اسيره في قلبه

بارت 23

اهلا شهداتي 💙🦋
شلونكم ان شاء بخير❤️
تدرون مشتاقتلكم 🥺
اريد منكم طلب تدعون لطلاب السادس خطيه ربي ينجحهم ويكون بعونهم 💙
________________________
وهسه يله نبدا
بسم الله الرحمن الرحيم
ما احلل لاي شخص ياخذ رواياتي او قصصي
__________________________
جنت أكَول :
" حلاة العين مو باللون ، بالنظرة "
بس من شفت عيونج
بقيت اردد وي ناظم الغزالي ،
" ي أم العيون السود ما أجوزن انا "❤️
___________________________
بارت 23
ايلول :كاعده انتضر علي بالحديقه وبنفس المكان الي اكعد بي باوعت للساعه صار عشر دقايق من كاعده هنا اووفف تعبت صفنت واني اباوع للشجار شلون تتحرك بسبب الهواء انرسمت ابتسامه صغيره على شفتي من جمال المنظر ....
غمضت عيوني من لفحني الهواء شعور كلشش حلو ضليت مغمضه عيوني واني مستمتعه فززني صوته ....
علي: اباوعلها شلون تبتسم وشلون الهواء يطير بشالها والجوء بارد شويه وهيه جاكيت ما لابسه رفعت عيوني على وجها اتاملهاا ....
كلشي بيها معجزه احبه واحب اتاملها عيونها وجها شفايفها الكرزيات صح اكو هواي احله منها بس هيه مختلفه هيج دخلت كلبي مثل نسمت هواء ...
راح تكولون ابالغ بس محد مجرب الشعور بس الي يحب .....
احسهاا مختلفه عن الف بنيه ماكو احد يشبها هاي ايلولتي....
عقدت حاجبي من طارر شالها وهيه مغمضه وركبتها طلعت نزعت جاكيتي وتقدمت واني احجي ....
ليش ما لابسه شي
ايلول: جفلت كمشت كلبي واني اغمض رجعت فتحت  عيوني من حجه ...
علي: مو داحجي وياج ليش ما لابسه جاكيت مو بارده
ايلول: وكفت واني احجي....
ما احب البس ملابس هواي احس اختنق
علي: بس الجو بارد مو زين تتمرضين بابا
ايلول: نزلت راسي وحسيته يتقدم باتجاهي فجاءه غطاني بالجاكيت
رفعت راسي واني اباوعله سرحت بعيونه وجمالهن باوعلي وهو عاقد حاجبه نزل ايده لشال وغطه ركبتي نحرجت منه بلعت ريقي واني ما اعرف شحجي
علي: لا تضلين فاهيه وغطي رقبتج كل شويه
ايلول: عقدت حاجبي بانزعاج من كلامه بس صدمني بسؤاله
علي: ايلول انتي تحجين ويا ابراهيم
ايلول: رفعت راسي واني اجاوبه بسرعه...
لا لا والله ما احجي ويا والله العظيم جنت اشوفه شخص محترم وابدا ما تجاوز وياي ولا مره فجان يجي يكعد يمي بسس ما جنت ادري يريد يخطبني وو.....
علي: اباوعلها تحجي بسرعه وتحاول تبرر الي مدري حسيت براحه عجيبه ....
ولجج اخذي نفس يولي مو هيج ادري ادري
ايلول:نزلت راسي واني احس بفشله عزااا شبيه اني...
علي: رفعي راسج
ايلول: ضليت منزلته بس صدمني من حط ايده على وجهي ورفعه باوعلي وهو عيونه بعيوني وبهل كلمه الي كالها احس طايره من الفرححح مدري شبيه بس هله كلمه جنت اريد اسمعها علمود اعرف مشاعري ومن سمعتها عرفت مشاعري شنو ......
علي: ايلول احبج
ايلول: بلعت ريقي واني ما اعرف شجاوبه وخر ايده من وجهي وحجه بجديه ....
