الكاتبة انثى💜 ملائكية
البارت 18
أسيرة قلبه منذ طفولة ⛓️
لارين ..ماعرف بأي زمان ومكان اني
حسيت نفسي جاي اطير ولكن نزولاً
الى الهاوية حيث الظلام الدامس
صرخاتي تتعالىَ والحرقة في داخلي تزداد
تجرحت حنجرتي من كثرت الصراخ
وحسيت شي اخترق صدري وتكسرت اضلاعي
غمضت عيوني من الالم الي هجم عليه وخلاني
عاجزة
شهكت مفزوعه وكأن روحي رجعت لجسدي فتحت عيوني وأني احس بثقل فضيع على صدري رمشت عيوني عدت مرات حتى تتوضح صورة شفت نفسي بغرفتي وابو سلام واكف يم راسي وخالتي واكفه يمه وسلام يباوعلي وهوا واكف بعيد انتفضت رغم الألم باوعت بعيون سلام وكلت بعصبيه بصوت عالي ... والله ما ابقى اليوم بالبيت شعبالك فصلية عندك اني ..لفيت شعري وكمت الم غراضي وخالتي لزمتني من جتفي وابو سلام يحجي وياي ويحاول يغير قراري محمد على صوت اجه وكلهم لتمو فوك راسي وأني لزمني صداع قوي ضرب جبيني لزمت راسي وغمضت عيوني حسو عليه وسكتو ..
ام سلام ..لارين شبيج ..
ابو سلام ..كولي يالله بوية استهدي بالرحمن وكعدي ميصير هيج ترى كلشي يصير بالبيوتلا تخربين بيتج
خلي يولي يهدأ وتصالحون حسبيها علينة هالمرة ونعتذر بدالة بس لا تكولين لاهلج عليه ليش هيج بوية تسوين بروحج شنكول لاهلج شبيج كاتلج الجوع يمنة كاتلج العوز بوية يصير كولشي بالبيوت
لارين ..كعدت على جرباية بتعب واني صداع ما فكني احس دمار وينفح براسي ابو سلام ضل يحجي بهدوء وأني ساكته وعجزت شنو أرد ألألم شوي هدأ باوعت عليهم يا ربي شحجي شكول هسا على حظي للمصخم
كتلهم ..الله كريم هاي اخر مرة اعبرها الكم .
طلعو هما واني لزمت ايدي ملفوفه باندج بلعت ريكي ونزلت دموعي بحرارة رفعت راسي على سكف واني ألعن حظي زفت الي خلاني بيد سلام ويتحكم بيه مثل العبة واني مسلوبة الارادة ومكابلته وكاعدة حسيت بذنب كلش جبير وكلبي أذاني اليوم ردت اموت لولا عنايت رب العالمين ومارداني اموت بهالطريقة البشعة وهي قتل النفس الي الله سبحانه وتعالى حرمها ردت اذب نفسي بنار جهنم بسبب سلام واقتل نفسي هسا شحصلت اني من ردت اسوي هيج رت اتخلص من روحي وارتاح وياريت فعلا ارتاح لان بالدنيا دخلت جحيم بسبب أهلي وهسا اني اريد اخذ روحي لجحيم إبدي وما أله نهاية أعوذ بالله ضليت استغفر رب العالمين واني احس ألم بداخلي ونار ما تطفى من هذا سلام
وبقيت بنفس جحيم وعبرتها الهم مثل سابقاتها وسكتت بس الكبت الي بداخلي يتضاعف حجمه كل دقيقه وساعه ويوم وماعرف شنو نهاية هذا الدرب واحس بقرارت نفسي اني مراح استمر هيج لان روحي داتنتفض وترفض هذا الجحيم ومنتظرة اليوم الي انعم بي بالهدوء وراحة
بعد مرور كم يوم اني بالعادة الشهرية تجيني 4 ايام واسبح ما اعرف ليش هالمرة كسرت وبقت عشر ايام مدري لان مريضة او لان مسوية عمليات اولان حالتي النفسية تعبانه وزفت ما اعرف حتاريت وي نفسي وماعرف شنو سبب دخل سلام اني ابتسمت وهوا نزع قميصه واجه من ورى ضهري تقرب وسحبني من خصري ودفن وجها بركبتي اني بتعدت عنه والتفتت عليه وكتله بهدوء ...سلام ماكدر اعذرني ..
أنت تقرأ
أسيرة قلبه ⛓️منذ طفولة
Romanceما بين حب لا ينتهي وما بين قساوة زمان لا تنتهي وما بين مرض متعب وما بين خيانة زوجً وقساوة امً وما بين قرابتا تقف امام ضحية لاجل ارضاء أناسًاآرضائهم غاية لا تدرك وما بين دلال قد تناثرة فجأة ينشا ذلك القلب القاسي الذي لا يأبى من يقف امامه اجتم...
