ضجيج الروح

بارت 10 و 11

.
.
.
.
  ...صعدت ورة مسلمت على البنية الي انتقلت جديد هنا بعدين انتبهت اني مسألت على اسمهه خربب بثولي شكد عجولة يلاا عود بعدين اسالهه بس هذا الي وياهه شايفته بس مدري وينن محبيت اسال خاف اشوفني فضولية لو شيي كعدت رتبت الشقة وصفيت المسواك الي جبتهه اليوم ليلى اول يوم الهه بالشغل كون تثبت ومتتعارك خلصت كلشي رحت كعدت وفتحت الابتوب اكمل شغلي انطي محاظرات للاشخاص العادين والطلاب محاظرات تعليم اللغة الانكليزية والفرنسية وهم اكو ناس يسون بحوثات او رسالة مال دراسات اساعدهم من ناحية اللغة احسن واريح الي اول مفكرت بالشغلة هواي ضحكو عليهه ومنو يحب يتعلم والمعاهد تارسة البلد بس مسمعت وبديت بصفحه على مواقع التواصل واتعجبت بالعدد الهائل من الاشخاص الي يحبون يتعلمون وخصوصاً البنات واكو امهات علمود جهالهم ديتعلمون واكو علمود دراستة ومرة جتني بنية دتتعلم بس علمود اشوف الافلام والمسلسلات بدون ترجمة لازم اسال اي شخص يحب يتعلم اللغة الانكليزية او الفرنسية شنو غايتهم منهه علمود اركز عل مفردات الاساسية المستمعلة ضمن الشي الي ديريدون يتعلمون علمودة خلصت خمس ساعات كدام الابتوب واني محاسة بالوقت صارت بل 3 وليلى بعدهه ماكو دكيت عليهه مردت يعني جاية كمت حميت الاكل وشغلت التلفزيون على مسلسل الي متابعينه صدك شوية وانفتحت الباب وفاتت ليلى
ليلى .... سوسوووووو
سما .... مديت راسي من المطبخ هاا لججج شلونج
ليلى .... سكتي اتكسرتت خرب بالفلوس الي تعب الواحد
سما ... مو جنهه جانت اذل الواحد
ليلى ... لا حبيبتي ليلى متنذل
سما .... دباع الثقة دباع الجمال هاي شطالعه روحي بدلي لان متت من الجوع
ليلى .... يي لججج اني همم كل شوية اريد اكل واذكر مسوية بريانيي وطيور بطني تهيج
سما .... اعرفج ديلاا روحي داحجيلج منو شفت اليوم
ليلى ... هسة ثوانيي طيارةة
سما .... ضحكت عليهه نوبات احس اني امهه مع انو اكبر منه بسنة وحدة بس رحت صبيت الاكل ورتبتة عل ميز
ليلى ... امم شهل ريحة اويليي همزين سويتي لبن ردت اخابرج بس منطوني مجال فحطوني
سما ... بس كون متعاركتي
ليلى ... لاا والله حاولت الزم اعصابي شكد ماكدر
سما ... اخذت ماعوني اصب بي  التمن والحشو مال برياني
... اليوم تدرين شفت ماما نور
ليلى .... اممم
سما ... سلمت عليج
ليلى ... بهدوء الله يسلمهه ليش ممخلية بتيتة هواي سمااا
سما ... عوفي البتيتة شبيج كلبتي وجهج
ليلى .... عفية خل اكل من جيبين اسم ذاك المكان المشؤوم حته روحي اكرهه
سما ... بس همه مو ذنبهم ليلى
ليلى ... ادري ذنب اهلي ال استغفرالله
سما ... صدكككك شفتي البنية الي انتقلت جديد هنا
ليلى ... لا وين شفتيهه
سما ... اليوم لججج عزا ليلى لو شوفيهه جنهه ذني الي بالكارتون الي نتعارك عليهن
ليلى ... شنو وحدهه منتقلة
سما ... عل اغلب ايي بس شفت ولد ويااهه استحيت اسال
ليلى ... امم جنج حبيتهه ست سما
سما ... البنية تنحب وكيوت وعزمته اول يوم تنتقل بي يمنه
ليلى ... خوش اسوين اذا انتقلت واني كاعده انساعدهه اني وياج 