علي: باعي راح احجي هسه واسمعي زين يا ايلول لان هل شي الي راح احجي راح ننتهي هنا حدنه
ايلول: عقدت حاجبي واني كامشه جاكيته وضميته لصدري اكثر رفعت عيوني واني احسس حموت من الفضول والخوف شيريد يحجي.....
علي: تدرين بيه احبج صح جنت قبل قاسي وياج بس سبحان الي ما يخطاء اني انسان وخطاءت من جنت اتصرف وياج قبل بقسوه وكل انسان يخطاء ماكو شخص كامل ....
بس وعيت على نفسي وبدات اتصرف وياج باسلوب حلو واتعامل وياج مثل اب يخاف على بنته.... ايلولتي سويت كل هذا علمود احافظ عليج وكمت اتعامل وياج هيج علمود لا اخسرج ايلول والخلققج احبج وبعمري ما فكرت تجاهج بنيه مو زينه ......
جنت اريدج تحبيني برضاتج جنت اريد اتزوجج وانتي راضيه بهل شي جنت اريدج وياي قلبا وقالبا .....
بس اذا انتي ما تريديني وو....
ايلول: يحجي واني دموعي تنزلل معقوله هلكد يحبني نصدمت ومن يباوعلي عيونه مدمعه اول مره اشوفه بهل حاله ويتجنب يباوع بعيوني يحجي واني اسمعله ويا كل كلمه دموعي تنزل اكثر كمل حجي وتوقف يم هل كلمه وصارت غصه من يحجي وقبض ايده .....
علي: وتريدي هو ....لهنا وينتهي كلشي بكلمه منج اعوفج وكملي حياتج انتي وبكلمه منج نضل اني وياج ....وقسما بالله ما اجبرج على شي صح قبل جنت نيتي اخذج غصب بس هسه لا اريد اشوفج سعيده....ايلول اذا ما تريديني وما تحبيني .....
ايلول: احبك والله....
.
.
.
.
.
____________________
ايمان:اليوم ما داومت واحمد كال اجي اليوم وكاعده انتضره ....
عقدت حاجبي واني اباوع للساعه راح تصير بل 11 هو دائما قبل ال11 يجي اشو ما اجه غمضت عيوني واني ما اريد اتذكر البارحه شصار وكل ما اتذكر كلبي يكوم ينبض بعنف .....
ايمان:شنووو
احمدد: ولجج وياج وياج لا تعيطين
ايمان:احمد حبيبي بيك شي هئ احجيي لا تخبلني
احمد: شكلتي حبيبي
ايمان: جاوبنيييي
احمد: هششش اهدئي ما بيه شي وداعتجج ما بيه سكتي
ايمان: ليش هيج صوتك وشصاير احجي ليش هل صوت الطلق
احمد: عمري داكلج ماكو شي لا يضلل بالجججج
ايمان: شبيك ليش عطتت
احمد: ايمانن حبيبتي ما بيه شي روحي هسه عندي شغل باجر انزل واجيج
ايمان:صدك تجيني هئ هئ
احمد: هششش لا تبجين ما بيه شي باجر اجي اشوفج باي عمري
ايمان: توني اريد احجي وسد التلفون اول مره يسوي هيج بس عادي المهم هو بخير.....
رجعت للواقع من سمعن صوت اماني طلعت من الغرفه وكفت على الدرجج واني احجي ....
هاااا شكووو
اماني: نزليي اشتغلي وياي مو اليوم كعدتي بالبيت 
ايمان: فد شويهههه
اماني: ولييي كل شويه تكولين فد شويه
ايمان: اويي ولييي
رجعت لغرفتي دخلت للحمام واني اغسل وجهي لان كل ما اتذكر تصيبني قشعريره بجسمي ...
وكفت على المرايه واني اشوف بشرتي كلشش تلفانه قبل لا يجي اسوي عنايه طلعت المقشرات وشغلات الوجه وبديت انضف بوجهي ....
