.
.
.
.
.
.
رهف ... خلص الاجتماع بخير واتفقنه على كلشي واهمشي افكاري هي الي اتفقو عليهه دالم بالاوارق حسيت احد وكف فوك راسي رفعت لكيته احمد احد المصممين الي جانو ويانه بالاجتماع وجنه ثنيناتنه بنفس الجامعه والقسم
احمد ... بدعتي رهف كلشش
رهف ... شكراً هذا من ذوقك ابتعدت عنه وگفت
احمد ... اريد اكلج شي بس خاف تفتهمي بغير قصد
رهف ... شنو اتفضل گول اكيد اذا شي مو زين
احمد ... اريد اعزمج على گهوة
رهف ... ضيقت عيوني علي
اسـ
احمد... لتكملين هنا والله نشربهه بالفندق حته منطلع بعدين رح اصير گعدة شغل لان اريد اخذ رايج بكم تصميم
رهف ... تمام وين نگعد
احمد ... اكو فسحه حلوو هنا بالفندق وهم نكدر نشرب بيهه كهوة
رهف... طلعنه اني ويا وصلنه للمكان انصدمت لگيت سيف ويا گاعدين اربع رياجيل باوع عليه ورأساً لف راسه على هذا الگاعد كدامه كعدنه اني واحمد مقابيلهم تقريباً طلب احمد الگهوة
احمد.. يي رهف شلونج شخبارج شلون الشغل وياج
رهف ... زين الحمدالله انت شلونك سويت على دراستك سمعت دتكمل ماجستير
احمد... يي والله ردت اكمل وكلش جان عاجبني بس انكسر واهسي باخر لحضة من الشركة اتعرضت لخسارة
رهف ... بس هذا ميمنع تكمل المفروض تفصل بين الاثنين الاعرفة الانسان من يتعرض لخسارة لازم يگوم وراهه بقوة
احمد... اوفف مادري يمعودة على شنو مدوخة روحج بيه باجر يحلهه الف حلال والايام هواي
رهف ... ابتسمت بوجهه بس معجبني كلامه ماحبب هاي الجمله ابددد
ورة فترة وصلت الگهوة
احمد ... اخذتهه من الولد عاشت ايدك
رهف ... ابتسمت بوجهه شكراً
احمد... دتتواصلين وية شلتنه مال جامعه
رهف ... بس روان وبنين والباقين بين فترات كلش طويلة يلا عود واحد يسأل عل ثاني
احمد ... بضحكه واكيد مو انتي الي تسألين
رهف ... رفعت فنجان الگهوه وشربت شوية ورجعته لمكانه
مو گلت عندك كم تصميم دتاخذ رأي بي لان ماعندي هواي وقت ابقة گاعدة
احمد ... تقربت منهه شوية ييي صحح نسيتيني فتح الفايل مالته وسحب من عنده اوراق التصاميم
شوفيهن
رهف ... امم حلوات على شنو تريد اطبقهن
احمد... الاسود والذهبي عاجبني اطبقة على مطعم بس يكون تصميمه كلاسك هيج شي
رهف ... امم حلو رح يطلع خصوصاً الاضافة مال بيانو عجبني
احمد ... اشرتلهه على الحركه مال بردات واني عيوني عل خصل شعرهه انازل وطاخات برموشهه
البردات هيج حركه حلوة احسن من مانزلهن كلهه
رهف ... ضحكت عل حركه مال بردة ذكرتني بصالتنه امي سويهه هيج
احمد ... ضحكتلهه هاي شنو امجج بايكه تصاميم لازم اقاضيهه هسة
رهف ... حلوو كلش صاير التصميم مالتك والالوان المختارهن بعدني هستوني داحجي الكلمه الثانية حسيت انسحبت ايدي بقوة وانضربت عبالك بحايط مو جسم رجال
اسد ... يلا رهف تعالي اتاخرتي هواي
رهف ... نزل اخذ غراضي ويمشي ويجرني وراا واني اريد استوعب شصار وصلنه خارج الفندق سحبت ايدي منه بقوة رجع لف راسه عليه ومخنزر شراين كصته مبينه قربب مني ولزم ايديي
اسد ... هذاا منوو الجنتي كاعده وياا ودكين فجج صارلج ساعهه هاااا
رهف ....... فتحتت عيوني بكل وسعهن وباوعت علي انت شلون تلزمني هيج منووو انتتتتت حته تحاسبنيي اضحك لهذا لو احجي وية ذاك ميخصك
اسد..لااا يخصنييي انتي كلج الي تخصيني الي وبسسس مفهومم وحق محمد سكتت هوايي هذااا شنووو وتحجينن ويا
رهف ...حجيت بهدوء وسحبت ايدي منه بقوةة اتقريت منه ورفعت اصبعي بوجهه
شوف اني لا اعرفك ولا تعرفني وميخصني الي دتحجي شنوو صدكنيي اذاا لزمتني مرة ثانية لو رفعت صوتكك عليهه اخزيكك كدام العالم والله وميرفلي جفن ومحد يخوفنيي مفهوممم
شفتت ابتسمم بضحكه جانبية وعيوني عليه وترني بس مبينتلةة
اسد ... اباوع عليهه فاتحه عيونهه بكل وسعهن اريد اوخر نظري منهه بس ماكو رب الحلوو عبالك مغناطيس بيهنن بحيث اني نار وگابة بيهه وعيونهه سحلتني بالزايد ..طبعاً حقجج مجنتي اشوفين شلون يباوعع والمشعوللل ابووو ممهتمتلهه
