اسيره في قلبه

بارت 12

هله عصفوراتي 🕊️❤️
شلونكم مشتاقتلكم كلشش هواي 🥺🤓
اسئلوني اليوم بهذا البارت بشنو تريدون تسالوني وبالبارت الجاي راح اجاوبكم على كل الاسئله 🤓🤓
ووووو احبكممممم كلشش
وهسه يله نبدا
—————————————————————————
ما احلل لاي شخص ياخذ كتاباتي وروايتي
بسم الله الرحمن الرحيم
—————————————————————————–
تستحقين
ولو لمرةٍ واحدة
أَن يحاول من أجلكِ أَحدهم
بلا تردد أو حيرة
أَن يبذل كل ما في وسعه
كي يَحصل عليكِ
ويَركنُ إلى كتفكِ في النهاية .🦋❤️
—————————————————–——————البارت 12
كاعده كبال المرايه اباوع على نفسي لابسه بينصل احمر ضيق كلشش لان دورت بينصل احمر شويه عريض ماكو بس هذا عندي اضطريت البسه لان اتفقنه اني وايلاف وايمان باجر نلبس كلنه احمر اني كلتلهن البس بينصل وايلاف تشيرت وبنطرون احمر وايمان فستان
اباوع على نفسي طالعه كلش حلوه وحطيت مكياج خفيف بس الحمره طوختها حمره بس كلبي يوجعني احس راح يصير شي اليوم بس انفض الافكار وراجع اركزز بنفسي فززني صوت التلفون السائق يخابر علمود انزل نزلت واني اسلم على مااما واكيد ترزلني لان ما تريكت صعدت بالسياره واني اباوع على الناس التمشي صوت العصافير وصوت الناس التشتغل بالعربانات كلشش حلوو
شويه وصعدت ايلاف وياي
ايلاف: خرببب بيج على هل جمال بنت الاوادم شطالعه تخبلين
ايلول: شكرا حياتي ولا تجاملين مره ثانيه
ايلاف: امداج وامده الي تحجيلج ولجج والنبي مو مجامله بس طالعه تشكين المطي والله
ايلول: عمري عيونج الحلوه وانتي طالعه تجنني
ايلاف: اي من هذا اتجننتي انتي
لا تجذبين طالعه جني ديج مهلسس
ايلول: عزاااا بعينج هههه انجبي والله اتخبلين
ايلاف: اوييي ترااا ادري بنفسي
ايلول: دنزلي وصلنه ومره ثانيه لا تحمين زياده
نزلنه وكعدن لان جاين من وقت
كعدنه ننتضر ايمان وهيه ماكو كلش تعبت نمت على جتف ايلاف
——————————————————
ولججج ايمان صخامم وينج اخوجج خطيه صار ساعه ينتظرج يولييي يمكموعه
ايمان: اي والله مااما نزلت والله نزلت
الام: اي وينجججججج اخوج صار عصبي
علي: ايمانننننن خمسس دقايق وتنزلين لو اجي انزلج اني
ايمان: اجيت والنبي هياتني
اشوف علي يباوعلي بنضرت غضب
فديتا لخوي الغالي بعد روحي شعندي غيرك
علي:دمشي امشي لو هسه،اكتلج هنا
ايمان: اويي يهون عليك تكتلني عزاااا يعني بعد ماكو ايمان بحياتكم منو يضحكم منو ينور حياتكم اصلا ادري راح تموتون وراي
علي: ابجي يوم يومين وانسى واكمل حياتي وازوج
ايمان: هو يمشي واني وكفت برطمت واني اباوع عليه
صدك يعني؟
علي: جذب يابه والنبي دشاقه تعالي شعندي غيرج اصلا انتي الروح والريه
ايمان: يعني تحبني
علي: اموت عليج بنيتي
ايمان: كول والله مرتين
علي: ايمان بطلي هل سوالف
ايمان: امانه كول والله مرتين
علي: والله والله وهسه امشي
ايمان: اركض ورا وكامشه ايده
فديتك فديتك احبككك اموتت عليك اخوي الغالي
علي: هههه كافي صعدي هسه الحرس يكولون معقوله عدهم وحده مخبله
ايمان: لا تحجي عليه مو مخبله
علي: خير اكو شي اليوم
ايمان: يحجي هو ويسوق ومستغرب
شكو ماكو شي شبيك اكو شي
علي: لعد ليش لابسه احمر
ايمان: قابل اول مره البس احمر؟
علي: بس اليوم غيرر كل ملابسج احمر
ايمان: اي اتفقنه احنه والبنات نلبس احمر اليوم
علي: منو البنات؟
