ضجيج الروح

بارت 14

.
.
.
.
رهف ... خفت من ردت فعل خاتونة على سؤالي عبالي حجيت شي غلط بس شفت ليلى هم نفس صدمتي وراهه اخذت نفس وحست على روحهه وبدت تحجي وهي مبتسمه من ذكرتهه

خاتونة ... يي صحيح ريم اسمهه ماتت وهي عمرهه 9 سنوات
رهف ... خطية الله يرحمهه
ليلى ... زين شلون ماتت جانت مريضة
خاتونة ... بنات تعبت وجعت وانتو ماشاءلله تحبون تسألون
سما ... بسس عشررر دقايق وتخلص الدولمة
خاتونة ... وجج فصخنيي شوكت تخلصين
سما. ... لا هسة خلصت ييي رهف صح شوكت رح اسافرين عكب باجر يعني ثبتي
رهف ... يي انشاءلله بس ادعو ميصير شي
ليلى ... انشاءلله زين شكد طولون
رهف ... الاعرفة اسبوع واذا طلع شغل زايد انضل لحد ميكمل
سما ... هاااي شنو بعدني مشبعت منج
رهف ... يمعودة اهلي اصلاً جانو ميشوفوني
ليلى ... يربيي ضلت ادك بكلبي اسألهة على اهله بس كلت من انصير وحدنه احسن
... بس زين يخلوج تسافرين وحدج
رهف ... ييي عادي لان اكثر شغلي بلندن واعرفهه زين واذا غير بلد يضلون كل شوية متصلين وينج اكلتي شربتي
سما. ... وهاييي خلص الاكل
خاتونة ... محد يكلب الدولمة غيري
ليلى ... صبرووووو خل اجيب التلفون اصور انزلهه سناب
سما ... انجبيي لجج جعت يلا ولي
رهف ... خطية خليهه اصور عل سريع
سما ... يمعودة لازم تطلع الصورة هيج مضبوطة بالملي واذا لا انضل ننتضرهه
ليلى ... شكد حقيرة خربتي واهسي ماريد يلا خلي ناكل
رهف ... وصدك رتبنة الاكل وخاتونة گلبت الدولمة يوم ابد ما انسى بي ضحكتهم وسوالفهم عبالك انخلقت الي عائلة من جديد خلصنه اكل ورحنه اني وخاتونة والبنات للشقة مالتي علمود ارتب غراضي راحت خاتونة للغرفة الثانية نامت بيهه لان تعبت واني فتت لغرفتي دارتب جنطتي والبنات كاعدات عل چرباية
ليلى ... اگول رهف اسفة والله خاف سؤالي يضوجج
رهف ... جاوبتهه واني ارتب بالقميص
.. لا سألي
ليلى ... اهلج وين يعني ليش عايفتهم وعايشة وحدج مشفتج اجيبين سيرتهم
رهف ... احمم توفو رح يصيرلهم تلث اشهر
سما ... يا عيني الله يرحمهم زين ماعندج احد
رهف ... دارد عليهه وشفت اسد اتصل
... بس اسفة ارد على اسد وارجلعكم حسيت اتصالة جا الي انقاذ
سما ... اخذي راحتج گلبي
رهف ... ها اسد
اسد ... رهف ترة باجر بل 4 احنه لازم بالمطار
رهف ... شلون مو على اساس عكب باجر
اسد ... احنه لازم الخميس بلندن ضبط علمودهم
رهف ... والحجز شلون
اسد ... لتخافين رتبت كلشي
رهف ... تمام لعد تعال اخذ خاتونة عود
اسد ... اجي اخذهه المغرب وابات يم طه علمود نطلع سوية
رهف ... براحتك
اسد ... شبيج صاير شي
رهف ... لا ماكو شي يلا محتاج شي بعد
اسد ... احمم لا ماكو شيي يلا اني اروح بيباي
رهف ... سديته وحسيت صوته يختلف مو مثل كل مرة واثق من كل حرف يگولة حسيت اكو شي
رحت خلصت الغراض وخلص الوقت وية ليلى وسما سوالف وضحك ونوبات اشوفهن صافنات عليه وبعيونهن نضرة حزن ماعرف شنو احجي وشنو اگول بس ردت هاي الساعات تخلص علمود انام احس هو ملجأي الوحيد من هاي الهوسة الي بحياتي طلعن البنات شفت الساعه بل 5:30 رحت انام شوية علمود اضل كاعدة بليل
