اسيره في قلبه

البارت 3

هله عصفوراتي شلونكم ❤️🕊️
اليوم نبداء بالبارت الثالث اتمنه ادعموني وتصوتون
ما احلل لاي شخص ياخذ كتاباتي
هسه يله نبدي بسم الله
.........
ايلول: كمش ايدي وكال
سراج: والله احبج ايلول وتعرفين من زمان من جنه اصغار وبقيت احبج لحد هذا الوقت
ايلول: سحبت ايدي بسرعه وكتله سراج تعرف اني معتربتك اخ بس ومن جنه اطفال اعتربتك اخ او صديق لا تخربب صداقتنه
سراج: زين انطيني فرصه اخليج تحبيني
ايلول: ما اكدر انطيك اي فرصه انته تستاهل احسن مني وحده تحبك
سراج: بس اني اريدج انتي
ايلول: سراج ربي يوفقك عافني ومشه ونقهرت عليه ومبينه علامات الحزن والقهر عليه جان يندار عليه وكال
سراج: تذكرين من جانوو يكلون ايلول لسراج وسراج لايلول اخخخ من ذاك الوقت واني عندي امل انو يجي يوم وتحبيني
ايلول: جانوو يكولون جنه صغار هسه كبرنه واني ما مفكره بالحب والزواج اريد اكمل دراستي واتخرج حجه وياي وعيونه مدمعه من صدك كرهت نفسي
سراج: ربي يوفقج صديقة طفولتي واني موجود شوكت ما تريديني وراح يضل عندي امل
ايلول: راسا صعدت فوك بغرفتي خربب بواهسي ما قريت ضليت افكرر وتذكرت طفولتي ويا سراج
سراج ابن خالتي وصديقي طفولتي عمره 25 جان بيتنه القديم بصف بيتهم جانه اني ويا دائما سوه ناكل سوه نشرب سوه جنت متعبرته سند الي وجانت دائما اسوي المصيبه وهو يتحمل المسؤوليه ينكتل بدالي ومره اتذكر وحده جانت كلش تكرهني بالمنطقه شافتني لابسه طوق جديد جان تضربني وتاخذه واني جان عمري 5 سنوات واجيت ابجي جان يكلي
سراج: هاي شبيج منو ضاربج هاا
ايلول: هئ هئ هذيج ضربتني واخذت الطوق مالتي
سراج: اكفي هنا لا تروحين هاا
ايلول: تمام
شفته ضربها ويجرر بيها من شعرها جان يدفعها على الكاع واجه يركض لبسني الطوق
سراج: هذا الطوق ولا تبجين واذا احدد يكلج ليش ضربتيها كليله مو اني سراج تمام
ايلول: بس خاله تضربك
سراج :عادي حبيبتي انتي بس كولي سراج
ايلول: تمام
اتذكر وكتها اجه ابو البنيه وطلعت البنيه مكسوره ايدها من دفعها اجتي ماما عليه
الام:ايلولللل تعالي هناااااا
ايلول: ها ماما
الام: هايي ليش ضاربه البنيه هاااا اني هيجج علمتج حقيره احجي
ايلول:........
الام: داحجي وياجج احجييي
سراج: خاله مو ايلول ضربتها اني ضربتها
الام:سراج لا تجذب
سراج: خاله والله اني ضربتها
ايلول: اتذكر بوكتها ضربته خالتي ومنعته من الاكل كلشش نقهرت كلت بسبيي رحت اخذت اكل بدون ما يدرون واخذته اله
ايلول: سراج هذا اكل اجيت اكل وياك
سراج :ليش اجيت هسه خالتي تعاقبج
ايلول :عادي بس المهم ناكل
هاجمتني الذكريات هذا اليوم ودعيت لرب العالمين يرزقه وحده اتحبه احسن مني لان اني ما استاهله هو يحبني كل هل الحب واني ما اكدر ابداله وما اكدر اجذب عل نفسي واتزوجه وعيشه بجذبه تعبت من التفكيرر ونمت.........
