اسيره في قلبه

بارت 29

اهلا شهداتي 🥺❤️
شلونكم اخباركم مشتاقتلكم هواي ❤️
ما اعرف شحجي خرببب 🙂😂
المهم اريدد احجي وياكم طبعا البارت هواي مشاهداته بس تصويت ماكو ليش طبعا والله داتعب هواي اكتب البارت وارجع ادقق بي واشوفه وخاف بي غلط والله حتى ركبتي تكوم توجعني فاتمنى منكم كلكم تصوتون ما اريد تعب يروح هيج حتى اني ما اتحمس ...
ولجننن تراا هو بس دوسن على النجمه شبيججج بخيلاتتت راح اجيي ادفرجنن 🙂😂😂💔
هاي وشبيجن ما بيجن حيلل تعلقن اخخخ كلبي محمل عليجن 🙂💔😂
______________________
وهسه يلا نبدا
ما احلل لاي شخص ياخذ رواياتي او قصصي
بسم الله الرحمن الرحيم
________________________
أضحك ..
خل آعاند ڪل حزن مرني
واتشيم ڪمر ع الليل
يـ بعد إنه وهلي وحزني..♥️
_________________________
بارت 29
اي هو هذاك انصدمت شجابه هناا يباوعلي بكسره ابتسم مستهزاء ونزل نضراته لايدينه باوعلنه ورجع باوعلي ما فهمت نضراته بس انقهرت اخر مره شفته بالخطوبه مالتي من اجيتي من الصالون ودخلنه للبيت اول ما انفتح الباب صار كبالي دخلنه باوعلي من فوك ليجوا وهو عيونه حمرر وجه احمر انصدمت ليش هيج شكله باوعلي وابتسم بكسره حجه هو يحط عينه بعيني ...
سراج: الف مبروك يا تعب سنيني
ايلول: انصدمت من كلامه نزلت راسي وعضيت شفتي بقهر ورجعت باوعتله وحجيت ...
الله يبارك بيك يومنا الك
ابتسم مستهزاء وباوعلي اخرر نضره اندار راد يطلع رجع باوعلي وحجه
سراج: اخخ يا تعبي ياخذج مني بثواني
ايلول: كال هيج دمعت عيوني ما اعرف شكله
ابتسم وطلع ...
انعصر كلبي واني اذكرر كلشش قهرني بس ما اكدر اسوي كلشي كلشي بالدنيا قسمه ونصيب واني من نصيب علي افكر وفززني صوت علي ... 
علي: شبيج بنيتي صافنه نمشي
ايلول: حجيت واني متوتره ...
اي يله
رفعت راسي بعد واكف يباوعلنه انصدمت من شفته اتقدم باتجاهنه عصرني كلبي ليش اتقدم شيريد كمشت ايد علي بقوه باوعلي واني انداريت باوعلته عقد حاجبه ورجع يباوع لكدام شاف سراج عض باطن خده بغضبب رجع يباوعلي بلعت ريقي ونزلت راسي وكفنه صوت سراج ...
سراج: هله بنت خالتي
ايلول: كال هيج رفعت راسي وباوعتله وحجيت واحس ايدي انجعصت بايد علي ...
هله سراج
حجيت هيج ابتسم وباوع لعلي رفع ايده ومدها لعلي وحجه ...
سراج: الف مبروك
ايلول: اباوع علي يباوعله برود رجع نضره لايده مستهزاء رفع ايده علي وتصافحو ...
علي: يبارك بيك
ايلول: ضلو هيج واني احس توترت وصار الجوء متوترر حجيت واني احاول الطف الجو ...
شتسوي هنا سراج
كلت هيج باوعلي وابتعدو وحجه ...
سراج :امم اجيت اشوف الي احبها ويا خطيبهاا انتو شتسون هنا؟
ايلول: فتحت عيوني من الصدمه فغرت شفتي وانيت بالم من علي قبض ايده على ايدي بعد ما اعرف شحجي بس احس علي شويه ويضربه بس سوه العكس ابتسم مستهزاء وحجه ...
علي: واني اجيت ويا بنيتي ومرتي وهاا معزوم على عرسنه مقدمناا وهسه فيمالا ...
ايلول: كال هيج واشوف سراج كزز سنونه وعض باطن خده بس انقهرت عليه بس شسوي ...
