اسيره في قلبه

بارت 22

اهلا شهداتي ❤️💙🦋
شلونكم اخباركم ان شاء الله بخير
مشتاقتلكم تراا 😒
اتمنى تدعون لطلاب السادس خطيه وتكون وياهم
______________
بسم الله الرحمن الرحيم
ما احلل لاي شخص ياخذ رواياتي او قصصي
وهسه يله نبدا
_______________
إنني أحبّك
في كُلّ حِين
حتى في صعوبة الأوقات
وضَجة الأفكار
والتَساؤلات
أحبّك ..
ولا شيء في قَلبِي
أعزُّ مِنك ♥️".
________________
البارت 22
ايمان: اكلج وين ايلول ما شفتها
ايلاف: اني هم ما شفتها اليوم من نزلنه من السائق
ايمان:امشي وياي
ايلاف: هيووو وين ماخذتني وياج عوفي ايدي
ايمان: هيوو بعيونج يالجلبه امشي وياي على علي اريده بشغله
ايلاف: واني شلي دخلل انتي روحي هو اخوج
ايمان: دنجبي خافف ايلول يمه
ايلاف:كامشه الاكل واكل واحجي وياها....
شتسوي ايلول يمه بله طيري
ايمان: انتي بس عوفي السم وركزي وياي
ايلاف: تفف عليجج سمم عليجج شكوو يله شكوو ايلول شتسوي يمه
ايمان: ولججج ايلول مو حجتلنه وحجيتلج شلون علي يحبهاا قبل فتره وهل الايام بعد ماكو اخبار عنهمم امشيي خاف يمه
ايلاف:اي صدك ليش ما فكرت اني
ايمان: اي ملتهيه تعلفين مثل البقره
ايلاف:انجبييي يا مطيه
ايمان: جريتها من ايدها ومشيت ....
هسه دمشي
ايلاف:اي دامشي بس عوفي ايدي
ايمان: اخذتهاا لمكتب علي واني كل عقلي هيه هناك واني باخر فتره كمت اشوفهم واحد يبتسم بوجه الثاني
ايلاف: وصلنه
ايمان:وصلت فتحت الباب وحجيت ...
علي ايلو....
داحجي واني رفعت عيوني ماكو احد بالغرفه لعد وينه
ايلاف: خليتيني اعوف الاكل من ورا سوالفج وهسه اخوج ماكو
ايمان: بالي مو يم ايلاف جريت ايلاف من ايدها وطلعت برا الغرفه واني افكر
ايلاف: هيوو شبيج احجي وياج
ايمان: وجع وسمم شكوو
ايلاف: شبيج صافنه
ايمان: ايلاف لا تضلين غبيه وركزي وياي
ايلاف: راح اعبرها الج واحجي هسه
ايمان: ايلول ماكو وعلي ماكو يعنييي
ايلاف: يعنيييي
ايمان:اييي
ايلاف: يعنيي ماكو
ايمان: تفووو عليججج كومي من يمي مسويه نفسها ذكيه كومي لو بدفره
ايلاف: وجعع اييي ايدي لا تضربين تريدين تحجين احجي لا تضلين تلفين ودورين
ايمان: ولججج افهمي عليه ايلول ماكو وعلي هم ماكو يعني يمكن هما سواا شبيج لخاطر الله
ايلاف: اي عزااا ليش ما فكرت هيجج
ايمان:لان غبيه
ايلاف: انجبيي امشي وليي زوعلوتتتت
ايمان: اشاقه وياج شبيج زوعلتييي
ايلاف :اويي جرحتيي مشاعريي
ايمان: خاببب دولي انتي ومشاعرج المعوقه
ايلاف: غميتها واني احجي ....
والله انتي المعوقه
ايمان: كومي
ايلاف: يا ستاررر ربيي ويننننن
ايمان: وجععع صوتججج
ايلاف: والنبي ما اكوم اله تكولين وين
ايمان: نروح لمكان ايلول الي تكعد بي
ايلاف: هاي هذا مكانها الي يكعد بي يصير بي توحد
ايمان: انجبي وكومي
جريتها واني امشي واكول بكلت الكاهم هناك ومن صدك واحد ينعجب بالثاني وافرح بيهم مجرد الي فكرت بي عجبي يالله .....
