______________
... گاعده بقاعة الاجتماع حاطه رجل على رجل ودارتب بالاوراق يمكن راجعتهن الف مرة من التوتر والخوف الي صار بية بعدين ضحكت على روحي هذا مو امتحان شبيج رهف اهدي اخذت نفس وصرت اعد من الـواحد للعشرة بالعكس علمود تركيزي يثبت هاي الطريقة استخدمهه من افكر باكثر من شغله واريد اثبت تركيزي على شغلة وحدة تفيدني هواي لو اثبت رجلي بقوة بالكاع علمود لا اتوتر اسد كاعد مقابيلي ضايج احس بس احجي كلمة ينفجر بوجهيي اني هم سكتت متصادمت ويا بالحجي ضلينه اثنيناتنه ساكتين ورة شوية وصل المستثمر الي شغلنه ويا شكد مستفز وكارهته بس الزبون دائماً على حق على گولت رنا من جنت اضوج من افكار وطلبات الناس للديكور بسبب ذوقهم ادگلياهه اگللهة احس ماكو ربط ذوقهم مخربط اضل مصرة همة على حق
زياد ... اني اسف قدمت اجتماعنه بس صادف اجتماع وية غير اشخاص
اسد ... اتوقعع عندك جدول وعندك سكرتيرة مال سالفة صادف هاي متمشي عندي وحته لو احنهه اخذنه الموعد الاول واجتماعنه المفروض يصير قبل كم شهر بس صار ظرف ومع ذلك اتفقنه على هذا الموعد
زياد ... استاذ اسد بس خل احجي
اسد ... اذا انت متلتزم بمواعيدك بعد لتنطي موعد وتكعد تخلي سكرتيرة عل فاضي وجدول وخبصة وانت تعرف ظروف الطيران بالعراق شلون اني مو يمك على بعد شارعين علمود ادگلي والله صار الخميس
رهف ... يمة حرام السان دلالة شسوة بي للرجال وهو ذاك محجه شي بس اسدد اكلة اكل وانوب كاعد على طرف الكرسي ويضرب عل ميز من يحجي گلت رح يگلب الاجتماع مصارعة
زياد ... اني اعتذر وانشاءلله متتكرر انتو تعرفون بشغلي شنو اشبه بالعقارات فلازم وين مال الگه فرصة بيع ومربحة اروح اشتري علمود هيج بس بنفس الوقت اكيد كلش مفضل انو اكون شريك بشغلكم وهم علمود نتفق على تصميم المبنى وماكدر اخسر الاثنين
رهف ... تمام مصار شي استاذ زياد نكدر نبدي نراجع اتفاقنه علمود اذا اكو شي ناسي انضيفة ونوقع ماكو داعي نضيع وقت احنه الاثنين بس اتمنى ميتكرر هذا الشي احنه هم عدنه شغل مو متفرغين دائماً على حظنه كملنه كلشي قبل يوم وصار مجال نجي
اسد ... نبرة صوتهه الهادئة والجدية خلتنه اثنينه نسكت وثقتهة بحجيهة مو كأنما اول مصار الحجي فاتحه بس عيونهه وتباوع ردت الزكهه بالميز تضوجني من تفتح عيونهه هيج هنه منا كبار ومسحوبات ويومية شكلل حرام اذا اعرف لونهن يوم رصاصي يوم اخضر يوم ازرك ونوبات اشوفهن صايرات طوخ نوبات فاتح حته عيونهه مو ثابتات نفس هرموناتهة تقدمت اخذت الاوراق وبدت تحجي البنود الي متفقين عليهه والسعر مال مواد الي ختاريناهن وهذا السطل ساكت شكد مضوجني وحارك دمي
... انشاءلله كل شي تمام لو هم رأيك مو ثابت
زياد ... لا كل شي تمام بقة بس التوقيع وكم شغلة ميحتاج تكمل من دونه يخلصوهه بالشركه
رهف ... تمام هاي الخريطة لاخر مرة شوفهه رجاءاً علمود لصير اشكالات بعدين حسب مطلبت عدد الغرف والارتفاع مال مبنى وعدد المداخل واتفقنه بكل طابق انسوي فسحه صغير علمود ساعة البريك والتاسيسات الكهربائية هم هذا الخط الاحمر حددت شلون رح يصير ترتيبهن وينربطن
أنت تقرأ
ضجيج الروح
Romansaلقد تجرأت على الرحيل وذهبت وبقيت انا هنا اصارع ذكرياتك بمفردي ، ابسط ذكرى منك تعيدني الف عام في الحزن ، قد لا تعي حجم الفجوه التي تصيبني عندما تغيب ولكن ان كنت تقرأ فأنا اقول لك شكراً لك لقد وضعت فيني خيبه الف عام من الحزن لن يمحيها.. -
