.
.
.
.
.
رهف ... كاعدة يم قبر امي وابوية واخوية واباوع عليهم بصدمة مداستوعب شلونن راحووو اذا احجيهه لمخبل ميصدكني اباوع عل مقبرة اكو ناس جاية هي وعوائلهه علمو واحد يواسي الثاني واني ماكو احد يمي محد الي كلهم راحو احس كلبي مات ودموعي نشفن بس اباوع بجمود وبدون مشاعر گمت وكفت وامشي بدون روح وتراب گبرهم مالي هدومي السود صعدت بسيارتي لگيتة واگف بعيد يباوع علية وعيونة كلهن حزن ضحكت على حظي محد يحس بوجع گلبي هسةة محد وصلت للبيت اباوع علي هادء فارغ من كلشي من حس امي وهي ترزل بهيثم وصوت القران وريحة بخور ابوية ودعائهم الي قبل ماطلع مر اسبوع على وفاتهم ويومية مشهد موتهم يتكرر بدماغي الجوارين يفوتون للبيت يعزون ويطلعون كل واحد حاير بهمة مسويت فاتحة مالي خلگ اسمع بجي وعياط واشوف نسوان يضحكن ويسولفن بفاتحتهم اعيش حزني وحدي احسن الي فتت للحمام نزعت الملابس العلية واحس قطرات المي حته لو خفيفة تاذي جسمي ضليت بالنص ساعة طلعت بدلت وعفت شعري مبلل نزلت للهول فتحت التلفزيون عل قران وفتحتت البردات وضليت كاعده انتضر الوقت يمر هذا روتيني من يومي توفو اروح الصبح للمقبرة وارجع للبيت ورة شوية اندكت الباب شفتهه مرة بعمر جبيرة يعني مو كلشي وياهه هذا الاسمة اسد متركني طول هاي الايام اشوفة يوكف بعيد عني وحته بالمستشفى شوكت مادير راسي الكا يمي رحت فتحت الباب سلمت عليه وهو شافني بالدشداشة وشعري المبلل دار راسة رأساً
خاتون ... شلونج حبيبة البقية بحياتج والله انمرد گلبي من اسد گلي
رهف ... حياتج الباقية تسلمين اتفضلي جوة
خاتون ... والله دادة اني جاية وجايبة هل مگرود وياية گال استحي اروح اعزيهه خاف الناس تحجي
رهف ... باوعت علي لگيتة خازرهه حجيت اتفضلو جوة اتفضلو
خاتون ... يلا يمة اسد فوت چا على شنو جايبني وياك
رهف ... فاتو ثنيناتهم للصالة مال ضيوف كعدت رحت فتحت الثلاجه وطلعت منه مي وخليته بصينية ورحت ضيفتهم
خاتون ... ليش كلفتي نفسج جان گلتيلي واني كمت جبت
رهف ... اتفضلي خالة شربي وعذريني من التقصير
اسد. ... شلونج رهف البقية بحياتج
رهف ... عايشة مثل مدشوف ونزلت راسي
اسد ... احمم سمعت انو محد الج ماعندج عم خال تروحين يمه ميصير تضلين وحدج
رهف ... امي وابوية الوحيدين الاهلهم وكلهم ماتو فما الي احد واهلهم البعيدين ماعرفهم
اسد ... زين اني بين مااوصل لاهلج جبتلج خاتون اضل وياجج هنا بالبيت كلشي يصير وهم اكدر امر عليكم
رهف ... باوعت عليهه مرة وجهه بشوش وابيض نور الله بي وتضحك لابسة فستان اسود وفوگا عباية مال راس او مفاتت نزلت العباية من راسهه گاصة شعرهه قصير كلش واحمر
لا ميحتاجج ميصير شي مو اول يوم ابقة وحدي ولدور على احد ماريد اعرف احد وبعدين هم يروح
اسد. ... اني عفتج ذيج الفترة ترتاحين مردت اضغط عليج بس لازم اتضل يمج علمود يرتاح گلبي وهي اصلاً ماعدهه شي مو خاتون
خاتون ... يااا قابل شعندي شو انتو وكبرتو وهسة جا دور هل حلوة ادير بالي عليهه يمه متحسين بية جني نسمة اني وداعتج
رهف ... ابتسمتلهه انتو ممجبورين بية ورحم الله والديكم بس صدكوني ميحتاج ميحتاج
خاتون ... هذا مو حجيي انتي بنية واني لو عندي بنات هيج مابقيهن وحدهن حته لو اسد قبل اني ماعوفج دخلتي لگلبي
اسد ... قبلي فدوة ترة گلبي نار واني ماگدر اعوف شغلي واگابل بيتج
رهف ... باوعت علي رجعت باوعت على خاتون بكيفج خاتون تريدين ضلين ضلي
خاتون ... كمت بوستهه من خدودهه يمه سميني بعد خاتونة فدوة لهل خدود حقة سويد
اسد ... خزرتهه خاتونة مو وقتجج
خاتون ... دكوم دكوم جيب غراضي يلاا لضل تخوزر
رهف ... طلع ديجيب الغراض وهي نزعت عباتهه تگطر نظافة
خاتونة ... عذرينة يمة ماعرف اكعد والبيت هيج رح افتح البردات وانضف البيت واسويلنة لگمة شوية تتغير نفسيتج
رهف ... حجيت لا ماكو داعي اني فد شوية اكوم انضف انتي كعدي
خاتونة ... ابددد والله على شنو جاية لعد اني وشو وين مخلي الفرش مال شعر مالتج
رهف ... ليش
خاتونة ... شني شعرج هيج تمشين هسة تتمرضين
رهف ... تلكيهن بالمطبخ محطوطات عل ميز مشط
خاتونة ... خوش
رهف. ... راحت واسد فات
اسد ... خاتونة وينجج هاي غراضج ادري ملابس لو طابوك باوعت عليهه على نفس كعدتهه وتباوع عليه واني بودي اكوم واضمهه بكلبي جتي خاتونة ضربتني بجتفي حجت بصوت ناصي
خاتونة ... ولكك عيونك سرسريي مو طيحة حظهه
اسدد ... بعد الشفته اثبتت اني فگر وبجدارة اني رايح والعصر راجلعكم ديربالج عليهه
خاتونة ... دروحح يلا
اسد ... ادعيلنة انتي وهاي هية
.خاتونة ... ادعي على طياح حظكم دفعتة برة وطلع رحت عليه كعدت ولميت شعرهه بيدي
رهف ... كامت تمشط وتمشي المشط بهدوءبفروة راسي بحيث احس بهدوء
... خاتونة شصيرين منة امة ؟؟
خاتونة ... لا مو امة بس اني الربيتة هو وسيف وطه بحسبة ولدي ذولة التلاثة لو عندي ولد ماعزهم بكدهم
رهف ... يعني شنو جنتي تشتغلين عدهم لو مرت ابوهم
خاتونة ... اوف يا امييي اوفف انضف البيت ورة الغدة احجيلج
رهف ... سكتت وهي مشطت شعري وظفرتة محسيت على شي بعد نمت بنفس مكاني عل قنفة
__________________
أنت تقرأ
ضجيج الروح
Romanceلقد تجرأت على الرحيل وذهبت وبقيت انا هنا اصارع ذكرياتك بمفردي ، ابسط ذكرى منك تعيدني الف عام في الحزن ، قد لا تعي حجم الفجوه التي تصيبني عندما تغيب ولكن ان كنت تقرأ فأنا اقول لك شكراً لك لقد وضعت فيني خيبه الف عام من الحزن لن يمحيها.. -