سحبني علي واحسه على عصابه شويه ويمكن يفلش وجهي خرببب والله ادخلل قسم الكسور ...
بلعت ريقي وحجيت
ايلول: امم خطيه يمكن جاي ويا اصدقائه ...
باوعلي وضحكت مستهزاء عض باطن خده وكف وصار كبالي كمش خدي بلطف وهو يحجي ...
علي: بنيتي اني مو غشيم واعرف هو شيريد من زمان تمام كلشي ادري عنج كلشي بنيتي بكل حركه تتحركيها جنت ادري بيها
ايلول:بلعت ريقي من كلامه خوفني باوعتله واني احجي ...
بس اني جنت اعتبره اخخ وصديقي لان تربينه سوه وكم مره رفضت ...
كتله هيج باوعلي وعقد حاجبه دار وجه وحك طرف حاجبه ورجع باوعلي وهو يحاول يخفي غضبه ...
علي: يعني معترفلج ماشي
ايلول: باوعتله توترر باوعلي واني كمت اطكطك من الخوف شكله يخوف هيج حجيت واني اكمش ايده ...
الي صار بالماضي وهسه احنه سوا ...
علي: هذا تبتعدين عنه واذا سمعت شايفج او حاجي وياج وقتها راح يصير تصرف جديد وياج
ايلول: يحجي ويقرب وجه اكثر خوفني كلش وخرت ايدي الي جنت كامشتها اله وهو بعده يباوعلي حجيت واني ابتعد وارجع ليورا اكثر ...
اريد اروح لحمامات
كلت هيج ومشيت اريد اروح بس وقفتني ايده من كمشني ...
كمش ايدي وكفنه كبال الحمامات عافي ايدي وحجه ...
علي :انتضرج هنا
ايلول: دخلت غسلت وجهي حتى للحمامات ما يخليني اروح عقدت حاجبي بغضب يعني اني شنو ذنبي هااا شنو ذبني استغفر الله ربي ...
نشفت ايدي عدلت شالي فتحت جنطتي اتفقدت تلفوني رجعته اخذت الحمره واني احط شويه اخذت شويه بايدي وحطيت لخدودي مسحته شويه صار احله هيج رجعتها بالجنطه ...
طلعت واشوفه واكف كامش الموبايل وهو عاقد حاجبه بغضب خوفني اكثر قربت عليه واني اكمش ايده باوعلي وهو بعده عاقد حاجبه سحبني من ايدي كعدنه على الطاوله وهو بعد كامش الموبايل وترني اكثر حاولت احجي ويا مديت ايدي اكمش ايده وحجيت ...
علي اكو شي
صدمني وفشلت من نتر ايده وباوعلي بغضب بهت لوني واني اباوعله نزلت راسي واني حابسه دموعي ما اريد ابين ضعيفه اي ايلول انتي مو ضعيفه تنهد مسح وجه بكف ايده وكام وهو يحجي ...
علي: هسه اجي لا تكومين
ايلول: راح هو واني بعدني منزله راسي بفشله خنكتني العبره اريد ابجي بس احاول ما انزل دموعي سحبت اكبر قدر من الهواء تنفست واني ارجع ازفر حسيت ارتاحيت وراحت الخنكه رفعت راسي شفته اجه من بعيد يمشي باوعلي ورجع عقد حاجبه زفرت بتعبب شبيك يحظي شبيك ...
اجه كعد كبالي وحجه ...
علي: هاي شحاطه
ايلول: باوعتله واني ما فاهمه شي كززز سنونه وحجه
علي:الحمره شنووو هاي
ايلول:فغرت شفتي واني مصدومه شحجي هسه ...
علي: احجيي
ايلول: باوعتله ودمعت عيوني وهو صوته صار شويه عالي نزلت راسي واكتفيت بالسكوت ...
المكان صمت بس اسمع الناس والعوائل شفته اشر لشاب طلب عصير وراح شويه وجابه انطاني واحد شربت شويه رفعت راسي واني اشوف العوائل والناس شكد حلوو باوعت من بعيد شكد حلو ثنين محتفلين ما ادري شعدهم بس كيكه وفرحانين واحد كامش ايدي الثاني طفو الشموع وهو باسها من راسها وهيه تباوعله ومدمعه عيونها صفنت عليهم شكد حلوين يالله ربي يحفظهم رجعت نضري عليه لكيته يباوعلي اختفت ابتسامتي نزلت راسي واني كل شويه اندار اباوعلهم شكد حلوين يا الله ...