ايلاف: بسس دعوفي ايدي هايي شبيجججج
ايمانن: انجبيي امشي
ايلاف: عوذه الله يساعد احمد هاي هيج تكمشين ايده
ايمان: هههههاااييي لا حبيبتي هو الي يكمش ايدي
ايلاف: انقهر عليه والله هل رجال مكرود
ايمان: انجبيي يلكه احسن واحله مني
ايلاف: اي اكوو جثير واحله منججج مو مثلج جنج بطه
ايمان: من عابتلجج وليي اكولل صديقتي طلعتي حيه
ايلاف: هههههاااييي وانتي سمهااا لهل حيه
ايمان: سكتي وصلنه
ايلاف: لشوف
ايمان: عزااا هاي شصايررر لا يربي
ايلاف: شكو
ايمان: شوفيي عزااا
ايلاف: امشي نروح نشوف شدايصير
ايمان: لا عوفي احنه ما ندخلل
وكفت اباوعل شدايصير وادعي من ربي انو ما تصير مشكله ......
.
.
.
.
.
_______________
ايلول: كلي هيج رفعت راسي واني مستغربه وبنفس الوقت مصدومه شنو يخطبني يربي هذا شدايحجي بلعت ريقي واني ما اعرف شحجي بس طلعت مني هل كلمه ......
تخطبني؟
ابراهيم: اي اخطبج ادري بيج مصدومه بس اني معجب بيج من اول يوم شفتج ومن اول صدفه حبيتج ودخلتي كلبي
ايلول: يحجي وياشر على كلبه
ابراهيم:واني من احب شخص ما اريد اضره او اضحك عليه ولا اريد اخذ فتره ونحجي مثل المراهقين وانتي جبيره واعيه وتعرفين فاجيتج من الباب وطلبت ايدجج واتاكدي راح اخليج اسعد انسانه وان شاء الله ربي يقدرني افرحجج واسعدج انطيج مجال تفكرين ورديلي خبر ادز الوالده واتمنى يكون جوابج يفرحني لان من صدك حبيتجج وحبيتج حب نقي وصادق ......
ايلول: حجاها كلها دفعه وحده واني مصدومه بعد ما يطلع الكلام من حلكي اصلا احس نفسي عرقت اريد احجي اجاوبه من ارفع راسي اشوفه يباوعلي وهذا الي يخجلني اكثر بس اكثر من كل هذا حسيت بانزعاج منه....
كلشش انزعجت وضجت صح ما سوه شي غلط بس مادري من كلي اخطبج اجتي ابالي صورت علي ما اعرف ليش يا ربي قطع صفنتي صوته ......
ابراهيم: انتي بخير؟
ايلول: رفعت راسي واني قررت شحجي وشكول بس الشي الصدمني كلشش خلاني جامده بمكاني ما اعرف شسوي بس شفت نضراته الي مثل واحد يريد يهجم على فريسته نضرته كلشش يخوفن عيونه حمررر شراينه ناطه وشراينه ركبه صايرات حمرر اي اي هو عزاا شجابه اكيددد عرفه اكيدد سمعنه اكيددد .....
باوعلي وهوو عصبي نضرتله بضراته بريئه بمعنهاا افهمني ما احسس غيرر اجه وسحبني من ايدي وخلاني وراا ما كدرت استوعبب شي وشوكت سوه هيجج بس فززني صوته .....
علي: شرايددد هااا شنو خطوبه نذلل عرفتتت شنو تفكيرك هاا عرفتك صورتك مكشوفه
ابراهيم: انتو منو سمحلك تسوي هيجج هااا ومنو سمحلك تحجي هيج وتمسك ايدهااا
ايلول: اني ورا علي وكامش ايدي بقوه كمت ارجف عزاا هسه انفضححح لا يربي وهذا استاذ ابراهيم الشراره كامتت تطاير من عيوني شكله يخوف دائما اشوفه الاستاذ الهادء هسه يخوف وجه صار احمر من العصبيه .....
اتقرب استاذ ابراهيم يكمش ايدي ويجرني راسا كمشه ايده علي حاولت انو اخفف التوتر والمصيبه الصار حجيت ....
استاذ بس شويه راح ننفضح الله يخليكم
حجيت هيج ويا ريتني ما حجيت اندار عليه علي وخزرني واني كمت اطكطك من الخوفه وعيوني يمه لو رصاصه جان من زمان كتلتني قطع تفكيري صوته ......