شويه وخلصت باعت لنفسي واني انطيي لروح بوسه على المرايه ...
اويي فديتني طلعت اخبوللللللل
هههههاااييي
نزلت على الدرجج واني اتمايلل تعدلت نفسيتي من سويت هيج
اماني: اجتيي الخاتونننن
ايمان: اويي شرايده
اماني: رايده اذبحج واخلص منججججج
ايمان: انتي كولوشش قاسيه عنيفه اويي
اماني: ماماااا شوفيهااا
الام: وسممم شبيجن شكبرجن تصيرن بعد هذيج مخطوبه ومتزوجه وبعدها عقل جاهلل
اماني: ههههههاييي انتي كولوشش تضحكين
ايمان:اني ماما ليش هيج خليتيها تضحك عليه
الام: اذا انتن كل وحده بيجن عقل جاهل والله الجاهل يفتهم احسن منجن
ايمان: جوعانه
الام: صعدي عزلي غرفتج لان ادري هسه مكلوبه وانزلي اكلي
ايمان: اوييي فديتججج هسه انزللل
صعدت عزلت الغرفتي وعزلت غراضي كملت تنفست بارتياحح كعدت على الجربايه واني قررت اخابره اشوفه وين وصل الساعه راح تصير بل 1 وهو ماكو دك التلفون وضل يرن لما فصل ستغربت اول مره ما يرد عليه رجعت دكيت جان ينفتح الخطط
ليشش ما تردد عليه ضللل بالي لي.....
فاطمه:اهدئي هاي اني فاطمه
ايمان: هاا هله عمري شلونج
فاطمه: الحمد لله بخير كلبي
ايمان:دومج عمري اكلج احمد وين
فاطمه:اول ما اجه كال تعبانه خلي موبايله هنا وغراضه وبدون اكل صعد نام
ايمان: صدك
فاطمه: اي والله احنه هم استغربنه ما اجه يمج بس من شفناه كلشش تعبان خطيه
ايمان:تمام عمري تسلمين
فاطمه :الله يسلمج عمري باي
ايمان: باي
سديته واني بالي يمه ليش ما اجه عليه اول مره ينزل وما يجي عليه نزلت اركض على الدرجج واني اريد انفذ الخطه الي ابالي
ماامااااا
مااماااا
الام: وجع هياتني شكو شبيج
اماني: يا ستار ربي هسه شوفي شتريد
ايمان: انجبي مالج دخل
ماما حبيبتي انتي هاج بوسهه مححح
الام: اي مو خنكتيني
ايمان: وكفت وراها واني افرك بايدها ماما حبيبتي اطلب منج طلب
اماني: يا ستار
الام: كولي
ايمان: خلي نروح العصر لبيت عمه اسماء
اماني: عرفتتتت علموددد احمددد موووو
ايمان: انجبيي هشش اسكتي
اماني: ماما والله علمودد احمددد
الام: وانتي شلج دخلل هااا اختج وزوجهاا
ايمان: اويي بعد روحي فديتجج
هسه شكلتي
الام: اي يمه من يجي اخوج ياخذه وتحضرنه علمود لا نتاخر
ايمان: عزااا اعشقجج مااماااا اوييي
اماني: امداجججج
ايمان: ههههايييي نجوبيييي جاووووو اروح اجهزز نفسي
الام: ولجج مو هسه
ايمان: اني اريد من هسه باييي ....
.
.
.
.
.
________________________
علي: شنو
ايلول: باوعتله واني متاكده من جاوبي واثقه هل شي صح.....
احبك ما عرف شلون بس احبك ..
كتله هيج وما حسيت بس حضني نصدمت وتجمت بمكاني عزااا هسه اني شسوي شويه وابتعدد باوعلي وهو يحاول يحبس دموعه رفع راسه للسماء ومعرف شكال نزلت راسي واني اكمش سترته بقوه لصدر و اني  احس نفسي خجلانه وبردان بنفس الوقت ...