ايمان: اني وايلاف وايلول
علي :من كالت اسمها رجف كلبي يعني لابسه احمر اليومم اخخخ اريد اشوفها
امممم حلوو
ايمان: مادري احس اكو شي بين علي وايلول بس مادري شكوو بس ايلول ما تحجي شي عليه بعمرها ما جابت سيرة معقول بس هو عنده شي وياها ما اعرف شدايصير بس اريد اعرف شعنده ويا ايلول
———————————————————————–
ليلى: ماما مااااماااا
الام: وجعاا كون شبيج اتخبلتي
ليلى: زوجيني
الام: ايااا ادبسززز ما تستحين يولييي هااا
ليلى: هو شكو واستحي اجيت كتلج زوجيني مو مثل البنات يضمن على امهن اني معتبرتج صديقتي واحجيلج
الام: ادري معتربتني صديقتج بس مو تحجين بقلة ادب
ليلى: هسه شوكت اتزوجيني
الام: بس خلي يجي واحد حتى لو اكبر من جدج اله ازوجج واخلص منج
ليلى: ليش ليش اهون عليجج هيج تحجين ليش شكم ليلى عدكم هيج تحجين وتريدين تخلصين مني
الام: انتي مو تريدين تزوجيني داكلج ازوجج
ليلى: بس تريدين تخلصين مني بواحد اكبر من جدي
الام: دشاقه وياج امي بس انتي تقهريني من تكولين زوجيني يولي
ليلى :تحجي وتلف بالدولمه
ليش مااما اني حجيت شي غلط
الام: تكولين زوجيني تدرين كلشش شي جبير ازوجج وتعوفيني بس مجرد التفكيرر انقهر واحسجن كلجن راح تعوفني احس قطعه من كلبي راح تروح
ليلى: تحجي ودموعها ينزلن واني من سمعت كلامها كمت ابجي
لا ماما والنبي دشاقه بعد ابدا ما احجي هيج وما اريد ازوج والله
الام: والله يامي مو احجي عليجن بس انتن روحي من الدنيا اشوف نفسي بيجن احجي عليجن من مصلحتجن بس من تجي ابالي شلون تزوجن وتعوفني اختنك
ليلى:تحجي وتبجي رحت اركضض عليها وحظنتها
جذب والله ما اعوفج ابدداا ما اريد اي شي بس اضل يمج ويم بابا والله وحتى صور الشباب الصاكيني الي بالتلفون راح امسحهم لخاطرج والله
الام: يمصكوعه شنو شباب صاكين
ليلى:مسحت ادموعي وتربعت
ماما يعني حلوين يخبلونن
الام: دكومي لا بارك الله بيج صار ساعه احجي ودكلي صاكين مدري صكين
ليلى: هههه ماما اعشقج ابد ما اعوفج واصلا ماكو احد يتحمل اخبالي
الام: واني هم احبج ابنيتي شعندي غيرج
لا تخافين راح يجي الشخص الي يحبج ويتحمل الدنيا كلها علمودج
ليلى: اوففف شوكتتت
الام: دكومي تربيه سزززز
ليلى: والله عادد هاي تربيتكم
الام: ايااا حقيره
ليلى: ههههههههه
————————————————————–––——
ايلول: جنت غافيه على جتف ايلاف فززني صوتها
ايلاف: ايلول ولجج صخامم هاي نايمه كعدي اجتي ايمان
ايلول: كعدت شبيج تعيطين لميتي الجامعه علينه
ايلاف: غير من وراج
ايمان: هلوووووو ههههههااييي شكد حلويم طالعين كلنه عززااا
ايلاف: اي والله هسه عبالهم عيد الحب وما يدرون هههههه
ايلول: اي عزااااا
ايمان: شرائيجن ناخذ صور قبل المحاضرات ما تبدي
ايلول: اي اي يله حماس
ايلاف: اكفن اني هنا اكفف
ايلول: وكفنه وكمنا ناخذ وضعيات مختلفه ونطك صور وضحكنه هواي اخرر شي تعبنه كعدنه ونضحك
ايمان: شكد حلوووو
ايلاف: بس اني احله
ايمان: امداج
ايلاف: نننن
ايلول: ربي ما يفرقنه ودائما هيج نضل
ايمان: تدرن ما جان عندي صديقات هواي بس هسه صرتن كلل حياتي
ايلاف: عمري انتي دائما وياج
ايلول:واني اكمش ايدهن ثنينهن
كلنه سوه وما يفرقنه احددد
————————————––——————————–—
علي: هله كوا.... بخير انته شلونك
احمد: بخير الحمد لله اكلك ما تعرف شسوه ادهم المني......