سما ... يي اني هم كلت هيج العصر نطلع نسحب الفلوس مال دورات خوش مو تنسينن
ليلى ... ييي انشاءلله بس انام شوية وعاشتتت ايدجج الاكل يجننن
سما ... الف عافية تشربين جاي
ليلى ... طبعاً
سما ... لميت المواعين ورحت للمطبخ شفت تلفون ليلى ابوه ديتصل يربيي هسةة جتي فرحانه لتنغث ملحكت اسدة جتي للمطبخ
ليلى ... هاي منوو رحت شفتة ديتصل جاوبت برود
... الووو
زيد ... الو ليلو حبيبتي شلونج شلون صحتج
ليلى ... زينة
زيد ... البارحة اتصلت عليج وينج مرديتي
ليلى ... مشغولة خير رايد شي
زيد ... هذا اسلوب تحاجين بي ابوج
ليلى ... يي اني عاجبني هذا الاسلوب خير شعندك متصل
زيد ... امج رادت تحجي وياج بس ماطول هذا ردج ميحتاج تحجين وياهه وتغثيهه زيادة
ليلى ... يي صحح انتو ضلو واحد يدير بالة عل ثاني وانسو ليلى يلا باي
سما ... بداعتي لضوجينن ليلىى حبابة
ليلى ... لا على شنوو هههه يكلي ميحتاج اتغثين امجج واني اميي عادي غثتني 23سنه بس لا ليلى حيوانة تتحمل عادي
سما ... ادري رح يصير هيج كلما يتصلون اهلهه هيج يصير راحت لغرفتهه رح اضل بيهه لثاني يوم ابد متكمل فرحتنه بشيي ابدد وخصوصاً هيي
خلصت الي بايدي ورحت دكيت الباب عليهه
ليلى ... سما عوفيني تعبانه
سما ... فتحت الباب لكيتهه نايمة وتبجي رحت نمت بصفهه وحضنتهه
... يعني لا همه الي راضين يتنازلون ولا انتيي وشوفوي وضعج
ليلى ... ليشش انييي الي تركتهم اول مجيت للدنيا اني الي حطيتهم بميتم اني الي خليت الي يسوة والميسوة يضربهم ويرزلهمم هذا كلهه صار بيةة انيي انييي الي تاذيتت همه جانو عايشين بالنعيمم ويجونن ورةة مكلبي مات ونسيت شي اسمه اهل والله تعالي لحضنه احنه اهلج هاي يا قانون يا دين يقبلهه الله ليفوقهمم مثلل متاذيت من وراهم
سما ... اششش ميصير تدعينن حرامم ولجح ثلث الدعاء عل داعيي ميصيرر ليلى ولا مرة سمعتيهمم ولا عرفتي شنو عذرهم وكل مرة اتاذين روحج هيج
ليلى ... شنو العذر الي يخلي اهل يذبون بنتهم بالميتم وهمه يشتمون الهوى والله رازقهم هم لو فگر جان كلتت ايي والله مصاريف يلاا بسس ماكو حجه مقنعهه ماكوووو
سما ... ضلت تبجي بحضني مثل كل مرةة وكعدت اقرة على راسهه ايات تهديهه صدك شوية وثكل نفسهه ونامت عدلت راسهه وغطيتهه طلعت برااا واني افكر بوضعنهه وين رح نوصل من وراا
____________________________
خاتونة ... والله متطلعين صارلج شهررين لابسة اسودد كافي مو زين
رهف ... ادري والله بس ارجع عود ابدلة هسة مستعجلهه
خاتونة ... كلت متطلعينن هسة تبدلييي
رهف ... خاتونة حبابة لتلحينن بعدين مو اليوم
خاتونة ... لاا اليومم
رهف ... ماكدر والله
خاتونة ... زينن هسو صارلج شهرين لابستة رجعو الي ماتواا ها
رهف ... ماكدر والله نفسيتي متتقبل
خاتونة ... لا حول الله دشوف وين توصل وياج
رهف ... رحت بستهه احب خدودهه كلشش جنهه عجينن
خاتونة ... انتي جنج ذاك وكت مصلحتكم تبوسون وتحضنون
رهف ... ذاك منو
خاتونة ... سويَد اكو غيرة
رهف ... ملكيتي بس هذا اللقب
خاتونة ... هو هم يضوجج منهه بس الساني اتعلم علي