_____________________
اسد ... ردت اروح اخذ خاتونة واشوفهه بس لكيتهه سابقتني وماخذتهه وكضيت اليوم كله اتعارك وية شكو واحد يطلع كدامي دتسوي اي شي علمود مشوفني ليش هيج دتسوي مادري شكد ماتقرب هي تبعد كاعد بالمكتب وفاتو علي طه وسيف
طه ... شلونك ضلعي
اسد ... هلا اشو اليوم منورنة
سيف ... عوفة فدوة عاگد النونة اليوم هسة يخبزك
طه ... ليش شكو يا ستار مو حلوين وهلا هلا
اسد ... مادري مادريي دايخ ماعرف شسوي تعبت
سيف ... والله رهيفة طلعت مو هينة
طه ... زين هسة سفرتكم شصار عليهه
اسد ... عگب باجر نوليي واشوف شيصير
طه ... اسددد وحق ربكك اذا تعرضتله لو جيت يمهه العب بيك طوبة
سيف ... واهمشي الاوراق الي رح توقعهه عليهه متاذيهه بالمستقبل
اسد ... صاير كلبك حنين استاذ سيف
سيف ... الي ردنا ربك اخذة بنته ما الهة ذنب
اسد ... بس بنت منووو
طه ... اسد لتخبط رهف شي وكمال شي ثاني بعدين ابوك مو هم عايش حياته المفروص اكثر واحد يتأذة
اسد ... هذا الـ ك****** هم جاي دورة بس خلي هسة عايش بتأنيب الضميررر اريدة يتخبل
دگ تلفوني شفتهه السكرتيرة نور الي تشتغل بفرع شركتنه بلندن
نور ... الو استاذ اسد
اسد ... نعم نور اكو شي
نور ... بس موعدكم انت وست رهف صار الخميس يعني اليوم لازم اتسافرون
اسد ... شلون احنه متفقينن الجمعه لو السبت
نور ... جدولهم يصير بي تضارب عدهم شغل
اسد ... هذاا مو شغلي اني انطوني كلمهه الجمعه لو السبتت
نور ... عدهم اجتماع وية شركة ثانية فموعدكم لازم يتاجل شهر اذا مقبلنه
اسد ... اخذت نفس ماشي بس اذا مطيحت حظهم بس اشوفهم
نور ... تمام يعني اردلهم موافقة
اسد ... ييي سديته من عدهه واني افور دايخ بذيج والشغل مديمشي مثل ماريد
طه ... هاي شكو شبيهم
اسد ... حجيت بهدوء رحلتنه لازم اصير باجر لان الخميس الاجتماع
سيف ... يلا اصير اصير بس انت خفف عصبية مو حته دمراتك بينت
اسد ... الله كريم سيف رهم سفرتنه باجر
سيف ... ادلل هسة اضبطلكياهه
طه ... يلا اني اروح اكمل شغلي وانت لكك اهدأ
اسد ... اني اعرف شوكت اهدأ
سيف ... يييي يييي يعرف من يشوف الحبيبة
اسد ... امشي اطلع لكك
سيف ... لتحسبون حسابي عل غدة اني رايح للبيت ترة
اسد ... امم لبيت ابوك لو لبيتك
سيف ... لا لبيتي اريد هدوء وانام
طه ... هاي من شوكت سويف يدور هدوء
سيف ... اكو شغلة براسي دافكر بيهه ويرادلهه هدوء
اسد ... هاي شنوووو صاير تفكر بغير النسوان
طه ... ييي لك ديصدمني
سيف ... هو مو صوجكم اني طالع
اسد ... طلعو سيف وطه خلصت شغلي مال اسبوع ليكدام وطلعت خابرني سيف بلغني بموعد الرحلة ضليت افتر بالسيارة ماعرف وين اروح شفتهه صارت بالـ4 خابرت رهف بلغتهه وحسيت من صوتهه بيهه شي سالتهه مجاوبت رحت للبيت حضرت جنطتي والاوراق والجواز خاف انساهم ارتاحيت شوية فتحت التلفون لگيت اتصال من ابوية ضليت صافن شوية ماعرف ارد لا ماريد اغث روحي بالزايدد بالاخير رديت
ضي ... الو اسد