علي: امممم ادري
احمد: تدري وما سويت شي؟
علي: لا تخاف راح يرجعوم عليه اهل الصفقه ويبوسون ايده علمود اخذها
احمد: داتخطط لشي واني ما اعرفه؟
علي: امممم لا مو هسه بوقت المناسب اريد اندمه على كلشي واخلي يتمنا ارضه عليه
احمد: اممم اني خايف منك يول
علي:ههههااايي خاف خاف
احمد: عليي داحسك متغير هل الايام
علي: بشنو؟
احمد: انته اخوي مو صديقي فاعرفك واعرف كلشي تسوي بس هل الايام اشوف لمعه بعيونك دائما شارد اتفكر بشي
علي: رجف كلبي واتذكرتها مادري ليش من تجي بالي يرجف كلبي
شقصدك؟
احمد: قصدي تعرفه من ذيج الحادثه ما شفت المعه بعيونك غير هسه
يعني قصدي انته
تحب؟
علي: من يصير الوقت راح احجيلك
احمد: بربك يعني اكو شي واخيرراا ربي يفتحها بوجهك
علي: اي ادعيلي ادعيلي
احمد: دائما وياك ضلعي
علي: اخوي الي ما جبته امي
احمد: احبك بالنبي
علي: ربي يديمك الي
احمد: امعطك امانه اكف اريد ابوسك من حلكك
علي: انعل والديك كوا... مو جه سوالف الله يطيح حضك على هيج سالفه ولي
احمدد: ههههاييي هاي شبيك
علي: امشي ولي سديت التلفون
رجعت راسي لورا غمضت عيوني اجتي على بالي ابتسمت بتساععع واني اتذكرها شلون من تضوجج ومن تتصرف بطفولي ومن تسوي هيج اريد اجي اكرطها كرطط بنت الاوادم احبها واحب كلشي بيها احسها كامت تمشي ويا دمي كل ما اغمض عيوني اشوفها كبالي انام الكها بحلمي احس نفسي صرت مهوس بيها لدرجه كلشش جبيره اذا احد جاب اسمها يرجف كلبي اخخخ ربيي شوكتت شوكتتت اخذج واخلصصص حتى لو غصب اخذج اخذج
فتحت عيوني شفت الساعه لازم اطلع عندي محاضره اتذكرت هيه اليوم لابسه احمر بسرعه طلعت واني متشوق اشوفها شفتت من بعيد بنيه دايره ضهرها بس لابسها كلشش ضيقق مفاتنها بارزه اندرات عليه وجان تطلع هيه انصدمت كلشش شلون طلعت هيج هيه اهلها وينهم ضليت اباوع عليها واني صرت نارر من الغضبب كمت اسب ولعن بيها بداخلي ااريد اكمشها واكطعها شافتني من بعيد ودخلت للقاعه واني اريد اكمشها اليوم اكيد ما اخليها تطلع من الجامعه اذا ما احاسبها
————––———–—————————————————
ايلول: واكفه يم نجمه نحجي سوه انداريت جان اشوفه الاستاذ بس كلشش جان شكله يخوف وجه احمرر وعيونه حمر اجه واحنه راسا دخلنه للقاعه دخل القاعه وهو ركزز نضره عليه ويباوع بغضب بلحظتها كلشش خفت وحسيت الطلاب انتبهو بدا يشرح وهو كل شويه يزفر بغضب ما صدكت خلصت المحاضره علمود اطلع شفته اتقدم بتجاهي وهو عليه ملامح الغضب خفت والطلاب موجودين بعدهم تقدم اكثر والتلفون مالته دك الف الحمد الله والشكر ربي طلعت اركض خاف يرجع عليه مشيت وكفت يم الشجره صفنت اجتني الصفنه واني كامشه كلبي لان جنت اركض اجني البنات عليه