-------------
ايمان: علي حباب باجر اخذني وياك للجامعه اريد اشوفها حباب حباب
علي: انتي شايفتها على شنو تروحين وانتي اسبوع الجاي تبلشين دوام بيها
ايمان: الله يخليك اريد اشوفها واحفظها قبل لا اداوم
علي: تمام اخذج بس ما اتاخريني فاهمه
ايمان: رحت حضنته اي والله ما اتاخررر اخخخ اخوي الحبيبي
علي: تمام تمام هسه بس راح اخذج هيج سويتي
ايمان: اوي فديتك يله اني اروح انام تصبح على كل الحب والجمال وووو كلشي
علي: تمام تمام فهمت
علي: كعدت الصبح بدلت ونزلت وصحت ايمان وينج يله
ايمان: هياتني وراك
علي: هيج كله علمود الروحه كاعده قبلي
ايمان: شعبالك المهم بس اخذني وياك
علي: امشي يله وصلنه نزلتها كعدنه بالمكتب شويه يله نروح عل المحاضره واخلي احد يشوفج باقي الجامعه
ايمان: ليش مو انته
علي :عندي،شغل وملفات لازم اكملهن
ايمان: تمام
علي: كملت وكمشت ايدها وهيه الثوله تضحك ومكيفه دانمشي وشفتها لابسه فستان ضيق احمر الصراحه طالعه تنكرط والاحمر لايك عليها وطالع كلش حلو وعلى لون خدودها
دخلت هيه وتوني اريد افوت سمعت احد يناديني شفت ست ناديه هيه والعلج تصيح باسمي
ست ناديه: اهلا استاذ علي شلونك
علي: الحمد لله على الله
ست ناديه: منو هاي الحلوه
علي: اختي ايمان وراح تبدي اسبوع الجاي هنا
ست ناديه : اهلا بيج حبيبتي
ايمان :هله عمري
ست ناديه: استاذ علي هذني الملفات الي تريدوهن بعد تامرني بشي
علي: لا شكرا
ست ناديه: يدللو عومري
ايمان: هله هله اخوي شنو هاي عومري بعد شتريدج وتتعلج بعد شتريد اخونه خوش اخوو يستاهل الهوسه
علي:انجبي وامشي ترا لا تخليني بعد ما اجيبج وياي وبعدين هيه هيج تحجي
ايمان: جذب والله راح اسكت
علي: دخلنه وشفتها منزله راسها وتكلب بالدفترر وكفت كبالهم وكلت السلام عليكم
كلهم ردو السلام جان تحجي فرح
فرح: شنو هاي استاذ منو هاي الحلوه معقول خطبت وما تكول
علي: اعرفها حشريه وتسال اسئله تافها
كتله ايمان اختي وراح تبدي اسبوع الجاي بهل الجامعه
الطلاب: اهلا بيه
علي:ايمان روحي اكعد وياهم
ايمان :تمام
علي:دك التلفون .......