علي: راح تحسديهم
ايلول: فززني صوته باوعتله نزلت راسي وحجيت برود ...
الله يحفظهم يا رب
شفته صفن عليه نزلت راسي وسكتت الطلعه طلعت عامص من خشميي ...
شويه وحاسب كمت وهو كام مشينه سوه سحب ايدي وهو يكمشهاا ويشد عليها ما اهتميت صعدنه السياره وهو كل شويه يتنهدد وكل شويه فاتح التلفون يباوعله بعصبه ويشد قبضة ايده بقوه خوفني كلش انداريت للجهه الثاني واني اباوع بدا يفتر الشوارع والضوء والناسس والاصوات كلشش حلو ميلت راسي على مرايه مال السياره واني اباوع للناس مادري شلون غفيتي بس احسس وكفت السياره فتحت عيوني شويه ورجعت غمضت واني منعسه شويه وحسيت بلمسات على خدي وشفتي واشتم عطره اي هو رجعت غمضت ما اريده يعرف اني كاعده وما اريد احجي ويا لحد الان ضايجه منه ...
حسيت من قرب اصبعه يتلمس شفتي حسيت انفاسه تضرب بوجهيي رجف جسمي بس حاولت ما ابين ...
باسني بخفه من خدي ضلي يبوس بخدي بهدوء ويتنفس بقوه كزبر جسمي من لمساته حط جبينه على جبيني وانفه يداعب انفي احس نعست من لمساته هيج ...
باس ارنب انفي وتنهد بقوه بس سمعت هل كلمه انعصر كلبي ...
علي: اخخ ايلولتي تعبان
ايلول: حاجهاا بصوت ناصي عصرني كلبي عليه اريد اكعد واحضنه بس لحد الان مقهوره منه ...
عضيت شفتي من دفن وجه بركبتي ضلي هيج لما نعست من صدك نمت ...
شويه وحسيت طبطبه على خدي فتحت عيوني شويه واشوفه علي عدلت كعدت اباوع هذا بيتنه عدلت شالي توني اريد انزل وقفني صوته ...
علي: اكفي
ايلول: كال هيج ونزل فتحلي الباب لزم ايدي ونزلني امشي اني وهو يمشي وراي وصلت باب بيتنه توني اريد ادك الباب وحجه ...
علي: هاج
ايلول: انطاني علاكه ما اعرف شنو هاي ضليت اباوع رفعت عيوني عليه صفن بعيوني اخذت العلاكه وانداريت ادك الباب شويه وفتحته ليلى دخلت بدون لا اباوع ورايي وسديت الباب بس جنت اريد اشوفه لا انجبيي مو قهرج مو ضوجج لعد شكو احجي واجاوب نفسي مثل الخبله ...
ليلى: هيوووو شبيجج وين صافنه
ايلول: شبيج جفلتيني
باوعتلي وهو تغمزل وتضربني على كتفي وتحجي
ليلى: احجي شصار وياكم اكو بوسه حضنه
ايلول: انجبيي ماكو هيجج
ليلى: لعدد اكيد حاملل اني اسمي الطفل
ايلول: عزاااا بعينججج ان شاء الله اله اكول لامي اصبري
ليلى: جذببب والنبي اشاقه شبيجج ما تعرفين شقه
ايلول: لعد وخري من طريقي اروح ارتاح وخررري
ليلى:دروحي الاميره النائمه عيني امداجج
ايلول:غميتها وصعدت لغرفتي نزعت الشال باوعت بالمرايه وتنهدت بتعب وكفت كبال الشباك واشوفه بعد واكف مرتجي على السياره مادري ليش نزلت دمعتي بس احس اشتاقيتله اريد هيج انزل احضنه واكله انطيك من حيلي ...