ايلاف: هيووو شبيج هيج تتنفسين قوي
ايلول: هيوو بعيونج ما بيه شي بس عطشانه
ايمان: انتي شبيج ويا البنيه عطشانه تعالي حبيبتي اشربي ماي
ايلاف: ولو ما مصدكه بس تعالي اشربي ماي
ايلول: ايلاف ما صدكتني غلست عنها شربت ماي وكعدنه نحجي على المحاضرات
ايلاف: يولي ايلول شخص يباوع عليج دايتقدم عليج منو هذا
ايلول: لا تضلين تجذبين
ايمان: اي والنبي ولد كلشش حلو وصاك باعي والنبي اجه اجه
ايلول: استغربت هذني شدايحجي انداريت اشوف منو انصدمت هذا مصطفى الممثل مال القاعنه مالتنه بس شيريد مني
ايلاف: اجه عزااا تعرفي
ايلول: اي الممثل مال القاعه مالتنه
ايمان:وشعندج ويا
ايلول: ما عندي شي اصلا ما احجي ويا شباب القاعه
مصطفى:السلام عليكم
البنات:وعليكم السلام
مصطفى:ايلول اكدر احجي شويه وياجج
ايلول: هاااا
ايلاف: ولججج دايحجي وياججج شبيج وجه الفاهيه
ايلول: هااا اي تفضل
مصطفى: بس شويه علمود الماده اليوم الي شرحها الاستاذ شفتج كتبتيها بس اريد اشوفها
ايلول: خطيه الولد كلشش خلوق واني اعرفه ابد ما يتجاوز
اي عادي تفضل
بنات شويه واجي
ايلاف: اني عندي محاضره هم راح اروح
ايمان: اني هم
ايلول: لعد اشوفجن ورا المحاضرات باي
البنات:بايات
ايلول:اتفضل هذني الي كتبتهن
مصطفى: اي والله تسلمين
ايلول: الله يسلمك
مصطفى: هاي شنو
ايلول:اكف لشوف
كلشش اندمج ويا مصطفى وكلشش خلوق واني اشرحله عن الي كاتبته والي ما فاهمته يشرحلي عنه اخذنه الوقت واني ويا نحجي عن المحاضره
—————————————————————————
علي: دورت عليها بكل الجامعه اريد المحها ماكو اتوقعت بنفس المكان الي تكعد بي رحت وجان اشوفها هيه واحد انصدمت كلش وشلون قريبه منه وهو يباوع عليها نضراته مو خاليه كورت قبضت ايدي اليوم موتها على ايد بنت الكلب شويه وراح الشاب وهيه ضلت واكفه ما صدكت رحت عليها
ايلول: جنت دالم غراضي الكتب والجنطه انداريت وجان انصدم استاذ علي كبالي عيونه حمر شراينه امبينات من العصبيه بعد ما اعرف احجي وقريب مني كلشش بحيث لفحني تنفسه القوي الحار
أأأ.استاذ اكو شي
علي: اي اكو
ايلول: هاااا
علي: تلحكيني على المكتب وبدون صوت واذا ما اجيتي اتخذ قرار بيج فاهمه
ايلول: راحح واني صافنه هذا شريد مني كمت اطكطك من الخوف عزااا هذا شبي بعدين هو شله دخل بيه اروح عليه كطالبه ما يكدر يسويلي شي اني ما اخاف من احد احاول اقوي نفسي بشكم كلمه
رحت واني اقوي بنفسي ومرات اندار اريد. ارجع اخر شي دكيت الباب
ما سمعت صوت دخلت و اول ما دخل انسحبت بقوه وانلزكت بالباب غمضت عيوني من الخوف الي اجتاح جسمي كله فتحت عيوني جان اشوفه كبالي كلشش قريبه عليه يباوع بنضرات مال غضب احسه يريد ياكلني
