.
.
.
.
.
سيف ... نجوم السما اقربلج من زواجي اني وياج
ليلى ... ليش هيج واثق بروحك معقولة مستعد اتضحي بحياة اخوك على حساب راحتك
سيف ... زين تمام ازوجنه شنو رح تستفادين هيج ماعندج كرامه وتعيشين ويا واحد ميحبج وفارضة نفسج عليج
ليلى ... اكو غاية براسي واريد اوصلله ميهمني اذا حبيتني او لا
سيف ... حرت شنو احجي وياهه مخليت غلطة مغلطتهه على اسد والمصيبه الوگعني بيهه
... افكر واگلبهه براسي اشوف شستفاد منج شيطلع وباوعتلهه من فوگ ليجوا
ليلى ... استفزتني نضراته بس حاولت اضل هادئه ... ابتسمتله بخبث وطلعت رحتت للمكتب فتحت الملف شفتهن گدامي صكوك مزورة واوراق بيوت واراضي نفس الحاله وهاي غير التزوير مال رشاوي وغسيل اموال الي على اساس ابو سيف و رهف مسوينه سوية كل هذني يودوهه بداهيةة هي وياا سديت الملف وضميته بجنطتي واني كل هذا سويته وسما متعرف بشيي منه ابدد ماريد تكرهني ماعندي بهاي الدنيا بس هي بس فرصة وجتي لحد عندي بنية مشافت الراحه بحياتهه ابد اهلهه شمروهه بالميتم لان ميتحملون عيشتهه وحته ورا مصارو مرجعو ياخذوهه واني حقدي وكرهي الهم يكبر وياية صرت اكره العالم اكره من اشوفهم مرتاحين ويضحكون وبناتهم حواليهم لو ام وبنتهه نوبات اصادفهم بالسوگ واتخيل نفسي وياية امي ونطلع سوية ونضحك بس الحقيقة اني وحدي ودائماً ورح اضل وحدي اشتغلت هواي وبكل فرصة تصيرلي اتحايل على الي يشتغلون وياية واسحب مبلغ منهم اذا جان بعلمهم او لا ورة فترة اترك الشغل وهيج مستمرة وبكل مرة اگللهم شهادتي شكل بس هنا مگدرت اجذب لان يريدون الشهادة واثبات فمشيتهه وگلت الصدك
________________________
رهف ... مر اليوم واسد اني ويا معارك بالخزرات لان ميگدر يعصب وفوگاهه طلع اكو كم غلط بالشغل حسيت جنيت على روحي واگفه يمه وهو ديگلب بالاوراق والموظف بالگوة ساند روحه علمود ميوگع من شكل اسد قرب راسة من يم اذني وحجه بصوت ناصي
اسد ... سهلة ست رهف اردلجياهه وحدة وحدة
رهف ... ضليت ماعرف شنو اگول بس ردت اضحك ولزمت روحي لان يمكن يموتني بمكاني قدم الارواق للموظف وابتسم بوجه وگال اله يروح يعدل الشغل ويكمل النقوصات بحيث من طلع متحملت طگيتهه بضحكة لان ابد ممتعودة على هذا اسلوبة
اسد ... سحبتهه من ايدهة عليه وصارت بحضني بسرعه تحول وجهه وتوترت حاولت تبعدني مگدرت
... تضحكين موو
رهف ... اسد وخر شوية حباب
اسد ... لا الا ادگليلي على شنو چنتي تضحكين
رهف ... ملامح وجهه العصبية وانفاسة تضرب بوجهي ماعرف شنو اسوي شوية وردت ابجي ... ماكو شي اسلوبك ضحكني ممتعوده علي
اسد ... مسحت على خدودهه باطراف اصابعي وعيونهه تتبع حركتي شنو داسوي ابتعدت عنهه ماريد اجفصهه وياهه ادري بروحي
رهف ... من ابتعد عبالك طير وحررو من القفص مصدگت بسرعه طلعت من المكتب وبعد مشفته لنهاية الدوام من دنطلع شافني ابتسملي وتقدم باتجاهي ضليت واگفه رديتله الابتسامه حسيت روحنه مخابيل الصبح واحد ينهزم من الثاني وهسة ولا كأنو صاير شي
أنت تقرأ
ضجيج الروح
Storie d'amoreلقد تجرأت على الرحيل وذهبت وبقيت انا هنا اصارع ذكرياتك بمفردي ، ابسط ذكرى منك تعيدني الف عام في الحزن ، قد لا تعي حجم الفجوه التي تصيبني عندما تغيب ولكن ان كنت تقرأ فأنا اقول لك شكراً لك لقد وضعت فيني خيبه الف عام من الحزن لن يمحيها.. -