اباوعله عاقد حاجبه ويباوعلي ميلت راسي على الحايط واني اباوعله ضلينه هيج تواصل نضري بينه كل واحد احسه يشكي للثاني الي بي كل واحد بينه يكول للثاني احضني بس مادري شنو الي يمنعنه لحد الان احس علي صاير ويا شي بس مشكلته ما يكلي ما اعرف ليش بس هل شي مضوجني ليش ما يكلي ليش يحسسني اني غريبه عنه ليش ... انداريت واني اسد الستاره مال الشباك واكعد على الجربايه وابجي مادري ليش ابجي بس احس جرحني ليش ما يكلي ليش ما يشاركني ليش دايحاول يبعندي عنه وفوك كل هذا ينتر بيه نمت وبجيت ومادري شوكت نمت بملابسي حتى ما بدلت بس نمتت اريددد انسه وارتاح شكد تعبت اليوم احسس اريد ابتعد عنهم كلهم اريد اضل بحدي ...
.
.
.
.
.
_____________________
ايمان: طلعت من الحمام واني اريد اختار شي كلشش حلو البسه ضليت ادور تعبت ماكو شي حلوو صح عندي هواي ملابس بس مو نفس الي اتخيلت بعقلي البسه  بيوم اعقد واصير مرته لاحمد قانونن وما جان عندي وقت اشتري شي ...
صفنت واني فرحانه راح اشوفه لاحمد كلشش مشتاقتله يالله ضليت صافنه واني ما منتبها للوقت فزيتي من صفنتي واني احس كلبي راح يوكع من الخوف ...
اماني: وينججججج
ايمان: وجععععع يمه اخخخ كلبي راحح انجلطط اخخخ لحكوني
اماني: شبيجج ولج والنبي مادري انتي صافنه مثل المطي
ايمان: ايااا مطيهه نعللل على راسجج يا نذله طلعييي براا
اماني: هايي شبيج اجيتت اكلججج احمدد جواا ينتضرج
ايمان: عزاااا صدككك تحجيننن ولجججج لحد الان ما بدلتتت
اماني: اي اني اجيت اكلجج
ايمان: خرببب راحح ابجييي لا يا ربييي
اماني: ولجج صدك داتبجين
ايمان: اطلعي تعبتتت
اماني: هو دشاقه جذبب بعده ما اجه
ايمان: صدك تحجين
اماني: اي والله
ايمان: اماني اذا اذبحج احد يكلي ليش
اماني: اني اكلج ليشش
ايمان: ولججججججج امانيييي لا تخبلينييييييي راححح اتخربططط من وراججج
اماني: ولججج عزااا صوتجج نصييي
ايمان: طلعييي برااااا داكلججج
اماني: زين ليش تعيطين عليه اجيت اكلج شغله سويتهاا البارحه
ايمان: ما اريددد اعرفف طلعيييي
اماني: هو بعد شكم يوم تتزوجين وتخلصين مني لا تعيطين عليه
ايمان: باوعتلها وهيه مدمعه برطمت وهيه تباوعلي ....
احجي شكو
اماني: البارحه وصيت فستان الي والج يخبلل اني اخذت الورد وانتي اخذتلج الابيضض بس كلشش حلو
ايمان: وراح تخليني اني ادفع مو
اماني: لا والله اعتبري هديه مني الج
ايمان: امم صدك شكراا
اماني: عفواا شكم ايمانن عنديي انيي
ايمان: ضحكت وحجيت ...
اكيدد بس اني
اماني: هههه ولج ليش لحد الان ما مبدله
ايمان: ساعديني حبابه ما عندي شي البسه
اماني: كل هل ملابس ما عندج
ايمان: تربعت واني احجي ...
يعني اني مخليه ابالي اشتري فستان من اعقد محكمه بس هو البارحه كلي ما لحكت اشتري شي البسه اريد البس،شي اطلع بي اخبلل
اماني،:اممم شنو الي تريدي
ايمان: ليش
اماني،:يمكن اكدر اساعدج
ايمان:باعي اريد فستانن هيج حلوو واخلي احمد ينبهررر بيه وينصدم
اماني: اممم هو احمد ما يحب تلبسين شي ضيق ومشلتح
ايمان: اي
اماني: اجتيييي
ايمان: منيهههه
اماني: ولجج الفكره
ايمان: اي شنيه
اماني:يميي
ايمان: ولججج وينجج اوكفيي وين رحتيي ...
كالت هيج وطفرت تركضض راحت واني اعيط وراها اخخ ربي راح اتاخر وما بقه شي ويجي اويليي عليجج ايمان ...
