ဤအရာကိုအချစ်ဟုခေါ်သည်
Part 12
'မင်း '
သူမကိုမြင်တာနဲ့ ခက်ထန်သွားသော
ဦးမာန်ကြောင့် ငွေ့ရည်ကိုယ်လေး
တုန်သွားလေသည်။
" ကိုနေမင်းမာန်နဲ့ သိနေတာလား
ညီမလေး "
အကိုကြီးအမေးကြောင့် ငွေ့ရည်မှာ
နေစရာ နေရာပင် မရှိတော့ပါပေ။
သူမ အရှက်ရမည် ထက်
သူမသိပ်ချစ်ရတဲ့ ဦးမာန်
အနေခက်မည်ကို သူမပိုကြောက်
နေမိသည်။
" မသိပါဘူး အသိတစ်ယောက်နဲ့
ဆင်နေလို့ "
ဦးမာန် စကားကြောင့် ငွေ့ရည်
ရင်နာရပေမဲ့ ငွေ့ရည် ကျေနပ်ပါသည်။
သူမ ဘဝက ဦးမာန် နဲ့
မထိုက်တန်တဲ့ အညတရ
ပန်းတစ်ပွင့်ပဲ မဟုတ်ပါလား။
" ကိုရှိုင်း မိတ်ဆက်ပေးအုံးလေဗျာ "
" အထဲရောက်မှ မိတ်ဆက်ပေးမယ်လေ
လောလိုက်တာ ဒေါက်တာရာ လာလာ
အထဲကိုကြွ"
ငွေ့ရည်ကို ပြန်တွေ့ရလို့ မာန့်ရင်ထဲမှာ
ဝမ်းသာပေမဲ့ မိထွေးဖြစ်သူ
စိမ်းမြခြယ် ရဲ့ အငွေ့အသက်တွေ
ကို သူမုန်းသည်။ ငွေ့ရည် မျက်နှာကို
မြင်လိုက်တိုင်း သွေးအိုင်ထဲမှာ
လဲကျနေသည့် မေမေ့ မျက်နှာက
သူ့စိတ်ကို ခြောက်လှန့်နေသလိုပင်။
*ဒါတွေအားလုံးက မင်းအမကြောင့်
ဖြစ်ရတာ မင်းအမကြောင့် မေမေ
သေရတာ မင်းကို ချစ်နေတယ်ဆိုရင်
တောင် ငါ့နှလုံးသားကို ငါ အသေသတ်
ပြစ်လိုက်မယ် ငါမင်းရှေ့မှာ ဘယ်တော့မှ
ဒူးမထောက်ဖူး ငွေ့ရည်နှင်း*
" လာ ထိုင်ဗျာ "
" မောင် ထမင်းပွဲ အဆင်သင့်
ဖြစ်နေပြီ ဧည့်သည်တွေကို
ခေါ်ခဲ့တော့လေ"
ထမင်းစားခန်းမှ အသံပြုနေသော
ချစ်ရသည့် ဇနီးသည်လေးကို
ရှိုင်း တစ်ချက် ပြုံးပြ
လိုက်ပြီး သူ့အနားသို့လာရန်
အမူယာပြလိုက်သည်။
" ဒါကျွန်တော့ ဇနီး
ဆောင်းသံစဥ် ဆောင်း
ဒီဘက်က အသားညိုညို
နဲ့ ခပ်ချောချောကြီးက
ဒေါက်တာ အေးချမ်းမောင်
ဒီဘက်က ဒေါက်တာကို
တော့ ဆောင်းသိတယ်
မဟုတ်လား ဖွားဖွားကြီးကို
ခွဲစိတ်ပေးခဲ့တဲ့ ဒေါက်တာလေ"
ESTÁS LEYENDO
This call love
Romanceအချစ်သည် အနက်ရှိုင်းဆုံး စွမ်းအားအကြီးဆုံး စိတ္တဇနာမ် ဖြစ်လေသည်။🥀
