..
.
.
.
رهف ... ضليت صافنه على الرساله احس گلبي گام يدگ سريع هذا هو يي اسلوبه حسيته قريب من عندي ضليت اتلفت واباوع منا ومنا بس ماكو احد اتمنيته موجود بلحضة نسيت كلشي وخذلتني دمعه ونزلت حسيت بحرارته رغم برودة الجو على وجهي مسحتهه بسرعه وطلعت برا ضليت امشي ماعرف وين اروح مخنوگه اكو حديقة قريبة من البيت بيهه اماكن مال گعده گدام البحر گعدت وضليت صافنه وين چنت ووين صرت رغم هذا احمد الله واشكرة صافنه على البحر واجا باذني صوت ضحكته وسوالفه گمت احك بايدي لاارادي لحد ماحس الدم طلع ماعرف شنو اسمي يمكن داعاقب نفسي لان كله من وراية هاي الحاله صارت بيه بالبداية هيج واهس احك بمعصم ايدي بعدين صارت لاارادي اعرف غلط وحرام ومستمرة وهذا الي رح يخبلني مچنت هيج
... اباوع على ايدي مشخطه ويطلع منها قطرات مال دم فجأه شفت ولد لزم ايدي وقدمهه باتجاهه ضل يحجي تركي ويتلمس الجرح عفته ومشيت سمعته حجه عراقي
... غبية شلون اتأذي نفسهه
... مهتميتله وكملت مشي شفت الساعه صارت بال12 خل ارجع لا سنار عبالهه مهزومه كل مره هيج اطلع واتأخر اكثر تحرگ التلفون عليه ومن ارحع عبالك امي واضل اترزل بية
وصلت للبيت شفت ظل باتجاه البيت بس بالجهة المقابيل ضليت مركزة علي بعدين شفته اتحرك واختفى نفضت الافكار من راسيي
... عاديي رهف كومه ناس عايشين بهاي المنطقة
... فتحت الباب ولگيت سنار دتجهز بجنطته تجيني كل شهرين بعدين ترجع علمود دوامهه
... رح اتروحين
سنار ... ضليت ارتب بملابسي وجاوبتهه ... ييي
رهف ... رحح اشتاقلج
سنار ... .....
رهف ... گعدت على الچرباية ... ادري ضوجتجج هوايي وغثيتج هوايي وفوگ كل هذا متحملتني وانتي مو مجبورة
سنار ... لااا مجبورةة مجبورةة تدرين ليش لان انتي مو صديقتي اختيي تفتهمين هذا الشيي لو لاا واني ما اقبلهه اشوف صديقة عمري دتتهدم گدامي طول عمريي اخذ قوتي من عندج طول عمريي اباوعلج بنظرة انو ماكو اقوى منج وانتي وحدة طموحة وقوية وميوگف بوجهج شي الي تريدي توصليله بسسس هسة هذاا كله مداشوفة بسس داشوف رهف بسس بدونن رهف الي اني اعرفهه والكل يعرفهه الي حياتهه منظمه على ميل الساعه
رهف ... كل انسان ويجي يوم تنتهي قوته وينتهي صبره وينتهي حلمه
سنار ... هذااا اليوم مچنت متخيلته يجي بحياتج لچ انتيي من تواجهين مادةة صعبه بدراستج تبجين كم دقيقة بعديت ترجعينن تكملين وتبدعينن بشغلجج شنوو الي الي اختلفف رهففف فهمينييي
رهف ... كلشيي اختلف كلشيي الي داواجهه هسةو مو مادة صعبه داواجه حياة كاملهه صعبه ماعرف شنو نهايتي بيهه
أنت تقرأ
ضجيج الروح
Romanceلقد تجرأت على الرحيل وذهبت وبقيت انا هنا اصارع ذكرياتك بمفردي ، ابسط ذكرى منك تعيدني الف عام في الحزن ، قد لا تعي حجم الفجوه التي تصيبني عندما تغيب ولكن ان كنت تقرأ فأنا اقول لك شكراً لك لقد وضعت فيني خيبه الف عام من الحزن لن يمحيها.. -
