واحنا جالسين ونسولف رن جرس الحصه وكل واحد قاعد يمشي لصفه وهو صفه جنب صفي واحنا نرقى الدرج صدم واحد ب الغلط واعتذر منه بس الي صدمه ماقبل اعتذاره .
وقال انت ماتشوف اعمى غبي ؟ قال احترم نفسك هذا اول يوم لي ومابي اتمشكل مع احد قال خوفتني وش ممكن تسوي ودفه من كتفه واستفزني ذا الشي فما بالكم هو .
عطاه بلكمة وحده خلته يطيح ع الارض من قوتها وجا بيكمل عليه الا استاذ محمد جا يفك الهوشه وانا معه وفرقناهم عن بعض وكانت بيني وبينه نظرات وتلميحات.
رحت لصفي واستكملت يومي الدراسي وانا طالع من صفي ومافي احد يوديني لن صاحبي الي معه سياره غايب وانا امشي جا اسامه يمشي معي .
وقفت عند باب المدرسه وهو يمشي بيروح لسيارته ويقول لي احد بيجي يوصلك ؟ قلت لا بس بدبر نفسي معليك قال لا مارضى انك تقعد ب الشمس امش اوصلك .
قلت اذا كنت مصر ماعندي مشكله وركبت معه السياره وقعدت خجلان ووصفت له وين بيتي وقال عطني سنابك او اسم حسابك سوني وعطيته ونزلت للبيت.
وقعدنا نسولف لين جا الغداء وجتني رساله من محمد (تعورت من المضاربه؟ ) رحت ارد عليها واقوله لا ماجاني شي وهو قال ترا جيت بسرعه خفت عليك .
وانا استحيت ومارديت وقال واضح الي استحيت يقلبي وقلت له اي قال اجل ماضغط عليك تبي اجيب لك غداء ولا اهلك مسوين قلت اهلي مسوين وتوهم فرشو الغداء وينادوني مابي اطول عليهم قال عافيه ورديت بيعافيك .
