ضجيج الروح

بارت 1

.
.
.
.
.
.
.
.. كعدت مثل عادتي بل 4:00 ضبط صليت وقريت قران شوية هاي الخطوة تحسن يومي حته لو جان بي مشاكل بعدين طلعت للبلكونة مال غرفتي مسحت الاوراق مال زرعاتي وسقيتهن ورحت بدلت اخذت فستان رصاصي طولة مناسب مال طلعه وگفت گدام المراية لميت شعري الكيرلي كعكه ونزلت خصل شوية خليت مرطب لشفتي بعدين انتبهت لعيوني ابتسمت اذكرت من جنت طالبة يگلولي تنسقين عدسات وية ملابسج عيوني صايري وية لبستي خضار بي خطوط رصاصي احبهن كلش واخاف ابجيهن حته لو جان الموضوع يستاهل يمكن اشوفو خبال بس واصلة مرحلة كلش جبيرة من حبي لنفسي كلش احاول مااظهر هذا الشي للناس علمود ليگولون شايفة روحهه بس من احد ينطيني رأية بلبسي او بشكلي او بشعري مااهتملة ابدد او يحاول ينصحني بختصلر ضاربة كلام الناس بعرض الحايط مشترية راحتي نفسي واهلي قبل الكل سحبت المسكارا وكعدت ارفع رموشي ببطئ واشوف شلون صارن مرتبات بطريقة تلفت النظر بعدين انتبهت اكو شعراية من رموشي طالعه بطرف بعين وبالعين الثانية لامرتبة كعدت ارتبهه علمود يطلعن بنفس الشكل واخذت الايلاينر ارسمة ولازم اسوي مساوي احس نفسي ممرتاحة اذا لگيت شغلتين ممساويات او مثلاً فد شي ممتساوي لو ممرتب لهيج اكره الارقام الفردية لان من اقسمهن ميتقسمن بعدل بعدين لبست حذائي واخذت جنطتي ونزلت جوة لگيت بابا مثل عادتة ديبخر البيت وصوت القران بزواية البيت شوفتة تريح نفسيتي رحت صبحت علي
رهف .. صباح الخير يحلو
كمال .. صباح النور يروحح ابوج نمتي زين
رهف .. يي الحمدالله لعد ماما وين وهيثم
كمال .. بالمطبخ امج دتحضر الريوك واخوح ديراجع امتحانه بالمطبخ هم
رهف .. خل اروح اتحارش بيهم شوية
كمال .. لجج كعدي امج راح گلبهه من هلكد متركض وراج
رهف.. ههههه بابا احبكم شعندي غيركم ودفعت على كيف بجتفي حظنته ومشيت
نورس .. هلوو هلوو هاي شنو كمالل وانتي يمة شكو حاظنة رجلي
رهف.. عيني ترة ابوية ام هيثومي الغالية
نورس ... رحت عليهه دفعت ايدهه شو وخري وخري وانت مكيف
رهف .. ضحكت عليهه امي وابوية رح يصيرلهم بل 25 سنة مزوجين وبعده حبهم مثل ماهو وامي تتخبل علي من الهوى الطاير اداري اكثر من روحهه اتمنيت احصل على هيج حب باوعت على الكرسي الي كاعد علي هيثم لگيتة نايم على الكتاب مالته رحت كفخته
گوم گوم لا رحنه وصرت دكتور
هيثم .. هو ويتثاوب ادري حته الحيوان ميگعد هيج
كمال .. انت الي رح يصير جوا ايدك باجر يطلع ناقصة عضو لو ناسي تخيطة
هيثم .. ممرجية منككك ابوية تشك بقدراتي
رهف .. ضليت اضحك على مداهرتهم
يلا عيني اني طالعه يادوب الحكك اليوم هابين على تأثيث البيوت
نورس ... روحي يرهف بتت نورس وكمال الله يفتحهه بوجهجج
رهف .. شمرتلهه بوسة بعد گلب گلبي
طلعت شغلت سيارتي وصلت للشركة نسيت شخصية رهف الي بالبيت ونزلت بهدوء سلمت على خالة ام احمد الي تشتغل بالمبنى صعدت بالمصعد وصلت لطابق مكتبي ونزلت سلمت عل موظفين فاتت رنا السكرتيرة وراية ركض
رنا .. ست رهف اكو اجتماع للمهندسين بفندق****. علمود فكرة مشروع الفندق بلندن ساعة بل 9.30 وراهه عدنه اجتماع وية العائلة الي اتفقنه ذاك الاسبوع على تصميم بيتهم اليوم يردولنة الخبر علمود نباشر بالتصميم بل 11.30
رهف .. جيكتي الحجز مال سفرة لندن
رنا .. نعم ست واكدت عل اجتماع هم
رهف .. بيا تاريخ ووقت
رنا .. يوم الخميس 1/23 الساعه بل 4.00 العصر علمود وصول طيارتج
رهف .. حلوو تمام شكراً تكدرين تطلعين طلعت وردت اضحك عليهه خطية شوية وتاخذلي تحية بس ماكدر هذا طبعي لازم كلشي يمشي بتنظيم ماعندي شي شوكت ميريد يصير خل يصير لا اني احدد اليوم والوقت هذا الطبع بية من اني وطالبة دراستي احدد بالدقيقة والساعه شفت الساعة صارت بل 8:00 طلعت جبت الگهوة مالتي ومن داصعد شفت صار بوجهي ارتبكت صعد وياية بنفس المصعد ضليت ساكته لحد ماهو بادر بالحجي
سيف .. شلونج رهف ماالج لا حس ونفس
رهف .. زينة الحمداللة شفته سأل ورجع باوع بتلفونة دك علي مهتميتلة ومرجعت سألت علي خلص مكالمتة
سيف .. سمعت اليوم عندج اجتماع بفندق**** اذا تريدين تعالي وياية اوصلج
رهف .. لاشكراً سيارتي موجودة وصلت للطابق مالتي طلعت رأساً بدون مالتفت ولا حجيت ولا كلمة اتوتر من اصير ويا بنفس المكان
رهف صح احبه بس اسلوبة يجبرنيي ادوس على گلبي هو وشخصيتة المستفزة وادري بي صاحب علاقات مهتميت نوبات اضحك على روحي اكول شلون احبه واني هيج اسلوبي وتفكيري بي فتت للمكتب كعدت اراجع تقارير مال اجتماع مالتنة وخلصت تقارير ورتبت جدولي حسب شغلي هذا الاسبوع شفتهه صارت بل 9.00 نزلت للگراج شفت گدامي هو اخذته سيارة سودة عالية مضلله ضلت واكفة اشوية بعدين اتحركت شغلت سيارتي واتحركت وكفت بازدحام وكفت بصفي نفس السيارة الاخذت سيف نزل الجامه مال سيارة شفت سيف كاعد بصف الشخص الي ديسوق لابس ملابس كلهه سودة وسيف نفس الحالة هو انتبهلي باوع وابتسم ابتسمتلة بخفة وهذا البصفي دار وجهه عليه مخنزر درت وجهي ضليت انتضر لحد متحركة السيارات سقت بسرعه علمود الحك وصلت للگراج طبگت السيارة وية نزلتي وصل سيف ونزلو ويا ثنين لابسين كله اسود مهتميتلة بس اخذت الملف وجنطتي وتحركت بسرعه فتت لصالة الاجتماعات هم زين محد وصل بعده ورة خمس دقايق حضر الكل وبدة الاجتماع ...
________________
بمكان ثاني ....