علي: مدري شصار بيه من كلتلي هل كلام احسس نفسي هيج طاير احسس تحقق الي اريده هههه اي اي تحبني رفعت راسي للسماء واني احمد ربي واشكره رجعت عيوني عليها منزله راسها وخجلانه رفعت وجها بايدي كمشت وجها بثنين ايدي وبستها من راسها واني اشتم عطرها الي يسكرني ...
ايلولتي عيدها
ايلول: رفعت راسي بخجل وحجيت....
احبك علي والله احبك
علي: ابتسمتتتت واني اول مره احس هيج فرحان ....
اعشقج يا روح علييي اعشقجج والله رجعت ضميتهاا لصدري واني فرحانن ....
ايلول: مر هواي من الوقت وهو هيج حاضني واني اريد ابعده اريد اكله شي ما اعرف نربط لساني بس منزله ايدي وما احجي فززنه صوت تلفوني ابتعدت عنه بسرعه واني اركض لجنطتي اشوف منو يتصل باوعت هاي ايلاف ....
الو هلو ايلاف
ايلاف: وسمممم شكثر دزيت مسجاتت ودورت الجامعه كلها وانتي ماكو وينججج
ايلول: باوعت لعلي وهو عاقد حاجبه يعني شكو...
هسه انتي وين
ايلاف: السائق شكثر توسلتت بي ينتضرجج بس ما قبل وهسه اني راجعه للبيت
ايلول: شنووووو
من عطت تقرب مني وهو يحاول يفهم واني بس احجي ....
هسه يعني عفتيني ويامن ارجع وشلون
ايلاف: كله من ايدجج وينجج هاا وينجج وجنت ادور عليج
ايلول: قوست شفتي واني مبرطمه واحجي وياها ....
هسه يعني ارجع بتكسي واني اخاف راسا التلفون نسحب من ايدي باوعتله هذا علي وهو كام يحجي وياها....
علي: لا لا ما حاجه اني اوصلها لا يضل بالج تمام تمام باي.....
ايلول: باوعلي وهو عاقد حاجبه وحجه......
علي: صار ساعه تحجين وخوفتيني عبالي اكو شي طلع علمود هل شغله التافهه
ايلول: هاي شغله تافهه هسه شلون ارجع
علي: اني اوصلج
ايلول: لا ما اكدر
علي: ليش؟
ايلول: ما اكدر وبس
علي: ما تثقين بيه؟
ايلول: لا لا مو هيج بس خاف اهلي يشوفوني
علي: عادي هسه امشي لوصلج
ايلول: سحبني من ايدي واني احجي ويا....
حباب بس عوف ايدي هسه يشوفونه
علي: واذا شافونه
ايلول:ما يصير
علي: تمام يابه يجي اليوم الي اكمش ايدج كدامهم
ايلول: عاف ايدي ومشى واني امشي ورا وصلنه للسياره فتح الباب ومدلي ايده علمود اصعد كمشت ايده واني ابتسم وصعدت.....
صعدهو واني افرك بصابعي من التوترر ما احس غير سحب ايدي وحطها على رجله ....
علي: كافي راح تكسرين اصابعج يولي
ايلول: دنكت راسي واني احسس نفسي خجلانه....
يسوق وهو كامش ايدي يلعب باصابعي كامشش اصابعي ويضحك باوعتله واني عاقده حاجبي ....
شبيك تضحك
علي: ههههه اصابعج جنهاا جبسس اصابع ابو الربع هههههههه
ايلول: باوعتله بغضببب واني بودي اذبحه حجيت واني منفعله واسحب ايدي ....
ايدي والله خلقهاا هيجج مالك دخلل بيها ادري صغارر بس عادي
علي: ههههههه اهدئي يابه اهدئي
ايلولل: لا تضحكككككك
علي: هههههههههه تمام راح اسد حلكي بس شكلج حلوه وانتي منفعله جنج بطريق
ايلول: باوعتله واني احس فشلانه ومدمعه.....