رهف ... يلاا لعدد اني رايحهه علمود الحك ارتب الغراض
خاتونة ... دخل اجي وياج اساعدجج شلون
رهف ... لا ابدد انتي حضري غراضجج علمود اسد يمر عليج يرجعجج للبيت
خاتونة. ... لا لا اليوم اجي ابات يمج خاف يصير شي وهم اشوف وينن عايشة
رهف ... اكملل كلشيي وتعالي دفري الباب وفوتي
خاتونة ... بعد روحيي روحي الله يسهلج انشاءلله
رهف. ... حلوة هاي على نفس الوزن
بوستهه مرة ثانيةة وطلعت وصلت للشقة صدكك لكيت الغراض واصلات والحارس مخليهن بالمخزنن حمدالله طلبت منه يصعدهن هو وابنه فوكك صعدت قبلهم فتحت الباب ونزلت اساعدهم  جنت واكفه يم باب العمارة طلعو مرة ورجال كبار بالعمرر بس شكد حلوينن هو ساندهه وهي تمشي بهدوء
ابو علي و ام علي ... صباح الخير بنيتي
رهف ... ابتسمتلهم صباح النور
ام علي ... يمهه انتي جديدة هنا
رهف ... يي خالة اليوم انتقلت
ابو علي ... الله يسهلج بنيتي اني ابو علي وهاي ام علي احنه بالطابق الرابع نعتبر جيرانج
رهف ... اشرفتت بيكم شلون جيران حلوين
ام علي ... لتباوع هيج قصدهه علي بس اني الحلوة مو يمه صح
رهف ... هههههه يي صح
ابو علي ... واني شكلت اكلتيني بكشوري دمشي دمشيج شوية اتفك مفاصلج
ام علي ... مابية شي اني بعدني بشبابي عيني
ابو علي ... ادريي بعدج اتخبلين بس اني صرت شايب
رهف ... الله يحفظكم لبعض انشاءلله لزمت المرية ايدي قوية وجرتني عليهه شاورتني
ام علي ... تعالي يمه اذا حتاجيتي تتعلمين طبخات شيي جعتي حته لو بنص الليل دكي الباب عليه خوش
رهف ... تسلمينن خالة الله ينطيج العافية والصحه
ابو علي ... يلا بوية احنه نترخص نروح نتمشى شوية ونرجع
رهف ... الله وياكم راحوو واشوفهم شوية يتناكرون وشوية يضحكون شلت باقي الغراض مال نواعم وتحفيات وصعدتهن خلصن كل الغراض شوية وحسيت بنية فوك راسي لا ارادي عيطت خفت .
سما ... اسم الله اسم الله اني سما شبيج
رهف ... عزاا خفتت شلون فتي منتبهت عليج
سما ... اسفةة بس نزلت وكلي الحارس البنية انتقلت هسة وصعدت داساعدج
رهف ... اعتذر مادري بس خفت مو قصدي ارزلج
سما ... لا عادي يمعودة لو بدالج اضربج بالي بايدي
رهف .... ههههه لا مو لهل درجة
سما ... اني خوافة اكثر منج كلشي يطلع من عندي
المهم هسةة جاية اساعدج شنو اسوي
رهف ... خاف اعطلج
سما ... لا عادي يلااا ترة هذا كلة من وقتج
رهف ... خوش لعد خل نرتب الاثاث اول شي بعدين الباقيات
سما ... بس اكول شغلة ضلت بنفسي الالوان جننننننن المختارتهه مريحة للعين كلش
رهف ... صدك فرحتيني والله
سما ... كعدنه انرتب اني وياهه وهي ماشاءلله سريعة ومتحجي اذا ما اسالهه شفت ليلى دتتصل
ليلى ... سما لتسوين غدة رح اجيب ويااية
سما ... خوش جيبي زيادة وتعالي بالشقة المقابيلنة
ليلى ... علمود البنية الجديدة زين خل تجي هي يمنه مو اريح خاف هوسة يمكم
سما ... لا يا هوسة خلصنه كلشي
ليلى ... ماشي لعدد ربع ساعه واني يمكم
سما ... ماشي كليبي
رهف ... هاي صديقتج
سما ... يي اسمهه ليلى بعدين اذكرت ضربت راسي
... شكد غبية
رهف ... يا هاي شكو
سما ... لجج من الصبح انرتب وركع سوالف ونسيت اسالج اسمج شنو وانتي ماشاءلله على كد الجواب  وتسكتين