اسد ... خير
ضي ... خاتونة وين وين اخذتههه
اسد ... صارت عزيزة هسة ابو اسد العلم
ضي ... لتحجي زايد كالتلي طالعه واتاخرت
اسد ... كلتلهه ميفيدج اطلكج منه واسفرج شعندج عايشة ويا واحد ابو نسوان يبيع جهالة علمودهن
ضي ... اسد مرح تنسة
اسد ... لا وعفية بعد لتتصل لووو تعرف روحك يمي لتتصل بية صوتك يضوجني لا شلون يكولوهه ربعك ينرفزنييي استاذ ضي واذا على خاتونة يمي بالبيت جبتهه قفلت التلفون وطلعت گبل لرهف دگيت الباب طلعتلي خاتونة
خاتونة ... ها اسد يمه
اسد ... ها خاتونة يلا امشي ارجعج ترة باجر انسافر احنه
خاتونة ... تعال تعال فوت شنو باجر وعليش مرجعني خليني هنا
اسد ... فتت جوة ادور عليهه ماكو
... يي صارت سالفة وصارت باجر وميحتاج تبقين هنا ليش متعبة روحج
خاتونة ... خوش يمة ابدل واجيك
اسد ... شفتهه فاتت للغرفة كمت افتر بالشقة ماكو وينهه فتحت الغرفة الثانية شفتهه نايمه ضليت اباوع عليهه من بعيد اذكرت من حضنتهه شكد ارتاحيت وهسة شكد محتاجهه
خاتونة ... اسد شسوي هنا
اسد ... خاتونة لتصيرين انتي وياهه عليه عوفيني شوية
خاتونة ... ولك امشي البنية نايمة
اسد ... زين كعديهه عود دتسلمين عليهه
خاتونة ... خطية تعبانه دخليهه نايمه
اسد ... دكعديهه عل اقل اشوف عيونهه يصير شي زين بيومي اني رح انتضركم بالصالة
خاتونة ... يبوو شعليك سوالف صدك رحتت كعدته شوية وصحصحت ضلت كاعده بنفس مكانهه
رهف ... هاا خاتونة بيج شي
خاتونة ... لا يمة مابية شي بس ردت اكلج اني رايحه كومي وياية
رهف ... يي هسة رحت طلعت وياهه لكيت اسد كاعد ويهز برجلة سريع بس شافني كام عل سريع
اسد ... هاا عيني صباح الخير
رهف ... وياية
اسد ... اكو غيرج عيونة منفوخت من النوم
رهف ... مابية حيل ارد عليك نعسانه
اسد ... هوو ناس نايمة وناس ماكله تبن من ورا النايمين
رهف ... ديلا عيني نعتذر
اسد ... حسبي حسابج بل 3 اني يمج
رهف ... نلحك ؟
اسد ... يي نلحك معليج انتي امشيهه عل سريعع
رهف ... خوش
اسد ... روحي كملي نومتج يلا
رهف ... يي بس خل اقفل الباب
خاتونة ... باعي ديربالج على روحج واقري الفاتحه دائماً وسبحي
رهف ... حاضر ادللي طلعو خاتونة واسد خلصتهه نوم كعدت بال 2:00 شربت كهوة وبدلت ملابس بين ما خلصت كلشي وصحصحت صارت بل 3 صدك شفت الباب تندك باوعت من العين لكيته اسد جبت جنطتي وطلعت
اسد ... صباح الخير
رهف ... صباح النور
اسد ... هاا خلصتي كلشي جوازج اتاكدتي منه
رهف ... ييي يي كلشي مخلصة
اسدد ... يلا نتوكل جيبي جنطتج
رهف ... اخذ الجنطه ونزل قبلي يمشي سريع عبالك فايت بسباق صعدت بالسيارة واتحرك وصلنة اخيراً للمطار طول الطريق ساكتين خلصنه اجراءات السفر توجهنه للطيارة واسد التلفون منذب من ايدة مدري شيكتب كعدنه واحد بصف الاخ
اسد ... تخافين من الطيارة
رهف ... لا بس نوبات ادوخ
اسد ... اممم
رهف ... صافنه عل عالم الي مشغول بتلفونة والي ديرتب غراض والي ديرتب مكان نومتة محسيت الى ايد لزمت ايدي باوعت لكيت اسد لازم ايدي ومرجع راسة ليورة ومغمض
