أسيرة قلبه ⛓️منذ طفولة

البارت 12

أسيرة قلبه منذ طفولة ⛓️

الكاتبة انثى💜 ملائكية

البارت الثاني عشر

لارين ...دخلت خالتي وجها مشدود والخدود منفوخه ولونها وردي وتاتو لون بني وفلر للشفايف
الكل بقى مصدوم بشكلها و
الولد ثارو وصاحو .. يمة شمسوية بروحج ..

ام سلام.. كلبت عيونها بملل ورد .. اني عاجبني لحد يفتح حلكة ..

لارين ..الكل سكت ونسد الموضوع وكلمن راح لغرفته

وبعد مرور لأيام

لارين ..كاعدة بغرفتي وسلام كاعد حسيت بألم فضيع ورى اذني وجعني حيل لزمت اذني وغمضت عيوني متألمة ..

سلام ..شبيج لارين ..

لارين ..نطقت بوجع ..مدري شنو ورى اذني يوجعني.. سحب راسي وشافة..

سلام  ..يمكن غدة هاي..

لارين .. تجاهلت الوجع وسكتت حتلو اكول اخذوني لدكتور متأكدة ياخذوني لواحد رخيص كلشي ميفتهم فسكتت

مر يوم ثنين الألم يزيد كتلهم.. اخذوني للدكتور  ..

سلام ..حضري روحج اخذج للمستشفى ..

لارين ..رحت بدلت ورحت للمستشفى شافها الدكتور وكال ماكو شي نطاني عصارة ورجعت للبيت 
احط منها يومية بس ماكو فايدة نفس الشي
والالم يزيد كتلهم اخذوني لاخصائي
خوما ابقى هيج كمت ابجي ..

ام سلام .. اليوم اخذج لدكتور العصر ..

لارين ..وصدك للعصر رحت لدكتور كتبلي تحاليل
كلي ماكو شي ونطاني حبوب وكبسول
ورجعت كلي عشر ايام ورجعيلي
رجعت للبيت اخذت من الدوة عادي طبيعي ونمت كعدت الصبح اغمض اعيوني وافتحهم فركت عيوني ياربي ما اشوف بعيوني بس غواش واتلمس كمت ابجي طلعت برى وكتلهم ما اشوف محد يصدكني عبالهم اجذب عليهم للعصر ورمن عيوني وصارن حمر
وهمة ولا جنهم يشوفوني هيج كدامهم لليل اخذت الدوة ونمت كعدت الصبح عيوني حمر بالزايد بس اشوف شوية احسسن بس جسمي صاير كلة طكع حمر من فوك ليجوة متروس ترس ويحكني كمت ابجي بواجي والصخونة ناار مشتعلة بية ما اكدر اتحرك كتلهم ودوني فدو اروحلكم رجعوني للدكتور جابو سيارة واخذوني شافني الدكتور كال كلشي ما بيها خل تستمر على العلاج  ورجعوني للبيت

ما اشوف بعيوني وجسمي منتهي
كمت ابجي وانوح ما اكدر اتحرك جثة ومددة على الجرباية  كمت خابرت ابوية كتلة واني ابجي واشهك .. بابا الحكني راح اموت انتهيت هيج وهيج حالتي  ..

عادل.. اني راح احجزلج يم دكتور بغداد واخابر عيالج يجيبونج واذا ما جابوج انعل والديهم واجي اخذج

خابر ابوية عليهم كلهم جيبوها لفلان دكتور بغداد عمتي كالت لسلام وديها يمة مرتك لا تموت يمنة