رهف ... هنا نتشارك بالغباء لتلومين بس روحج مديتلهه ايدي انيي رهف
سما ... ضحكت واني هم مديتلهه ايديي اني سماا
رهف ... اممم تشرفنه
سما ... شتشتغلين ست رهف
رهف ... مهندسة 
سما ... يا قسم هندسة
رهف ... معمارية
سما ... اممم حلوو كلش تعجبني الهندسة اشوف ذوقج بالترتيب مال بيت دقيق شعجب ضليتي بالعراق
رهف ... شلون يعني
سما ... يعني حالياً اكثر المهندسين يدرسون بالعراق ويطلعون للخارج عدهم مستقبل
رهف ... اني بالعكس سويت درست بالخارج ورجعت للعراق
سما. .... عزا تحجين صدكك وين درستيي احجيلي
رهف ... ههه شبيج متحمسة هيج
سما ... عفية اتعلمي هذا الطبع بية اني شوية اتحمس زايد واجفص
رهف ... لا عادي يمعودة احنه اصلاً جنه عايشين اني واهلي بلندن لفترة ودرست هناك
سما ... وليش مضليتو شعجب
رهف ... داحجيلهه واندكك الباب كمت دافتحه
طلعت بنية ناعمه حلوة عيونه سود كبار وهي بيضة مو محجبه شعرهه بنفس لون عيونهه
ليلى ... هلاو
رهف ... هلاو انتي ليلى
ليلى ... يي سما هنا خاف مموجودة اروح
رهف ... لا لا هياته سماا تفضلي فوتي
سما ... وينج ام الربع ساعه
ليلى ... سكتي الشوارع فد نوب اليوم
سما ... تعالي داعرفج هاي رهف رهف هاي ليلى صديقة طفولتيي واختيي
رهف ... اهلاً وسهلاً حبيبتي
ليلى ... سما كالتلي تشبهين الكارتون بس مصدكتهه بس هسة لا ماشاءلله تخبلين
رهف ... هههه وعاد يا شخصية سما انطيتيني
سما ... مادري يا اختي جبتهه يمين يسار لامه من كل وحده شغلة المهم خل ناكل جعتت تراا اني
رهف ... ييي يلا اخذت العلاليك من ايد ليلى وكعدنه اني وسما انرتبهه كعدنه بالكاع ناكل محد حجه بس يباوعلي ويبتسمن داكل وصلتني رسالة من اسد
...الف شعور الك بقلبي واولها اشتاگيتلگ..
انصدمت غصيت بالگمة فد نوب
ليلى ... عزاا رهف شبيجج اسمم ادك على ظهرهه وسما راحت جابتلهه مي شربت شوية ارتاحت
سما ... شبيج يمه صرتي حمرة
رهف ... مابية بس غصيت يمكن لان داكل سريع
ليلى ... هو غير رح نخلص وانتي بعدج بلكمة وحدة
رهف ... صدك ممنتبهه على روحي رجعت اباوع عل رسالة كل شوية ارجع اقراهه لحد مفززني اتصال منه ضليت متوترة ارد لو لا بعدين كمت استاذنت من البنات فتت لمطبخ وجاوبت علي
رهف ... الو
اسد ... ‏هَلا يالتارس عَيوني بَـ حَنانه,
وهلا يـ المَحد يَصير بمكانه ،
وينج بعد روحي
رهف ... انت تريد تجلطني لو تموتني شهل كلام
اسد ... شسوي شو اليوم مشتاقلج مدري شبية
ومحد هددني يسحلني
رهف ... هو عجبك تنسحل
اسد ... شحلات السحلة من جوة ايدج
رهف ... ياا هاي شبيك كافي
اسد ... وين انتي هسة بعدج بالشقة
رهف ... يي
اسد ... ترة اخذت خاتونة لبيتنه وقفلت البيت المفاتيح يمي فد شوية اجي انطيجياهن
رهف ... لا شعندك جاي باجر الصبح بالشركة عود انطينياهن
اسد ... هلووو ويخلص اليوم كلة ما شوفج چچء ميصرفلي جايج المغرب اني
رهف ... اسد لتخليني اعيطط شعندكك جايي لتسويلي مشاكل ميكولون شعندة فايت يمهه
اسد ... وانتي شكو جاي اشوف صديقي
رهف ... لتجي باجر اجي اخذهن اني