رهف ... ردتت احجي وياا بس بعدين گلتله ... انت شنو داخلي راسي براسك واسمع كلامك روح بابا وذا عدت هذا التصرف صدكني ميصير خيرر والله ميهمني انت شنو ومنو ولفيت راسي ورجعت جوة الفندق بس عناد بيي هستوني دافوت صار بوجهي احمد وسيف والولد الي وية سيف يباوعون بقلق خزرتهم ورحت على احمد
رهف ... اسفه احمد على الي صار
احمدد ... هذاا منو رهف وليش هيج سوة
رهف ... ماعرف لتهتملة اعتذر مرة ثانية على الي صار
احمدد ... ولا يهمج يمعودة فدوة الج
رهف ... طلعت اني ويا ولگيتة على نفس وكفته حسيتة راد ينفجر من تصرفي واني شوية من حقدي علي وعلى الفشلة الصارتلي شوية والزم ايد احمد علمودة اموتة بالزايد وصلنه للگراج
احمد... تحتاجين توصيلة
رهف ... لا لهنا وكافي وصل حدي گلبت وجهي علي وحجيت بحدة ... لا شكراً اتأخرت مع السلامة ركبت عل سريع بالسيارة وتحركتت
____________________
اسدد... صدمتني بتصرفهه متوقعتهه هيج رح اسوي ومن وكفت بوجهي وصيح ومن طلعت وية هذاا الحيوانن حركتني بالزايد واني اشوفهه كاعده هي وياا وتضحك واني اتحسر عل نضرة منهه ردتت الزمهه املخهه جوي طهه وسيف يركضون عليي
سيف ... لك شسويتت اسددد خرب يومكك هيج تفشل البنية
اسدد ... اسكتت لا حطط الق**** بحلكك ترة دمي فاير
طه... شلون اسحلةة هسة لكك اني صوجي نبهتك عليهه صوجيي
اسدد ... لكك اني توكفف بوجهيي هاييي ولااا تحركك دمي بالزايدد خلل تصطبرلي
سيف ... البنية متعرفكك افتهم هذاا الشي امنت بالله صارلكك شهور تراقبهه وتعرفهه بالمليي بسس هي متعرفكك يا اخيي شلون تسحبهه هيج
اسد ... وطبهه مرضض مشوف ولا اهتمت ورجعتت طلعتت وياا بس اوففف عضيت جف ايدي اذاا مكسرت رجلهه ورجله ماطلعع اسد
طه ... انت بدالل متحبب البنية بيكك تنفرهه منكك
اسد ... لاا هسةة رح اخليهه تعرفني زين وهم كلش زينن وتعرف منو اني
طه ... ضحكت يعني رح تطلعع بحياتهه يالامير الوسيم
سيف ... طكيتهه بضحكه متحملت
اسد ... شبيك لكك
سيف ... هيج تخيلتك على حصان وتفوت على رهفف
طه ... ييي ويصيح اين انت يا رهف
اسد ... سرسرية والله امشو يلاا دشوفف هل بلوة وين راحتت هي اختارت تلعب وياية هلا بيهه
اخذت السيارة وصلنهه للشركة نزلت وفتنه سوية
طه ... ايبا صارلنه شكد مفايتين للشركة
سيف ... انتو مصدكتو عفتوني وحدي ورحتو
اسد ... لفضل لابوية الشريف وصلنه للطابق مالتهه رحت وحدي طه راح وية سيف لمكتبة واني اتجهت لمكتبهه شفت السكرتيرة كاعده سالتهه عليهه
رنا ... اتفضل محتاج شي
اسد ... ست رهف وين
رنا ... حالياً عدهه اجتماع اذا تريد تفضل انتضرهه هنا
اسد ... رح انتضرهه جوة بالمكتب
رنا ... بس استاذ
اسد ... وياريت اجيبيلي گهوة
باوعت على مكتبهه مرتبب كلش ونظيف مسحت عل ميز مالتهه ملگيت نتفة تراب ضليت صافن عليهه اذكرت من جنت اشوف جدول شغلهه واشوف تطلع بالوقت المضبوط وترجع بحيث حفظتهه مثل اسميي من هلگد ما منظمة يومهه انتبهت عل ساعه صايرة بل 12:30 بعد نص ساعه تطلع تتغدة برا هذا وقت استراحتهه ماشوفهه تاكل هواي اكثر شي اضل صافنه عل مكان لو عل اكل لو نوبات تقرة كتاب
صحيت من صفنتي على فتحة الباب دخلت وتفاجئت بوجودي
رهف ... بحدة شسوي هنا انتت
اسد ... تريديني اصدك انتي متعرفين اني منو
رهف ... ليش لازم حضرتك مشهور بدگاتك الناقصه وتلزم الرايحه والجاية
اسد ... حكيت خشمي بطرف اصبعي وگلتلهه لا والله مشهور على انو اركض ورة وحدة صارلي شهور وهي ماكو ولا تحس
رهف ... هم زين متحس جان تورطت وياك
اسد ... يي صح فاتت السكرتيرة مالتهه وبيدهه صينينة وبيهه گلاص مي وفنجان گهوة
رهف ... منو گلج اجيبين گهوة
رنا ... ست رهف استاذ اسد طلبهه قدمتهه اله وگلتله
اني اعتذر استاذ معرفتك بس بعدني جديدة هنا بالشركة
اسد ... لا ماكو مشكله باوعت على رهف وحجيت اكو الاقدم منج وميعرفني
.....
أنت تقرأ
ضجيج الروح
Romanceلقد تجرأت على الرحيل وذهبت وبقيت انا هنا اصارع ذكرياتك بمفردي ، ابسط ذكرى منك تعيدني الف عام في الحزن ، قد لا تعي حجم الفجوه التي تصيبني عندما تغيب ولكن ان كنت تقرأ فأنا اقول لك شكراً لك لقد وضعت فيني خيبه الف عام من الحزن لن يمحيها.. -