--------------
ايلول: كعدت الصبح لبسة فستان بينصل احمر شويه ضيق لبست فوكه ستره وشال اسود وجنطه سوده وترانشوز لان ما احب البس كعب طلعت من البيت وشفت ايلاف
ايلول: هله عوبه شبيج متوتره
ايلاف: عوفيني عوفيني امتحان عندي وهذا الاستاذ يجيب اسائله تخلي اينشتان ما يجاوب
ايلول: من صدك ضحكت عليها كتلها داقري اقري يالسجاجه
وصلنه وكلمن راحت لقسمها صرت امشي شويه سريع علمود اوصل قبله وصلت والحمد لله بعد ما اجه دخلت كعدت شويه جان يدخل ويا بنيه حلوه كلشش بيضه وجسمها رشيق عيونها واسعات وحلوات جان تحجي الحشريه فرح تساله منو هاي كلت بداخلي انتي شلج دخل شكد تتدخل وعرفت هاي اخته تنطي شبه بس مو كلشلان هيه بيضه هو اسمر شفته شورها مدري شكللها وطلع جان تجي تكعد يمي مادري شسوي بس اشرتلها بيدي وكتله هلوو
ايمان: اهلا حياتي
ايلول: هله بيج نورتينه ونورتي الجامعه
ايمان: تسلمين عمري اااا عادي اسئل شسمج
ايلول :عادي اسئلي عمري اسمي ايلول
ايمان: اسمج كلشش حلو
ايلول: عيونج الحلوه حبيبتي ااااا تدرين انتي كلش حلوه
ايمان: هه عمري انتي الحلوه تخبلين
ايلول: لا تصبغين بيه حبابه ما اتحمل
ايمان: ههههههههه خربب بيج ههه والله ما اصبغ بس الصراحه تخبلين حتئ خدودج ينكرطن
ايلول: نزلت راسي بخجل ما متعوده احد يحجي هيج كتله تسلمين عمري
ايمان: احم صديقاتت نصيرر (بحماس)
ايلول: اكيددد يا صقيقتي الجميله
ايمان: هههه اول صديقه الي بهل الجامعه هه
ايلول: دخل الاستاذ باوع علينه وكمل شرح كملت المحاضره طلعنه وكامشه ايدي ايمان كلشش محبوبه وتنحب بسرعه مثل شخصيتي بس تضحك وتسولف مو مثل اخوها النفسيه جان اشوفه ياشرلها جراتني وياها واني اكللها لا عفيه
ايمان :دتعاي وياي انتي مو صديقتي
ايلول :بس هو رادج الج
ايمان: عاتي عاتي
علي: ايمان هاي البنيه راح تشوفج بقيته الجامعه
ايمان:لا شكرا ما اريدها اني و ايلول نشوفها
ايلول: اني بس اسمع ومنزله راسي
علي: اممم تمام دير بالج على نفسج اي شي تريد تعالي عل المكتب
ايمان :تمام
ايلول :طلعنه اني وايمان ونشوف الجامعه ونضحك وكلشش حبيتها
ايمان: ياييي والله كلشش حبيتج بيست فرندد
ايلول: والله اني هم حبيتج اكيد بيست فرند هسه اعرفج على صديقتي ايلاف هم راح تحبيها
ايمان :صدك
ايلول: اي والله
اخذتها لايلاف وكعدت اعرف بيهن
ايللول: ايلاف هاي ايمان صديقتي تعرفت عليها قبل شويه ايمان هاي ايلاف صديقة عمري
ايلاف: قبل شويه تعرفتي عليها وصارت صديقتج المهم تشرفت
ايلول :عرفتها مو عاجبها كرصتها وكتلها اسكتي
ايمان: اليه الشرف حبيبتي انتي هم صديقتي تصيرين
ايلول: اشوف ايلاف تباوع بنضرة شك بعدين كالت
ايلاف: اكيد صديقات وضحكت
ايلول: كعدنه نضحك ونشاقه اله بطنه كامت توجعنه وايلاف كاعده وتقلد
ايلاف: عزااا باعوو هاي جنها ديج شلون مسويه الشال
ايلول: ولججج عززااا اسكتي فضحتينه احنه مالنه دخل
ايلاف: دسكتي انتي صارتي براسي العفاسي
ايلاف: عزااا باعع هذا شايفه نفسه هسه مفكرر نفسه سيف نبيل وما يدري هو جنه قرد مهلس
