله بعد ما احجي وياكم
احمد: تعالي اماني انتي الروح والريه عوفيهم لهذول
الاب: شلون ثننين مخابيل
ايمان: ههههههههه خرربب
احمد: لا عمي مو هيج فضحكتنه وخليت هاي الجاهله تضحك علينه
ايمان: اني مو جاهله
احمد: اي تمام
ايمان:طلعت الساني وكتله ننن
احمد: بنت الاودام شلون تسوي وحركاتها الي يشوفها طفله ست سنوات اخخخ شكدد احبها ناكعه بكلبي هله خبله
-------------
ايلول: فتح الضرف جان توكع من عنده رصاصه فتحت عيوني بصدمه اول مره اشوف هيج شي والرصاصه كلها دم جنت اشوف هيج شي بس بالافلام شهكت شهكه قويه وحطيت ايدي على حلكي باوعت عليه وكتله استاذذ شنو هاي عززااا رصاصه يعني تهديد
علي:اشوفها شلون انصدمة وشهكت كتلها اسكتي فضحكتينه كزززيت على سنوني كتله اشش باوعت على الرصاصه ادري تهديد ودائما يدزولي تهديد ما اهتم بس هاي شلون راح اسكتها وهيه اول مره اتشوف هيج قاطعني شرودي صوتها
ايلول: استاذ هذا تهديد يعني اكيد الك عززااا شراح تسوي روح اشتكي اس..
علي: كافي اسكتي دوختيني شكثر تحجين
وين لكيتيها بنضرة شك
مدري ما اريد اثق بيها حتى لو وجها بريئ
ايلول: استاذذ جنت واكفه هناا وشفته الضرف بعين طارر وجيت احطه على السياره وانته اجيت
علي:تمام ما اريد احدد يدري فاهمه
ايلول: ما راح تشتكي يعني
علي: مالج دخل
وهسه حرف ما اريدد يطلع فاهمه
ايلول: تمام عفته ومشيت عوذه شكدد متكبرر سمعت صوته من صاحني
علي: ايمان ما تكولين الها فاهمه
ايلول: اي اي تمام فهمنه
عفته ورحت وشفت السائق اجه من بعيدد صعدت وضليت احجي ليش تاخرت وهسه بس ساكتت رجعت للبيت واني ميته تعب رحت بدلت وكعدت اكل واحجي ويا ماما اجتي نورس وكعدت تاكل وياي ونحجي كملت صعدت بغرفتي كعدت على الموبايل حجيت ويا ايلاف وايمان كملت نزلت لكيت ليلى تباوع تلفزيون اتموت على مسلسلات وكاعده نورس على الموبايل كعدت واني اتذكر الضرف وليش يدزوله تهديد منو هوو فززني صوت ليلى وهيه تصيح عبالي كمشتها كهرباء وتعيط كمت خايفه كتلها
ايلول: ولججج شبيج بيج شي ماما ليلى مدري شبيها
ليلي: ولكم طلع طلعع
ايلول: ولجج منوو
ليلى: ممثلي المفضل دباعووو فديته اويييي
ايلول: ولجج انتي خبله امداجج وامداه
ليلى: ربي ارزق امي هيج نسيبب اوييي فديته اذاا اخذت هيج واحددد اله اصلي عشرة ركع لوجها الله تعالى
ايلول: امداج اي والله هو وين حلاته عبالك ضفدع
ليلى: دسكتي ام الوصخ
ايلول :اني ام الوصخ دنجبي لججج ام الكمل
استمرينه نتعارك وانتهت العركه برزاله النه ثنينه من بابا
---------
علي: هيه شفتها راحت واني صعدت على الحرس مال الجامعه لشوف الكامرات صدك تحجي لو تجذب والها ايد بالتهديد صعدت وطلبت منهم يشوفوني التسجيلات مال الكامره شفتها و طلع كلامها كله صح
رجعت للمكتب رجعت راسي على الكرسي غمضت عيوني واجتي ابالي كعدت واني عصبي ليش تجي على بالي ما اريدها تجى عل بالي اطلعي اخخ كملت شغلي رجعت للبيت واني تعبانه
الام:هله يمه هله بعد روحي اتأخرت
علي: هله بالغاليه والله شغل وهستوني كملته واجيت
الام: لشوكت تضل بس شغل يا يمه العمررر يمشي ما تفكرر تزوج وتفرحني بيك بعد امك
علي: فركت وجهي بغضب وحجيت اني مو كلت لحد يجيبلي سيرة الزواجج من اريد ازوج اجي اكلج هسه لا تفتحولي سيرة ازوج
الام:هاهيه بكيفك يمه بكيفك اني هسه اصبلك غده
علي: بست راسها يمه لا تزعلين مني بس كتلج ما مفكر هسه بالزوج من افكر اجي اكلج هاا
الام: يايمه اني شرايده غيرر بس افرح بيك بعد روحي بس هاهو بكيفك وعلى راحتك
علي: وين ابوي
الام: عنده اجتماعع مهم
علي: تمام اني صاعد ابدل
الام: اي يمه واني راح احظرلك الاكل
علي: صعدت بدلت كعدت على الجربايه حطيت راسي على المخده راسي يوجعني من التعب سمعت الباب يندك
منو ?
ايمان: اني علي اسفه
علي: اطلعي براا راسي يوجعني ما ااريد اسمع حسج
ايمان: هئ هئ علي حباب بعد ما سويها بس لا تسوي هيج والله ما راح اكدر انام
علي: عيونها منفوخات من البجي وكفت كتلها تعالي فتحتلها ايدي اجتي تركض تبجي
ايمان: اسفه والله ما جان قصدي
علي: تمام بشرط
ايمان: شنو
علي: اعتذر من احمد على الي سويتي
ايمان: .....
علي: هاااا
ايمان: تمام كلشش اسوي بس لا تزعل
علي: بستها من راسها عفيه بابنيتي هيج اريدج تمام
ايمان: تمام والله
علي: هسه كافي ملابس كلهن دموع صارن
ايمان: عشتوو هناا ملابس
الام: يله يمه تعالي اكل
علي: اي يمه اجيت
اكلت ونمت من التعب
-------------
ايلول: لا عوفه حباب لا تضربه هو ماله دخل لا تضربه لاااااااا
...
لهنا وينتهي البارت عصفوراتي 🕊️❤️
ادري مو طويل بس والله دراسه وتنضيف لان رمضان على ابواب وانشالله اعوضكم
اتمنه ادعموني علمود استمرر
اسيره في قلبه
بقلم
الكاتبه شهد 🦋❤️
احبكممممم كومههههه
أنت تقرأ
اسيره في قلبه
Narrativa generaleفتاه تعيش في سلام بين الفرح والعب والضحك فتاة لا تبالي للحزن تضحك دائما شغوفه وتعيش في عالمها الخاص ومع ذاك تتعب لتحقيق حلمها وهو الدخول للجامعه وهنا يقع بحبها الشخص الغيرر متوقع من هوو ...... هو شخص بارد مغرور لا يضيع وقته ابد واجه صعوبات كثيرة جعل...