ايلول: أأأ استاذ شتريد مني وشبيك هيج كامشني عوفني
علي: امممم لازم ما تعرفين
ايلول: لا
علي: منو هذا وشعندج ويا؟
ايلول: ما فهمته قصده
شنو منو؟
علي: منو هذا الي جنتي واكفه ويا
ايلول: هسه عرفت يقصد مصطفى بس هو شله دخل
نعم استاذ اتوقع شي خاص بيه
علي: من كالت هيج فارت اعصابي شنو خاص بيها معقوله عندها ويا شي لا لا اكيد
عندج ويا شي؟
ايلول :اكثر شي صدمني من كلي هيج ما تحملت دفعته
احترم نفسك استاذ اصلا مادري شلون خليتك تدخل بيه وهيج تحجي انته بس استاذ هناا مو الك اي دخل بيه انداريت اريد افتح الباب راسا انسد وقفله كلبي كام يرجف عزااا شراح يسوي بيه ما اعرف شسوي كتله
استاذ افتح الباب اريد اروح
علي: عصبتني هواي هيه وحجيها
ماكو طلعه منا فاهمه اذا ما تجاوبين
ايلول: رجع يحجي واني ارجف واتظاهر بعدم الخوف قرب عليه حطيه ايده منا ومنا علمود ما اطلع عصبني هواي وتصرفاته كلش نرفزتني وتعبت عطت بي ومادري شلون سويت هيج
انته مالك دخلللللل بيه فاهمممم لا تدخللل وهسه افتح الباب اريد اطلعععععع

شفته انصدم شلون من سويت هيج حتى اني انصدمت من نفسي اشو هذا كمشني من ايدي بقوه وقربني عليه كلشش بحيث انفاسه تلفح وجهي وحاره من العصبيه
علي: لجج انتي شلون ترفعين صوتج ادفنججج هنااا صوتججج ما اسمعه
طالعه وياا ولد وتحجين وياا مثل الكح....
ولابسه لبس مال كوا...
وتكولين لا تدخللل ولججج تريدين اخليجج على كيفججج تحلمينننن
ايلول: يهزز بيه ايده كامت توجعني وانصدمت من حجه فشار وهو شله دخل بيه
احترم نفسك ما اسمحلك تحجي عليه هيج وبعدين. شريد اسوي اسوي مالك دخلل بيه وهسه عوفي ايدي ما اسمحلك تلمسني
علي: ادخللل بيج وغصب عنجج فاهميه وهذا لبسج ممنوع وخلينه اشوف لابسه وحق الحق اله اشكه عليججج فاهمه لجججج
ايلول: مالكككككك دخللللل بيه داكلولل شتريد مني ليش تدخلللل بيه منو انته شتريد شتريد
احجي وابجي تعبت كلشش
علي: اريدجججج انتييي
ايلول: حجيت بتلعثم
ش ش شقصدك
علي: قصدي اريدج احبججججج ولجج فهميي احبججج مهوسس بيج
ايلول: فتحت حلكي من الصدمه ضليت اباوع ما ارمشش يمكن اول مره هيج انصدم شنو يحبني شنو ما عرفت شسوي ردت ابعده عندي بس الي صدمني وفتحت عيوني جسمي كله رجف بعد ما عندي قدره ادفعه كل قواي راحت كلهن .........
——————————————————————
لهنا وينتهي البارت عصفوراتي 🕊️❤️
اتمنى عجبكم واريد ادعموني اكثر وتصوتون وتشاركون القصه 🤓🤓
واريد منكم
التعليق على كل فقره +التصويت +احبكممم كلشش

واحب اكول لصديقة عمري والي داتشجعني اكتب ومتابعه القصص بارت بارت احبجج كلشش عسلايتي اعشقج وربي ما يحرمني منج يا كل دنيتي انتي سندي 🥺❤️

اسيره في قلبه
بقلم الكاتبه
شهد 🦋❤️