اسد ... بابا لتعاندين شلون رح اكسر راسهه بنيتي اجي واشوفين شقصد
رهف ... استغفرلله ربي انت منين طلعتلي
اسد ... بشرفجج مرف كلبج شوية
رهف ... لا والله مشغول هل الايام ماعنده وقت يرف للرايح والجاي
اسد ... خوش من يصير عنده مجال دلي علية لا يروح منا ولا منا ترة انعل والديي
رهف ... رحم الله والديك
اسد ... ووالديج اكلتي شربتيي
رهف ... يي اكو بنات تعرفت عليهن هنا ساعدوني بالغراض واكلنه سوة
اسد ... منو هذني تعرفيهن لا زينات لا
رهف ... شبيك متعرف تاخذ بريك انت مبينات حبابات مابيهن شي
اسد ... هااا انشوف عود الحبابات يلا كليبي اني رايح
رهف ... متروح احد لازمك
اسد ... لو يمي الزك راسج بالحايط الي بصفج
رهف ... جربب وشوف شسوي
اسد ... ادللي عود اجرب يلا مع السلامة
رهف ... سديته واني اضحك على سوالفة احب اداهرة بس صدك مداحس احبة يعني ماكو احساس كره او حب بداخلي اله رجعت للبنات شفتهن كاعدات ديضحكن
رهف ... خيرررر ضحكوني وياكم
ليلى ... اذكرنه رجال ومرتة كعدو قبلج بهاي الشقة شسووت بينهه مرتةةة يبوو تغار علي من الهوى حرفياً خوب اذا طلعنه كدامة ماكلج شلون تطلع شادة الشال فوك راسهه وتنطينه هاي النظرة بت امج وابوج اذا تباوعيلة
رهف ... ههههه عاد رجلهه يستاهل
سما ... حبيبتي طبعاً يستاهل جمال وفلوس وهيي تحسيهه اخطبوط ومجلبة بي بالاثمانية بحيث كمت اخاف اطلع اذا همه موجودين خاف نتلاگة سوية
ليلى ... جانت مسويتلهه عقدة لسماا
كظيناهه سوالف وية رهف كلش حبيتهه واريحية مو مغرورة بس هادئة وعيونهه بيهن حزن مسالناهه منين جايو او شعندج وحدج الايام هي تبين المهم تونسنه وضحكنه واكلنه صارر العصر
سما ... اني بعد ماكدر نعست اروح انام من الصبح على كعده وحدة
ليلى ... يي والله اني هم
رهف ... ضلو باتو يمي اذا تحبون
سما ... لا گلبي اخذي راحتج بس اول يوم رح ننطيج حرية شخصية صبري كم يوم ونخيم عندج
رهف ... هلا بيكم طلعو البنات واني رتبت المطبخ وطلعت كملنه بسرعه كل غراض حته الملابس خطية سما رتبته وياية افتر بالشقة كلش حبيتهه ومريحه والبنات ريحو نفسيتي اكثر من تعرفت عليهم ورةشوية اندكت الباب استغربت منو يجيني فتحت الباب شفت اسد واكف ومدنك راسة يلعب بالمفاتيح اول مفتحت الباب رفع راسة وابتسم
اسد ... شلونج
رهف ... تمام انت شلونك
اسد ... هسة صرت زين ماكو تفضل
رهف ... والله كلت رح تدفر الباب وتفوت
اسد ... لا عيب شنو هاي
رهف ... اتفضل فوت
اسد ... فتت اشوف الترتيب والاثاث يجنن انصدمت خلصت كلشي بيوم المكان الي هي بي مادري ليش يصير مريح بس اريد ابقى بي
رهف ... وين المفاتيح
اسد ... ها يي هياتهن
رهف ... اخذتهن منه وضلينه واحد واكف كدام الثاني هو يباوع علية واني ماعرف شحجي بس توترت من نظراته
... احمم تكدر تطلع لان ماكد اكلك اتفضل اكثر من هيج
اسد ... يي اصلاً مستعجل بس ردت اشوفج
رهف ... ييي
اسد ... ضليت اباوع عليهه اول مرة اشوفهه مرتبكه هيج ومتوترة شوية وتبجي ابتسمت على شكلهه مشيت داطلع متحملت رجعت عليهه بخطوات سريعه وحضنتهه بكل قوتيي ....