اماني: اجيتتت
ايمان: اي شنو هذاا
اماني: شرائيج
ايمان: باوعت كامشه فستان ابيض وبي فراشات صغار ملونات يخبللل منفوشش وطويل انصدمت جماله يخبللللل ضليت فاتحه حلكي من جماله كمزتت عليها واني اخذه من بين ايديها واكمشه وحجي ...
اوييي ولجججج يجننننن من وين الجج هذا الفستاننن اتذكر ما عندج هيج شي كضيتي عمرج تبوكين من عندي
اماني: والله مو صوجج صوجيي
ايمان: لا لا اكفي احبج واعتذر بس من وين الج هل فستان
اماني:هذا فستانج
ايمان: شنو ما اتذكر عندي هيج فستان
اماني:الي اشتريته الج وكتلج عليه قبل شويه
ايمان: باوعتلها ودمعت عيوني ركضت عليها وحضنتها واني احجي ...
اوييي من اروحلج فدوه بعد اختجج نقذتيني والله احبجج اموت بيج
اماني: هههه وخريي خنكتيني ولجج
ايمان: وخرت باوعتلها وبستهااا ...
احبجج احبجج احبججج
اماني: احمم احم ادري تحبيني شي اكيدددد
ايمان: اوي من رحت فدوه لهل خديداتت وهسه من ممكن تطلعين اريد اتجهز
اماني: خلصت مصلحتج مو طالعه عيني طالعه لا تتاخرين ...
ايمان:طلعت واني سديت الباب واكمزز من الفرحه الفستان صار بنصص كلبي ...
دخلت للحمام اركض لابسته وطلعت باوعت بالمرايه واني اشوفه كميه من الجمالل ياي الاردان كلوشش منفوشات ويصير ضيق من الصدر ومن خصر منفوشش وطويل والفراشات ملونه بي صغار كلش حلوات بسيط وما بي هواي اشياء بس كلشش حلوو كعدت كبالي المرايه واني احط مكياج خفيف احمد ما يحب المكياج القوي ختمت المكياج بمرطب شفايفي وردي ما حطيت حمره هذا مرطب وردي احله وانزك كمت وكفت واني البس الشال مالتي لفيته لفه بسيطه والباقي دخلته بداخل الفستان صار كلشش حلو كملت كلشي ولبست الكعب صغيروني شفاف كلشش حلو وكفت واني كامشه الجنطه الصغيره مالتي ومبتسمه بانتصار وباعجاب دزيت بوسه بالهواء لشكلي بالمرايه واني اضحك
ههههاييي طلعه انكرطط انيي اويي فديتوني والله جني حلقومم محح مححح لخلقتج ولجج ...
اماني: هاي شبيج خبله تحجين ويا نفسج
ايمان: انداريت عليها واني افتر كدامهاا...
شرائيج يولي.
باوعتلي وهيه تصفرر وتصفك وتهلهل
اماني: كلولشششش كلولشششش ولججج طالعه تشكين شك متاكده اول ما يشوفج راح يدوخ بعد ما يندل دربه ...
ايمان: هههههه اوييي فديتتتتججج
اماني: عمرييي اوييي تعالي بوسه
ايمان: اجيت يمهاا وهيه حضنتني وتبوسس بيه ...
امانييي خنكتيني كافييي
باوعتلي وبرطمت
اماني:اريد اشبع منج
ايمان: باوعتلها واني اهفف لوجهي بايده واحجي ...
لا تخليني ابجيي لا لا اخخ امانيي
اماني: اششش اششش لا تبجين ما اخليج تبجين والله اسكتي اسكتيي
ايمان: هفيلي هفيلي
امااني: والنبي صوتت احمددد
ايمان: كلتلي هيج وعطتت خلت ايدهاا على حلكي وهيه تغمم بيه
اماني: وجعع كون ولجج شبيج نصرعتيي اهدئي سوي نفسج ثكيله ما هامج اصلاا وامشي ولا عبالك هو موجود
ايمان: تمام تمام امشي ولا هامني ولا عبالك موجود واصلا عادي
اماني: اي اي هيج ثكلي نفسج عليه
الام: ايمان يمه اجه زوجج نزلي يله علمود لا تتاخرون
اماني:اييي يمه اجتي هسه
يله ولج نزلي ومثل ما كتلجج
ايمان: كمت اهفي على وجهي اخذت نفسس وزفرته عدلت فستاني وشالي وحجيت ...
