الكاتبة آنثى💜 ملائكية
البارت الخامس عشر
أسيرة قلبه منذ طفولة ⛓️
لقد بُتر أعظم جناحٍ كنت أملكهُ ما عدتُ أستطيع التحليق حتى القفز بات مُتعِبًا.
لارين ..نقهرت حيل من تهموني على البوكه كتلهم بحزن.. مادام هيج هاي افلوسكم ما تبقى يمي بعد.
مرت كم يوم اجاني حماية
محمد ..لارين راح اشوف كامرات الجيران بلكت نعرف منو دخل للبيت
لارين ..كتله ..تمام..
راح شاف واجة
محمد .. عرفت منو ماخذ الفلوس.
لارين..منو ..
محمد ..ابن جيرانة هوا داخل ماخذهن.
لارين .. بصراحة نصدمت وكلت معقولة ابن الجيران يدخل بيتنا بقيت بحالة شك والكل سكت على الموضوع بس اني حيل مضوجني سالفة شكهم بيه واتمنى اعرف منو الي باك والله يفضحه
الى ان مرت على الحادثة فتره
بيوم اجتي خالتي وكالت
ام سلام .. لارين تعاي نسحب كنتور الولد حتى تنظفين من جواه صار هواي ممنضفينة
لارين ..كتلها ..هسا ..وكمت وسحبت الكنتور
وفجأة توكع الفلوس بالكاع كلها حمر 25 كوومة
صفنت واني مستغربة شلتهن و رحت انطيتهن لخالتي
ام سلام ..وين لكيتيهن
لارين ..وكعن ورى الكنتور من خانة عباس .
اني جنت شاكة بعباس لان ورى البوكة بيومين اشترى موبايل جديد وكال عندي فلوس ومحد يدري فلوسة منين
بس ماعدنة دليل عليه ونعرف كلنه هوا عندة سوابق بالسرقة بس كلنة مستحيل يسويها لان البيت مفتوح والبيبان متفلشة
بعد ما كشفناه نصدمنا بان عباس هوا البايك الفلوس
ونوب خالتي رجعت عليه وهددتني ما احجي وكالت
ام سلام ..بتهديد و وعيد ..ديربالج تحجين لاي احد لارين واني انطيهم الفلوس كلمن فلوسة بس انتي لا تكولين عباس الي باك وانتِ لكيتي الفلوس
لارين ..بس الي صار خالتي خلفت كلامها واخذت الفلوس وبقت السالفة على ابن الجيران هوا البايك وهذا الشي صدمني اكثر بهاي العائلة وخاصة خالتي اكثر بع بس ما بيدي شي غير اني اسكت واذا حجيت راح ترجع أصابع الاتهام عليه
ثاني يوم كعدت نفس الروتين وشغل للمغرب كملت وكاعدة بيت عيالي صاحت خالتي
ام سلام .. لارين شسويتي عشاا .
لارين .. خالة شويت بيذنجان وسويت باكلة
ام سلام . خوش يلة جهزي الاكل اجوي احموينج ورجلج على جية وابو سلام جوعان
أنت تقرأ
أسيرة قلبه ⛓️منذ طفولة
Romanceما بين حب لا ينتهي وما بين قساوة زمان لا تنتهي وما بين مرض متعب وما بين خيانة زوجً وقساوة امً وما بين قرابتا تقف امام ضحية لاجل ارضاء أناسًاآرضائهم غاية لا تدرك وما بين دلال قد تناثرة فجأة ينشا ذلك القلب القاسي الذي لا يأبى من يقف امامه اجتم...