علي: الي شفته كداممم وشلون يريد يخطبها وهيه الفاهيه بس صافنه خلاني افور من العصبيه جنت واكف بهدوء واسمعهم والنذلل يكللها احبج بس الي حسيت بي ما اكدر اوصفه مثل البركان الي يفور حسيت انو راح تضيع من ايدي ايلول مالتي محد ياخذهاا وهو شلون يعبر عن حبه الها بهذا الوقت ما احسس بشي بس اريد ادبحه واخلص منه هل كو**** ......
اسكتي ولا حرف حسابج بعدين
حجيت واني كازز على سنوني
رجعت باوعتله لل**** ...
خطوبه وماكو فاهم لو لا
ابراهيم: هههههه انته تضحك على روحك شني خطوبه ماكو ههههه استاذ علي اسحب روحك منها ورجع البنيه ولا تضل كامشهاا وراح اخطبها واتزوجها غصب عنك فاهم .....
ايلول: يا رببب والله راح ننفضحح سترك ربي كمت اطك سن بسن اخاف انفضح وتصير سيرتي على كل السان وهذا كامشني وهذاك ينرفزه ويحجي كلام يخلي علي يفور بس الي صدمني اكثررر الي حجه علي ضليت فاتحه حلكي عليه الكلام بعد ما يطلع .....
علي: بس ايلول خطيبتي
ابراهيم:هههههههه احس بيك شي شارب شي
علي: باع لك......
ايمان: احممم علي شصاير هنا
ايلول: قطعت علي صوت ايمان انداريت واني اباوعلها بعيوني بترجي يعني انقذيني رجعت باوعت لعلي ايلاف تباوعلي وهيه مصدومه شلون علي كامش ايدي ومخليني ورا .....
باوعتلها بترجي يعني واشرتلها على ايدي يعني تعالي اخذيني باوعتلي وبلعت ريقها وهزتلي براسها يعني تمام توهاا اجتي تقرب وحجه علي ....
علي: شداسوين هنا؟
ايمان: اجيت على ايلول
ايلول: اندار عليه وباوعلي رجع نضره على ايمان كمش ايدي وانطاها لايمان باوعتله ورجع نضرته الي وحجه....
علي:اخذي ايلول وروحن
ايمان: ......
علي: كزيت سنوني وحجيت ...
شداحجي
ايمان:تمام تمام تعالي ايلول امشي
ايلول: كمشت ايدي ايلاف وجرتني واخذتني واني اباوعله باوعلي وغمض عيونه بقهرر .....
_____________
علي: سمعت الي كلته ايلول تبتعد عنها فاهم لو لا والخلقك يصير شي ما يعجبك
ابراهيم: هههههه تحلم ابتعدد الي اريده اخذه
علي: زفرت بغضب واني احسس نفسي وصلت لمرحله هسه اكسره بيدي ...
رجعت نضريه عليه وحجيت ...
الي تريده تاخذه بس غير تكون تحبك بس انته اثول لازك نفسك بيها
ابراهيم: المهم تحترمني بس تكرهك الك
علي: قربت واني اربتت على كتفه بعصبيه...
داكلك ابتعدد لا تلغي هواي فاهممم
ابراهيم: نتواجها وتشوف راح اخذهاا
علي: بحلامك
كلتله هيج ورحتت واني اعصابي فارت اخخخ ايلولل مجرد فكرت انو تقبل بي احس اختنك احس روحي داتطلع ....
طول هل شهر واني احاول اتقرب منها وما جنت اريد اخذها دون ارادتها اريدها تكون الي اريد قلبها وروحها وكلشي بيها الي ....
معقوله لا اكيددد دائما اشوف نضرتها الي اكيد بدات تنعجب بيه تعبت من التفكيرر محد يحسس بهل شعور انو تفقد احد بس صاحبه.....
رجعت راسي واني ازفر بتعب اخخ كلبي شوكت تصير الي واطمئن .....
رفعت راسي بعصبيه اكيد مو راح تروح لغيره كمشت تلفوني واني ادز رساله الهاا ....
اخخ يا رجفت كلبي راح اخذج بعد هل تعب اكيد ......
.
.
.
.
________________
ايماان: احجي شصاير يولي ولجج لا تضلين صافنه اخخخ كلبي ورم من وراجج
ايلاف: هيوووو احجيي لا تخليني اعيطط
ايلول: وجع سكتن احس ضغطي هبط يمه
ايمان: دهاج ماي واحجي
ايلول: شربت ماي وهنه فاتحات حلكهن عليه يريدني احجي .....