احبجج
اماني: اني هم اموت بيج يله نزلي
ايمان: نزلت واني امشي بثقه وصلت الدرج اخذت نفسس ونزلت امشي بخطوات ثابته انزل شويه شويه واني منزله راسي خاف اعثر شلت الفستان رفعت راسي واشوفه هو هناك يباوعلي صافن بلعت ريقي وحاولت ابين انو ما متوتره نزلت شويه اكثر واسمع هلاهل امي وعمه اسماء ابتسمت بوجهن وما اباوعله ما اريد اباوعله شلت الفستان اكثر من اريد انزل اخر درجتين باوعتله واشوفه مدلي ايده اباوعلهم كلهم مبتسميت مديت ايدي كمشهاا ونزلت وكفت يمه نزلت فستاني وسلمت عليهم ...
الام: يمه اسم الله عليج اللهم صلي وسلام وعمه اسماء تقره مادري شنو وهيه حاطه ايدها على راسي واني واكفه مصدومه شنو هاي خرببب وامي تكللها اي اي بعد واماني خربانه ضحك انداريت اباوع لاحمد حابس ضحكته حجه وهو يضحك ...
احمد: اي يمه اكثر اخاف عليها
ايمان: عقدت حاجبي واني اباوعله انداريت وحجيت ...
شنو هاي شداسون
اسماء: يمه هاي علمود لا تنصابين بالعين
الام:اي يمه
ايمان: وخرت ايدهن وانداريت صرت ورا احمد واني احجي ...
عوفني منو راح يصيبني خربب عبالك داتسون سحرر
الام:اندهرتي ولج يا سحرر
اسماء:يمه انتي ما تعرفين بهيج اشياء تعالي يمه نكمل
ايمان: ختلت وراا احمد واني كامشه ايده واحجي ...
عوفنيي راحح تخبلني خرببب
احمد: ههههه عوفنهاا ويله هم راح نتاخرر من نرجع كملن
ايمان: كللهن هيج وهو يسحبني من ايدي وخربان ضحك باوعتله واني عاقده حاجبي اريدد اريد اتعارك ويا بس لا اريد اكون هادئه عشتوو ...
فتح باب السياره رفعت فستان علمود اصعد ما احس غير ايده صارت جوه خصري هو يصعدني باوعتله واني احاول ما اباوعل درت وجهي وعدلت كعتي صعد هو وشغل السياره وعم الصمتت يسوق وهو كل شويه يباوعلي احسه اريد يحجي بس يسكت انداريت واني كاتمه ضحكتي عليه ...
احمد: مسحي الحمره
ايمان: باوعتله واني عاقده حاجبي ...
ما حاطه حمره هذا مرطب
كتله هيج اندار باوعلي هز راسه ورجع يسوق وهو يهزز برجله رجع باوعلي ونزل نضره على فستان من جهة صدر باوعتله واني اريد اعرف هذا شبي حك طرف حاجبه وهو يحجي ...
احمد: ليش هيج الفستان ضيك
ايمان: هااا وين ضيك بالعكسس عريض
احمد: لا من صدر ضيق باعي بارز صدرج وامبين
ايمان: كلي هيج انداريت عليه واني فاتحه عيوني من الصدمه باوعلي وهو مو مهتم ...
احمد: اي شبيج غير داحجي الصدك
ايمان: احسس صار وجهي نار من الفشله شكد ما يستحيي حجيت واني متنرفزه من عنده ...
لا مو ضيقق
عم الصمت ما تنسمع بس صوت انفاسنه انداريت اباوع للشوراع كلشش حلوه والجوو حلو مغيم اباوع للناس والعربانات كلشش حلو صوت زقزقت العصافير صوت الهواء البارد فتحت الجامه مال السياره من فتحتها لفحني الهواء البارد احس كزبر جسمي ...
احمد: سديتها الدنيا بارده لا تتمرضين
ايمان: انداريت باوعتله واني مبتسمه ...
بس شويه
باوعلي ابتسم ورجع نضره للامام
رجعت انداريت واني اغمض عيوني للهواء طلعت ايدي وانيي احسس الهواء يضرب بايدي ابتسمت اكثر واني اشوف الاشجار صاير لونهن اخضر غامقق ابتسمت فززني صوت البنيه باوعتلها واني مبتسمه ...