نزلني
علي: صدك ولجج تحجين اشاقه وياج شهل عيونه المدمعه خرببب
ايلول: نزلت راسي واني احجي .....
تضحك عليه انته
علي: ههههه يابه ما عاش الي يضحك عليج
ايلول:لعد ليش تضحك
علي:فرحانه كلششش
ايلول: صارت عيني بعينه ولمعت عيونه قضيه ثانيه احسس ذايبه بيهن
علي: اول مره افرح هيج الله وفقني وانطاني الي اريده
ايلول:رجع سحب ايدي ويبوس اصبع اصبع واني جسمي صارت بي قشعريره من نغزات شواربه رجع كمشهاا وباسه وخلاها على صدره ناحية قلبه الي يدك بسرعه ضل كامشش ايدي ....
شويه وصلنه واني ما اعرف شوكت وصلنه ....
رجع نفسه ليور وباوعلي وهو كامش ايدي ...
حجيت واني اريد ابعد التوتر ...
وصلنه
علي: ادري
ايلول: عيوونك
علي: شبيهن؟
ايلول: حلوات
علي: لان يشوفونج 
ايلول: رجع يباوعلي ويصفن بوجهي احس نفسي عركة رجعت حجيت واني منفعله .....
لا تباوعلي
علي: ليش؟
ايلول: اخجلل
علي: احب خجلج
ايلول: لا تصفن حباب بوجهي
علي: اشوف الدنيا بوجهج تدرين
ايلول: نزلت راسي واني ابتسمم باوعت للساعه وحجيت واني اسحب ايدي .....
عزااا اتاخرت لازم اروح
علي: تمام رقم تلفوني يمج من اخابر ردي
ايلول: تمام باي
علي: ديري بالج على روحي
ايلول: ما اعرف شحجي نزلت واني اهفي على وجهي ما صدكت اوصل باب البيت
دكيت الباب وطلعت ماما
الام: ولجججج وينججج اتاخرتيي هااا
ولجج هذاك مو اخو صديقتج واستاذج
ايلول: عزاااا كشفتنيي انكمشتت كمت اطكطك خوف خاف حست انداريت واني اباوعله ياشر لماما باي ويبتسم بوجها رجعت نضري لماما من راح.....
هاا ماما
الام: يمه فدوه لله شجابه هنا استاذج
ايلول: هاا
الام: لا تفهين بوجهي احجي
ايلول :اول شي خلي ادخل واحجيلج موكفتني هنا
الام: دخلي دخلي لشوف شكو متاخره
ايلول: وكفت اشرب ماي واني احاول اطلع جذبه مناسبه ...
الام: هاا احجيلي ليش متاخره
ايلول: هااا ايي مو شسمه محاضرات هواي واتاخرت وعافني السائق وراح والاستاذ من شافني واكفه اريد تكسي هو وصلني
الام: ربي يوفقه ويخلي يا ربب
يله يمه روحي بدلي وتعالي تغدي
ايلول: رحتت اركض واني احجي ...
جوعانه كلشش حضرولي الغده
دخلت لغرفتي واول ما دخلت ذبيت جنطتي وكعدت على الجربايه اتذكرر كلشي صار واني اضحكك ما مصدكه وربي ما مصدكه اني احبه ههههه اي اي اني احبه واعترفت بهل شيي ههههه اخخخخ نمت على الجربايه واني اضحكك .......
.
.
.
.
.
________________________
ايمان: واكفه يم فاطمه بالمطبخ واني كل شويه ارتب بنفسي وابوع للدرجه بلكت ينزل رجعت باوعت للساعه صار ربع ساعه من اجينه وهو ما نزل هسه وينك ما تكلي وينك اخخخ فززني صوت عمه اسماء.....
اسماء:يمه ايمان ليس واكفه هنا تنتضري صعدي عليه انتي هسه مرته
ايمان: نزلت راسي بخجل واني ما اعرف شحجي احس تفشلت ....