.... اسد هد ايدي
اسد ... لا عوفيهه مرتاح
رهف ... هو شنو مرتاح وخر شكو لازمهه
اسد ... لا عوفيني اخاف من الطيارة ما ارتاح
رهف ... هااا
_____________________.
_____________
رهف ... صدك ضل السفرة كلهه لازم ايدي انوب شكبرهه كل شوية اريد افلتهه منه يرجعهه بايدة ويخزرني
اسد ... والله اذا بعد سحبتيه احضنج لحد منوصل كعدي راحه
رهف ... وجعع دوخررر ايديي شعلية تخاف تموت اني شكو
اسد ... مووو اكلجج حظيي رب الحلو
رهف ... زينن اريد اقرة كتاب شلون اقرة بتك ايد
اسد ... طلعي انتي اقري واني اگلب
رهف ... صدقة لتفكيرك دهد ايدي لا اعيط
اسد ... خجلتني الادبسزز شلون دگول صدقة
رهف ... ضليت اتعارك وياا وهو ماكو اذن من طين واذن من عجين بعدين رجال كاعد بصفنه حجه وية اسد
.!!.. الله يحفظكم مزوجين جديد
رهف ... لاا
اسد ... مكلولج مزوجه بقرقوز بسرعه فزيتي
!!.. هههه بعدك مشايف شي
اسد ... اكثر من هيجج انجلط واموت
!!.. عمي الي يحب يتحمل محبوبتة
اسد ... باوعت عليهه وابتسمت متحملهه عمي متحملهه بس هي خل تركد
رهف ... تهي بهي والله عايش الدور عمو لصدكه لا محبوبتة ولا شي
!!.. شلون ماشوف نهايتكم سوة
رهف ... باوعت لاسد صفح ... عوذة
اسد ... رح تنكفخين والله
رهف ... انت هنا واني هنا يلا مد ايدك
اسد ... يبووو سكتيي شكد تتناكرين
رهف ... هد ايدي
اسد ... هم رجعت هسة شلازم ايد الاوزة الذهبية
رهف ... تروح فدوة لايدي هدهة يلاا
اسد ... شعليه انتي سحبيهه
رهف ... بس خل ننزل اسدد اذا ماضربتك ضربة
اسد ... انتضرج عيوني انتي
رهف ... درت وجهي عنه وشفت طفلة صغيرة كاعدة ودتقرة قصة شكلهه حلوو مدبدبة ومسوية شعرهه ضفيرة فرنسية لا اردي ابتسمت على شكلهه شلون حلوة
اسد ... تحبين الاطفال
رهف ... منو ميحبهم
اسد ... اني
رهف ... انت ممحسوب عل بشر
اسد ... ديلا عساس انتي البشر يحلفون باسمج
رهف ... هسة مو سكتت عنك ليش تحجي وياية
اسد. ... شلون نكضيهه ساكتين 5ساعات
رهف ... ييي اني عندي عادي
اسد ... والله ماحجي اني بس وياج اصير بلبل
رهف ... ليش متحب الجهال بلة زحمة
اسد ... شلون فرت الموضوع ماحب هوستهم وصياحهم
رهف ... سامعه الي يكره شي الله يرزقة بي
اسد ... لازم هسة اني اكرهج
رهف ... ليش يمة
اسد ... علمود تصيرين الي هو انتي اول وتالي الي بس انجرب شكو بيهه
رهف ... الثقة يربي الثقة
اسد. ... شعبالج اعجبج زين شتحبين تقرين اكثر
رهف ... ما اقرة نادراً من الگه كتاب يجذبني عنوانة اقرا
اسد ... الي يشوف سكوتج يكول هاي مكطعه الكتب
رهف ... ليش يعني
اسد ... الي يقرون هواي يصيرون هادئين وميحجون هواي
رهف ... لا مو شرط الي يفكرون هواي هم ميحجون واكو هو طبعهم هيج ياخذون ومينطون
اسد ... اممم هم وجهة نظر تحترم ست رهف
رهف ... شكراً شنو نوع الكتب الي تحبهه انت
اسد ... اغلبهه تكون سيرة ذاتية لشخصيات او بلدان
رهف ... حلو تعجبني هيج سوالف بس اختصرهه بتقرير احلا
اسد ... مو صبورة ابد
رهف ... وشمدريك
اسد ... مبينه من تصرفاتج تحبين الشغلة بيومهه اتم متصبرين وعجولة
رهف ... اممم خوش محلل شخصيتي
اسد ... صح كلامي لو لا
رهف ... صح حته من ورة استعجالي جانت دائماً اجوبتي بالامتحان مختصرة وانت عكسي هادئ تتطبخ الطبخه على نار هادئة
اسد ... كلشش
رهف ... شفت الساعه صارت بل 6:00بعد ساعتين ونوصل باوعت منا ومنا شفت الكل ملتهي لو نايم اني ارتاحيت شوية وتربعت لان مال اضل كاعده هيج ساعتين مااتحمل شفت اسد فاتح دفتر ويباوع عل ركاب ويرسم