...تشترين فروله
ايمان: ابتسمت اكثر واني اكرصها من خدودهاا ...
هو انتي فروله
امم بيشش
باوعتلي وهيه مبتسمه بخجلل
...هيه بالف وربع بس الج بالف والله
ايمان: ضحكت واني اباوعلها شلون تحجي وتنكرط يالله ...
اممم تمام اشتريي
كلتلها هيج واني انداريت لاحمدد وحجيت مبتسمه ...
خلي نشتري منها
باوعلي وهو مبتسم هزز راسه طلع محفضته واشرلها تجي يمه انداريت هيه يمه كرصها من خدها ابتسمت شلون يحجي وياها ويشتري منهاا وانطها هواي وهيه مبتسمه بفرحه اباوع لاحمد شلون باسها من راسهاا اخذ الفروله باوعلي وكرص خدي وانطانيها ...
...ترا الفروله مغسوله وشكرا ويله باي
ايمان: ابتسمت شلون تحجي اشرتلها بايدي باي اباوعلها راحت لمريه وهيه تكمز وتضحك وانطتها الفلوس وهذيج المريه فرحانه حضنت بنتها امبينه امها دمعن عيوني شلون هيج فرحن انداريت باوعتله يباوعلي حرك السياره وهو مبتسم ...
فتحت العلبه مال الفروله واني اخذ وحده اكلتهاا حامضه وتخببلل طيبه اكلت الثانيه واني اغمض عيوني من حموضتهاا ...
احمد:كولي واحد كاعد يمج انطيني وياج
ايمان: باوعتله خليت مالتي الفرولايه الي اكلت منها شويه على صفحه واخذت وحده جديده علمود انطيهيا ...
احمد: اريد من هذيج
ايمان: باوعلي وهو مبستم بخباثه وياشرلي على مالتي اخذتها واني اقدمها من شفتهاا كمش ايدي وهو ياكلها وعض اصبعي انيت بوجعي جريت ايدي واني كامشه اصبعي باوعتله واني عاقده حاجبي ...
هاي ليشش 
احمد: عبالي فروله اعذريني
ايمان: ابتسم بخبث واني اباوعله ما اهتميت طلعت وحده ثاني واني اكلل ما ادري شوكت وصلنه اصلا مالتهيه بالفروله ...
احمد:يله ننزل
ايمان: والفروله
احمد: يابه ما راح اطير نرجع عود
ايمان: سديت العلبه واني احطها بمكانها نزل هو فتحلي الباب كمشت فستان بايد وايد الثانيه كمشت ايد احمد نزلت كمش ايدي ولبس نضاراته باوعتله وهو كامش ايدي ويمشي شكدد حلو يالله لابس بدله سوده بدون رباط فاتح اول دكمتين من عنده والقميص الابيض حاضن عضلاته عطره الي يسحرر صفنت بي وهو يمشي بهيبه ...
نزلت راسي من شفته يسلم على رجال كلهم ضباط ويضحك ويحجون وياا يمشي وكل ما يمش واحد يسلم عليه وصلنه للقاعه شديت على ايده باوعلي ابتسم بوجهي ودخلنه ...
مادري شوكت طلعنه ومادري شوكت صار كل هذا بس هسه اني تسجلت باسم احمد شرعا وقانونن شعور ما اعرف شلون اعبر عنه بس حلو على خوف على رهبه بس والله ما اعرف اعبر عنه طلعنه وهو كامش ايدي واني اباوع لاصبعي الي بي الحبر مال البصمه اباوع لاصبعي واني مصدومه عزااا يعني اني هسه صرت صخامم بوجهي توني استوعبت رفعت راسي اباوعله صافن عليه ويضحك باوعلي وابتسم رجعت باوعت لاصبعي رجعت باوعتله هم وحجيت ...
يعني هسه اني مرتك
باوعلي وابتسم هز راسه وحجه ...
احمد: اي شرعا وقانونن
ايمان:برطمت واني احجي ...
هاي ليش
عقد حاجبه وحجه ...
احمد: هو شنو اليش
ايمان: مادري هو شنو
باوعلي وضحك
احمد: مو قت نكدج
ايمان: رفعت راسي عليه واني عاقده حاجبي حضن كف ايدي وضحك سحبني وصعدني بالسياره اندار هو وصعدد ...