لا عمه مو هيج ه.....
اسماء: يا عمه دروح صعدي وهو هم هسه اكيد مشتاقلجج روحي يمه روحي
ايمان: ابتسمت بوجها شكد حنينه ...
تمام عمه رايحه
صعدت اركض على الدرجج صار بنهاية الدرج مرايه باوعت لنفسي واعدلل فستاني الي لابسته ابيض وبي وردات صغار كلشش نازك رتبته ذبيت نعالي تكرمون الي لابسته وكملت باقي الدرج اركض حافيه اول ما وصلت غرفة احمد اخذت نفسس عميق ذبيت الشال واني ادخلل للغرفه اول ما دخلت شفته كبالي دايلبس التشيرت ما صدكت شفته دموعي صارت بعيوني ركضت واني احضنه واتعلك بركبته ...
احمد: اخخخ
ايمان: باوعتله وحجيت...
بيك شي
كمش وجهي بايده الاثنين ورجع حضني من خصري واني تعلكت بركبته وحجه ...
احمد: بيه انتي اخخخخ ربي مشتاقلججج ولجج هيج هيج كلبي ينبض عليجج وهسه احس النبض يدك براسي من اشتميت عطرج
ايمان: ضليت هيج حاضنته وهو دافن راسه بركبتي شويه ونزلني باوعلي وهو كامش وجهي بايديه توني اريد احجي واخذ شفايفي ما قاطعته ابدا لان شفت لهفته شلون ...
شويه وابتعد عني وهو ياخذ نفسي حط انفه على انفي وباس ارنبت انفي وابتسم
احمد: مشتاقلج يا مخبله كلبي
ايمان:ابتسمت واني اضم راسي بصدره واني كامشه كتفه ضليت هيج وهو كامشش خصري
احمد: هو ما دوخني  غير هله خصر
ايمان: ههههههه
احمد: لا تضحكين يولي لا تضحكين وتخليني هنا ابتلي بيج وثالثنه الشيطان
ايمان: هههههههه ضحكت وجان يكرصني من خصري واني ما بيه اعيط من الوجع عصرت كتفه واني انن من الوجعع عصرت كتفه اكثر جانن يعيطط.....
احمد:اخخخخخخ
ايمان: ابتعدت عنه واني احجي .....
احمد بيك شي جاوبني عافس وجها بالم وما يقبل يحجي اجيت اندار اشوف شبي كتفه ما يخليني
احمد:هشش ما بيه شي بنيتي
ايمان: احمدد حبابب اشوف كمشت كتفه واني احس ايدي متبله جريتها واني اباوع ايدي كلهاا دممم باوعتله واني دموعي كامن يجرن واحس الخوف تملكني وهو عافس وجها بالم وما منتبهلي حجيت كلامات متقطعه من الخوف ....
احمددد ببييك شيي احمدد دمم دممم والله دمم ....
.
.
.
.
.
_____________________
ليلي: لججج والله اجويي عزااا بدليي
ايلول: طلعيي برااا
ليلي: طالعه اوييي
ايلول: افترر بل غرفه وارجع واجي مثل المخبله واني خايفه يا ربي شجابهم عزااا سواها والله سواها رن تلفون ركضت شفته علي راسا فتحت خط.....
الو عليي
علي: هله يا روحي علي بيج شي
ايلول: علي
علي: شبيج احجي صاير شي
ايلول: امه جوه اجتي تخطبني ....
.
.
.
.
.
___________________
لهنا وينتهي البارت شهداتي 🦋💙
اتمنى يكون عجبكم ولا تكلولي قصير لان صار 2448 كلمه
وهسه الي اريده منكم
التعليق على كل فقره + التصويت + متابعة حسابي
وبسس ااحبكممم ❤️

حسابي الانستا شهداتي 💙🦋

اسيره في قلبه
بقلمي
الكاتبه شهد ❤️🦋