.
.
.
.
.... تحجي ويا سيف وصديقتهه سنار ومنطلقة ويضحكون واني اراقبهه بهدوء ابتعدت عنهه ذيج الفترة كلش احسن الي والهة خاف اسمعهة كلمة اضوجهه وهي متصدك اصلاً بس شافتني ابتعدت هي هم گامت تتجنبني
سيف ... اگول رهف ليش مترجعين لبيتج هاي الفترة مو احسن
رهف ... لا ليش مرتاحه بمكاني
سيف ... يعني اگول احسن الكم من الشقة وخنگه
... بعدين اذكرت لا اضل گدام عيني هي وليلى احسن بس ماعرف شنو صاير بينهه وبين اسد من جنت احجي ويا عكس هسة حته نظراتهم اذا تلاگت يتوترون
سنار ... عادي المهم احنه سوة انضل مو مهم المكان
سيف ... باوعت عليهه بالمراية ... والله خوش صديقة عندج رهف
رهف ... حضنتهه هاي روحي مو بس صديقتي
سيف ... اباوع على اسد مرجع راسة ليورة ومغمض عيونه والله صاير بينهم شي هسة خل احجي ويا بعدين احقق ويا على رهف
.... يمعودة اكو ناس متتحمل هيج كلام
سنار ... شنو لازم عندك اعتراض
سيف ... لا يابة انتي شنو رح اضلين هنا
سنار ... لا شهرين وارجع
رهف ... ضلينه باقي الطريق ساكتين كل واحد من عدنه عنده شغله براسة ديفكر بيهه وصلنه واخيراً نزلنه اني وسنار اخذنه الجنط مال سفر مالتنه همزين رحت بوحدة ورجعت بوحدة انسحبت الجنطه من ايدة شفته شالهه ومشة گدامي حمدالله اطورنه گام كلشي يسوي غصباً ماعلية خاف قبل چان يسألني ويحچي شفت سيف شايل جنطة سنار وفات للعمارة جتي سنار يمي
سنار ... يلا امشي دنصعد تعبت ترا
رهف ... يي يلا صعدنه سوية شفت جنطتي محطوطة گدام الباب واسد ماكو باب الشقة مال صديقهم مفتوحة وسيف واگف مبتسم بوجه سنار
... اشرتله براسي ... هاا خير
سيف ... من هلگد ما الضحكه مرسومه على وجهه كل ما ابوعلهه اضحك وياهه لا ارادي لو اني بيه شي لو هيي فاصلة
... ها عيني لا ماكو شي بس هاي صديقتج هل تخفف ابتسامات
سنار ... ابتسم للحياة تبتسملك ليش معارض
سيف ... انتي حته للحايط دتبتسمين
سنار ... بصراحهه ممصدگه رجعت لبغداد احس هسة تنفست شگد حلوة
رهف ... بهاي حقج اني صارلي كم يوم وبس اريد ارجع
سيف ... اشو اني لا احساس لا شيي اروح وارجع عادي
سنار ... هو مبين عليك ماكو احساس
سيف ... رحم الله والديج
رهف ... ههههه هيج احسن الك يلا عينيي يلا نريد نروح راح سيف واني و سنار اخذنه الجنط وفتنه فتحت الاضوية جنت مخلية مثل قطع مال قماش مغطية بيهم غراض البيت علمود لتتوصخ گعدت اشيلهن وسنار شالت وحدة جانت فوگ القنفة وشمرت روحهه ونامت
... گومي خل انفضهن لججج تراب شيي اعقمهن
سنار ... مابيهنن شيي عفيةة صارلي شگد ممسافرة تعبت جسمي اشنج من الگعدة
رهف ... عفتهه تنام واني بدلت ملابسي وگعدت انظف رحت طلعت علب مال ديتول مسحت بيهن الاخشاب والارضية ورشيت منهن عل قنفات همين ومسحت الشبابيك بعدين شفت القنفه الي نايمه عليهه سنار اخذت الديتول وگعدت ارش فوگاه
أنت تقرأ
ضجيج الروح
Romanceلقد تجرأت على الرحيل وذهبت وبقيت انا هنا اصارع ذكرياتك بمفردي ، ابسط ذكرى منك تعيدني الف عام في الحزن ، قد لا تعي حجم الفجوه التي تصيبني عندما تغيب ولكن ان كنت تقرأ فأنا اقول لك شكراً لك لقد وضعت فيني خيبه الف عام من الحزن لن يمحيها.. -