اول شي انتن احجن شجابجن
ايمان: دورنه عليج ماكو كلنه اكيد بمكانج كاعده ورحنه شفنه الي شفنا ..
ايلول: اخخ شحجيلجن شويه وانفضح بالجامعه
ايلاف: احجي حبيتي شصار
ايلول: استاذ ابراهيم طلب ايدي ....
ايمان ايلاف: شنووووووو
ايلول: طلب ايدي وكعد يحجيلي يرد يخطبني ويدز امه
ايمان: زين علي شجابه
ايلول: مادري توني اريد اكله ما اريد اتزوج هسه وجان اشوفه ورانه و.......حجيتلهن الي صار كله
ايمان:كل هذا صاير
ايلول: اي يحظي
ايلاف: وشراح تسوين
ايلول: شسوي ما سوي شي
ايلاف: واذا اجه استاذ ابراهيم
ايلول: مرفوض
ايمان: ليش؟
ايلول: اعتبره استاذ وبسس
ايمان: ايلول
ايلول: هااا
ايمان :تحبين علي؟
ايلول: باوعتلها واني بهتت وجهي ما اعرف شحجي انربط الساني واحس داسترجع ذكرياتي ويا طول هل فتره شكد جانت حلوه .....
قطع صفنتي ايلاف....
ايلاف: ايلول جاوبي تحبي
ايلول: ما طلعت من حلكي بس هل كلمه ...
مادري
ايمان:يعني شنو ما تدرين؟
احجي اي شي تحسي
ايلول: كعدت اذكر واني ابتسم ...
احس ويا بسعاده كلشش جبيره وامان ومن يغمزلي اضيع مااعرف وين اروح كعداتنه سوه وضحكاتنه سوه كلشيي حلو
ايمان:ايلول والله انتي تحبي صدكييي
ايلاف: صدك هيج هو الحب
ايمان:اي يولييي هيجج هيجج
ايلاف: ليش انتي تحبين احمد هاا هااا احجي
ايمان: وليي هسه خلي نحجي ويا ايلول
هيووو ايلول
ايلول: صافنه وافكر معقوله حبيته اكيد لا عزااا صدك ....
هااا شبيج
ايمان: تحبي موو
ايلول: مادري مادريي
ايلاف: السائق ينتضر امشي
ايمان: باجر نحجي
ايلول: تمام باي
رحتت امشي ويا ايلاف بس تفكير مو يمها معقول اني احبه صعدت بالسياره واني اباوع للطرقات و رن فوني
طلعت وجان اشوف رساله من علي يمه كلبي كام يدك بسرعه احسس راح افقد الوعي شبيه عزاا اخذت شهيق وفتحت الرساله .....
علي: وين انتي اريد اشوفج
ايلول: انصدمت ليش يريد يشوفني ربي سترك كتبتله ...
اني بالسياره رايحه للبيت
علي: باجر اريد اشوفج فاهمه لو لا
ايلول: امبين اعصاب كتبتله ....
تمام
كتبتها وانتضر جواب ماكو الفضول كام ياكل بيه شيريد مني عزاا يمه احسس نفسي صخنت ...
رحت للبيت واني افكر امشي مثل المخبله وصافنه فززني صوت ماما ...
الام:ولجج شبيج مثوله الماي هيه توكعي
ايلول: باوعت على رجلي يمها سطل ميه ردت اجفص بي
الام: شبيج يولي
ايلول: كلشي ما بيه بس تعبانه
الام: دروحي يمه بدلي ونزلي تغدي
ايلول: تمام
ما الي نفس اكل بس لازم انزل اكل واذا ما اكلت امي راح تشك اكيد بيه شي ....
صعدت ذبيت جنطتي وكتبي بالكاع وكفت كبال المرايه واني اباوع على نفسي نزعت الشال وذبيت نفسي على الجربايه بتعب اخخ ربي ما دا استوعب الي صار بيه اليوم احس هل يوم مشؤوم كلشش...
رجعت صفنت وتذكرت علي معقوله اني احبه مادري يربي اخخخ تعبت باجر شريد مني خايفه .....
اشش سكتي ايلول لا تفكرين بعد كمت بدلت لبست تراك مريح ونزلت تغديت وما اكلت هواي وماما ضلت شبيج وشبيج بزعت صعدت حطيت راسي على المخده ودخلت بسباعت عميقي .....
.
.
.
