أسيرة قلبه ⛓️منذ طفولة

البارت 7

آنثى 💜ملائكية

أسيرة قلبه منذ طفولة ⛓️
البارت السابع

بين الفهم والوهم حرف ، و بين الحب و الحرب حرف ، و بين الداء و الدواء حرف فعلينا أن نختار طريقنا حتى نكون مؤهلين لخوض معارك الحياة بحلوها و مرها ،  و هما طريقان لا ثالث لهما ... إما حب أو حرب ، و إما فهم سليم أو وهم سقيم ، و إما دواء محيي أو داء مميت .

لارين ..ومن يومها وبلشت ايد سلام الطويلة كام على ابسط الاشياء يضربني  واني منا حسرة عليه الفلس ومنه اشتغل لليل ونهار كلت بكلبي كملت وياج لارين من كل صفحة مصخمة وين ما تصدين مسدودة بوجهج
كمت اكتم بكلبي وما احجي لان ميفيد الحجي وياهم

وكل هذا من احد يسأل ليش ماعدكم خلفة عمتي تكول ثنينهم مرضة متكول ابنها مريض وهم ماحجي واسكت الى ان بيوم من الايام اجه سلام

سلام... لارين ابن عمي صار عندة بنية خل نروحلهم نباركلهم ..

لارين..رديت عليه .. تمام بس اخلص شغلي ونروح ..

كملت و بدلت واني عندي كم فلس ضامتهن كل ما اروح اهلي ينطوني اضمهن للحاجة لان سلام مينطيني اخذتهن كلت بطريقي بلكت يقبل ياخذني لسوك اشتري عباية عباتي صارت كلش قديمة كملت ورحنة الهم
دخلنة سلمنه ورحبو بينه شفت زوجة الولد وباركت الها وكعدنا وسولفنا انتبهت طفلة ماكو ردت او اجبهم كتلها .. لعد وين الطفلة خلي نشوفها ...حسيت نظراتها متشتته و كامت حتى تجيبها واسمعها تكول لعمتها ..

..عمة ما اوديها اخاف من عينها لان هي متخلف خاف يصير شي بنتي ..

لارين ..بوكتها سجين ونحطت بكلبي الدمعة بطرف عيني وكوا لازمتها احس الحرارة تطلع من عيوني كمت وكتلة  ..سلام يلله خلي نروح.

اجتي الام وكالت .. وين يمة ؟؟ ..

باوعتلها وابتسمت بحزن وكتلها...خالة هم يالله نروح اريد امر لسوك..

. انطيتها الواجب وطلعت ميتة قهر والنار مشتعلة بصدري وما تطفى نص طريق وتنفست بعمق ولزمت ايدة بحنان وكتله .. سلام عليك الله خل نمر للسوك اشتري عباية والله عباتي صارت قديمة
مدام احنة بصفة بس نمر بسرعة ..

.جان يمد ايدة و يجرني كدام العالم بالشارع ويدفعني بغضب كدامة بوقتها حسيت شاطت روحي ومشيت بتوتر والناس تباوع علية ويحجون خطية شوف زوجها شلون جرها تمنيت الكاع تنشك وتبلعني..

.رجع الطريق كلة يكفر ويغلط هيج منج وهيج وهيج منج  الله ياخذج الله ياخذ عمرج وصلنة دفر الباب حيل ويصيح واني ماعندي بس دموعي تجري وتشكي حالي واحس الحرارة تطلع من صدري.

اجتي عمتي تستفسر.

لارين ..كتلها هيج وهيج والله اني تعبت الى متي هيج تصرفاتة وياي ويضرب على اقل شي وصلت بي كدام العالم يضربني ..