... ويننه اليومم احرگ اهلهه على هل سوايةة
طه.... فدوة لگصتك بس اكعد ليسمعنه حجي ضي
اسد... خابب دكوممم حجيي هو اذا يصلي الملائكة ضل صافنه بوجهه
طه.... هسة شرح اسوي بس لضل ادكمز ترة كلبت معدتي
اسد .... خابر سيف بسرعه اليوم فلوسي ترجعع والصفقة اتم وراهه الزم لسيف واطلعع النسوان من عينه هل عاررر
طه... دكيت على سيف ساعه ياله جاوب
سيف ... الو ها ضلعي
اسد ... لكك س**** ك***** من ورة نسوانك يغدرونة ونخسر هل خسارة
سيف .... شكوو شصايرر لك ليش اتشمر
طه ... مطيي الك**** الجنت وياهه من سكران مصورة الوثائق مال صفقة كلهه ودازتهه لقصيي طلعت من طرفة وذاك ماخذهن ومتفق وية ذولاك وطاير شغلنه
اسدد.... اخخ بس هل الزمككك هسةة رح اجي اخذكك انت وينن دنروح لفندق**** هناك نشوفهم
سيف .... صبرر عندي ملف بيهن تاريخ الفكرة والكتابة مسويهن احتياط حافظه بالابتوب اجيبة من الشركة واجيك
طهه .... انجب هسة جايكك اليوم منهدك منهدك
سيف .... هسة انتو انهديتو بيه افتهمو صخموو
اسد .... داحجي ويا ونزل من خشمي دمم ارتفع ضغطي مكدرت بعد اوكف
روح رح تموتني انت
طه .... سديته منه وركضت على اسد يابة شبيكك انفعلت انت معقولة مغثوث علمود هل سالفة اسد لتضحك عليه
اسد... مابية هسة ينزل ضغطي وارتاح يلا گوم دنروحلة
اسوق واني بالي يمهه صارلي سبوع مصار مجال اروح اشوفهه واحس روحي مضيع شي ضليت اتعارك واسوي مشاكل بدون سبب وضغطي معلگ وهي ولا يمي ولا تعرفنيي وصلت لبيت سيف طلع صعد بصفي
سيف ... اسد اعذرني والنبي معبالي اسوي هيج انت تعرف بيه زين
اسد ... سد الموضوع هسة خل تفض وانشوف
وصلته للشركه نزل ورجع ورة نص ساعه وية صعدته شفتهه ضليت صافن عليهه الشمس ضاربة على لون شعرهه مبينة خصل الشكر منه وطولهه الحلو وعيونهه الاخذتني واخذت گلبي وراهه ضربني سيف
سيف .... كافي البنية رح توگع امشي يلا
اسد .... حركت السيارة وحاولت اوكف بصفهه بالازدحام الصار وصدك كلت مانزل الجامه واضل اباوعلهه من ورا لان مضلل اخذ راحتي بس مكدرت اريد لو مرة وحدة تنتبهلي بس هي ماكو فاصلة نزلت الجامة والتفت علينه سيف مال راسة وضحكلهه وهي ابتسمت عل خفيف مجامله ودارت وجهه ضليت مخنزر عليهه وهي ولا يمهه دارت وجهه اتحركت سيارتهه لزمت سيف شبعته كفخات
سيف ... اخخخ شبيكك يولل متروح يحظي تعترفلهه
اسد .... وانت شكو تضحكلهه س*****
سيف ...ترة البنية رح تكرهني منطيهه وجه الثكيل بالشركة عبالهه شايف روحي عليهه
اسد .... هم عايز
طه .... اذكرت من سمع هذا الموظف الي راح خطبهه طببب صبح رجله مكسورة بالمستشفى
اسد .... هذاا الموجود وهذا الي يصير من احد يباوع على شي يخصنيي يخص اسدد..