ايمان: خررببب يمه متت ههههه
ايلاف: عزااا شمالج خيه اسعاف يا ناسس
ايلول: عزاا بعينج صوتج ايلاف وانتي ايمان ولجج سكتي
ايمان: يمه اخخ بطني
ايلاف: عززاااا حاملل
ايلول: كومي لا بارك الله بيج عابت ادبسزز
ايمان: عززااا بعينجج
ايلاف: انتي كلتي بطني اني شلي دخل
ايمان: عززااا اتاخرت علي يتصل بيه يمه ههههه هسه شلون اجاوب هههه
ايلول: يتصل عزااا احجي
ايمان: ههههه احمم الو
علي: هاي انتي وينج
ايمان: مدري
علي :لا تكفرينه شنو مدري
ايمان :هاا هاا اني يم القسم مالكم
علي: جايج لا تروحين
ايمان: تمام
ايلول:ايلاف دايتصل السائق يله
ايلاف: تمام يله
ايمان: اني هم راح اروح راح يجي علي
ايلول: حياتي تشرفت بيج شوكت نشوفج
ايمان: عمري انتي اسبوع الجاي ادوام ونكضيها سوه
ايلاف: دسكتن الي يشوفجن بيجن جفاف عاطفي عمري وحياتي
ايمان :اجه علي يله باي عمري
ايلول ايلاف: بايات كبد
ايلول طلعنه وهيه رحت اشرتلها بيدي يعني باي وصلت البيت تغديت وصعدت على الغرفه ودخلت بسبات عميق....
--------
علي: ها احمد
احمد: اكلك هذا النذل هو الي سارق الاوراق مال الصفقه
علي: خلي يمك الكو... اني اجي وخليي ياكل خر... بيده
احمد: ماشي خليته بل المسدودع يله انتضرك هله
علي: هله
رجعت كملت المحاضره وطلعت وراحت ايمان ويا ايلول بس عجيبه هل البنيه حتى راسها ما ترفعه مرات تعجبني تصرفتها ومرات اريد اضربها على راسها على هل فهاوه الي عدها
رجعت للمكتب وكملت شغلي وطلعت ادور على ايمان وهذا الكو.... احمد يدكك اتصلت عليها وطلعنه وصلت ورحت على المسدودع
علي:هااا حبي شلونك شلون الضيافه يمك مريحيك
واني ترا جيت اريحك هم
::لا تنتظر احجي ش.ي ي ي فا. هم
علي: ضربته بوكس تحجي لو تخليني اجيبها واخليها يمك
::منووو وو
علي:الحب مالتك وغمزتله
::شمعرفك بيهههااا ااا
علي: هههه كلشيي اعرفف وداعتك
::اني ماليي يي داااخخ للل هوو وو كلي اسرقق الاوراق
علي: منو هو
::ادهم رائيسس الشركه الي ضدكم
علي: عفيه عليك كمل
::والله بس هذا الي عندي
علي: تحجييييي لووو شلوننن خلكي ضيك اني
::شكمم مره جان يدزولك تهديد هو الي جان يدزز
علي: تمام
::الله يخليك حجيتلك هسه راح يكتلني
علي: لا تخاف بحمايتي مادام حجيتلي
احمد: الو هله ابو فهد هااا حجه
علي: اي حجه
احمد: اي وعرفت منو
علي: ادهم الكو.....
احمد: ادهم هذا المهلس
علي: اي
احمد: اي وشراح تسوي
علي: عوفه خلي ين...بكيفه راجعله
احمد: متحمله انته
علي: كلشش متحمله بس خلي يجي الوقت اله اخلي يزوع العافيه
احمد: يله فيمالا
علي: هله
رجعت عل البيت وذبيت نفسي على الفراش ومئة فكره براسي جان تجي على بالي كعدت
علي: ليش تجين على بالي اخخخ ليش تجين
علي: الو هاا جبتلي معلومات عنها
::اي استاذ
علي: دزهن

ليش تجين علي بالي ليش ما اريد ما اريد اتعذب من جديد وائذيج انتي هم .........
-------------
لهنا وينتهي البارت الثاني اتمنه حبيتواا ❤️
احبكم عصفوراتي ❤️🕊️

الكاتبه شهد 🦋❤️