.
.
_____________
ايمان:رجعت على البيت واني ميتة تعب بدون غده راسا لفيت راسي ونمت ....
كعدت قرب المغرب سمعت الاذان كمت صليت كعدت اقره قران وكامشه السبحه بايدي كملت قران وضليت هيج كاعده على الساجده احس اطمئنانيه عجيبه صفنت وتذكرت احمد كلشش مشتاقتله اعترف حبيته بسس استحي اكول اله او اخجل بس بنفس الوقت من افكر حبيته وهو الي زوجي وملكي وصار ملكه قلبي احس راحه عجيبه بس طبعا مزاجي يرجع راسا اشتاكله احس من هو ما موجود فراغ جبير بداخلي .....
ما ادري شلون حبيته بس من اكون ويا شعور الامان يرافقني يخلي مزاجي يتغير فجائه هيج ابتسم لا اراديه مادري شلون قبل ما جنت احبه ...
كاعده وافكر بس واسمع تلفون يرن من بعيد هاي وينه يا الله كمت ادور تلفوني اي هذا تلفوني بس وينه يبووو هسه وين رحتت دفعت المخده نزل جوه الجربايه ..
فجائه اسم المتصل احمد يمه كلبي صار يدك بسرعه اريد افتح الاتصال وراح اريد ارجع اتصل وهو اتصل رفعت التلفون واني احجي بلهفه .....
الو احمد
احمد: هله يا روح احمد هاي وينجج ادك عليج
ايمان:جنت اصلي والتلفون نازل جوه الجربايه
احمد: مشتاقلج
ايمان: اني هم
احمد: انتي شنو
ايمان: مشتاقتلك
احمد: مو بكد وداعتج مو بكدي اريد اجي وهيج اضمج بضلوعي
ايمان: لعد تعال
احمد: وداعتج شغل واجبات خطره منتضر شوكت اكمل وانزلل واشوفج
ايمان:شوكت تنزل؟
احمد: باجر ان شاء الله
ايمان:يعنييي تجييي
احمد: هههه اي يا بعد احمد
ايمان: احمد
احمد: عيونه وروحه
ايمان: .....
احمد: وينج شو خنستي
ايمان: هااا كلشي
احمد: اكيد بنتي
ايمان:اكيدد
احمد: من انزل عندي موضوع وياج
ايمان: شنو هو
احمد: من انزل نحجي بي
ايمان: تراا الفضول راح يكتلني
احمد: ههههههه احسن
ايمان:احمد اريد فكره اجمع ايلول وعلي
احمد: علي ادري بي يحبها وهيه لا
ايمان: تحبه والله تحبه
احمد: حلفي
ايمان:اي والنبي حجتلي شعورها وعرفت تحبه
احمد: هاا يعني انتي مجربه الحبب
ايمان:هااا
احمد: هههه جاوبي
ايمان: هسه اريد اجمعهم
احمد: مادام هيه تحبه هذا هو ان شاء ينجمعون
ايمان: اميننن
شنو هل صوت
احمد: كلشي بنيتي كلشي ضلي وياي
ايمان: صوت طلق وهوسه خفت كلشش هواي رجعت حجيت ...
احمددد وينك اكو شي
احمدد لا تخوفني عليك
توني اريد احجي واسمع صوت عياط احمدد جفلل كلبي وكمت اعيطط
احمددد احمددد جاوبنييي وينككك احمددد
يا ربب يا رببب كمت ارجع واجي واعيط بالتلفون واني شويه واتخربط انسد التللفون واني تخبلت اكثرر ابجي وادعي  ما بي شي رجعت اتصلت ومحد يجاوبب يمه احسس هذا هو راح اموتت كمت اشهك وابجي ....
اي اي اروح لعلي خلي اكله توني اريد اطلع وجان يرن الفون اي اي هذا احمد فتحت الاتصال واني ابجي ...
الو احمد
شنووو......
.
.
.
.
.
.
___________________________________
لهنا وينتهي البارت شهداتي 💙🦋
اتمنى يكوه عجبكم وحبيتوا
هسه اتمنى منكم
التعليق على كل فقره + التصويت + متابعة حسابي
وبس احبكممم ❤️

وقصتي الجديده نشرت اول مشاهداها اتمنى تقروها وتعجبكم وان شاء اكلمها ورا قصة اسيره

اسيره في قلبه
بقلمي
الكاتبه شهد ❤️🦋