... تعرف ترسم
اسد ... اممم
رهف ... اشوف هاي شدترسم
اسد ... لا ماحب احد ينطي رأي بشي يخصني
رهف ... هو مو صوجكك طلعت رواية رعب كل شهر لو اقرة شوية واشمرة وصدك اندمجت وياهه محسيت بالوقتت وهو ضل طول هاي الفترة يرسم ابد ممل ويحرك بالقلم سريع نوبات اقرة واتخيل الي ديرسمه صار عندي فضول بس مسألتة ضوجني
اسد ... يلا حضري روحج رح نوصل
رهف ... ييي
اسد ... شبيج گلبتي خلقتج
رهف ... مابية معليك
اسد ... تريدن اتشوفين شرسمت
رهف ... لا
اسد ... براحتج
رهف ... قابل براحتك
اسد ... بس والله شكلج حلو من تضوجين وتكلبين خلقتج همزين انتبهت علمود دائماً اضوجج
رهف ... مو هواي لحيتت وصدكك ضوجتني
اسد ... شسوي اتغزل تتعاركين احجي مثل الاوادم تتعاركين
رهف ... امم تمام اسفة بس انت تضوجني وتنرفوني بحجيك شفته ضحك ودار وجهه
... ضحكني وياك
اسد ... لا هيج عدلت كعدتي وصرت ماقبليهه لزمت ايدهه الاثنين
رهف ... هاي شكو
اسد ... نتفق اتفاق
رهف ... وهوو
اسد ... اتحبيني واني ماضوجج
رهف ... بلة جذبت عليك وعادي كتلك احبك بس علمود متضوجني
اسد ... لا انتي متعرفين اجذبين بسرعة تنلكفين
رهف ... وشلون عرفت دكتورنه
اسد ... من اجذبين لو تريدين تتهربين من موضوع اضلين اتفركين باصابعج لو اترجعين شعرج ليورة وعود اذا سيطرتي على تصرفاتج وجهج يضل جامد طول الكلام بدون اي تعبير
رهف ... ضليت مصدومو شلون منتبهلي واني حته نوبات انسة ملامحه لان ما اباوعلة او ما انتبه
اسد ... هاا صح كلامي لو لا لضلين ترمشين
رهف ... هسة صحيح غلط طلبك مرفوض
اسد ... تتندمين ترة
رهف ... لا ما اتندم على شي ممقتنعه بي
اسد ... يعتي ممقتنعه بية
رهف ... ييي
اسد ... وشسوي علمود تقتنعين
رهف ... لسوي شي بس ضل بعيد
اسد ... اني اريد اتقربلج انتي تبعديني
رهف ... يي احسنن
اسد ... خوش يجرالج بس شكو دقيقة اجاهلج بيهه اردلجياهه
رهف ... ييي خوش
اسد ... باوعتلهه صفح وهي صدكت من كل عقلهه اضل بعيد  عنهه واني ماصدكت اصير قريب هلكد منهه يمكن هاي اطول فترة حجيت بيهة وياهة
كم دقيقة ووصلنه اخيراً لندن وهي خطية كل شوية مثاوبة تريد تنام بس متكدر بسرعة نزلنه من الطيارة فتنه للمطار اخذنه غراضنه وهي بطيء تمشي
اسد ... ادري دتمشين على بيض
رهف ... تعبت اريد انام لتركض ركض امشي على كيف
اسد ... ضحكت على اسلوبهه شلون تحجي بفهاوة ونعس صدك صرت بصفهه امشي وهي محجت شي طلعنه برة شفت شخص اتقدم بناحيتهه وشفت الحراس مال شركتنه واكفين يم السيارة جوي اخذو الغراض والجنط
!!... ست رهف مو
رهف ... يي اتفضل منو
!!...اني اشتغل وية استاذ مهيمن دزني علمود اخذج من المطار يريدج بشغلة بمكتبة
رهف ... باوعتلةة صفحح روحح كول لااستاذك هل يوخر مني احسن الة افتهمتت وماروح لمكان جاي اخلص شغلي وارجع مجاية لسواد عيونكم
!!... ماكدر ست لازم تجين وياية
اسد ... ضجت من طريقة حجية سحبتة من ياخة القميص
... شوف حبابب لتخلين اسحلك هنا بين الغربة وروح كول لهذا الي مدد بمكتبة ودازكك اذا شفته لو شفتك مقرب من رهف صدكني ميصير خير ضربت على خدة مرتين وهديته عدلت ياخة القميص مالته
... خوش وليدي يلا روح مناا يلااا ماريدد اسويلي مصيبة من اول دقيقة
رهف ... امشي اسد عوفة
اسد ... سحبتهه من ايدهه ... هذا منو منين يعرفج مرة احمد مرة مهيمن ذولة منينن لتخبليني
رهف ... بعدين احجي هسة مابية حيل بس خل يوصلونة للفندق ....
___________
ضفت للبارت احسن من واحد جديدد علمود ابدي باحداث جديدة بالبارت الجتي 💓💓