أسيرة قلبه منذ طفولة
البارت السادس
لارين..
كاعدة اسولف واضحك وية علاء والبنات وفجأة دخل حيدر نصدمت وفرحت بنفس الوقت و حسيت بشعور غريب يجتاحني مثل عاصفة هوجاء عاتية عصفت كياني وقلبت موازيني
واني ما مهيئة نفسي و ماتوقعت راح اشوفة بعد هاي كل هاي السنين باوعتلة بتمعن هواي كبران وصاير رجل بمعنى الكلمة طوله الفارع وبشرتة البيضاء وملامحة الحادة وشعره الي مسرحه بطريقة حلوة بس ملامحة جان مبين عليها تعب والهموم وخاصة عيونه بيها لمعة وبريق غامض ...
.. خليت ايدي على تخم اريد اوكف على رجليه واسلم عليه ما اكدر بقيت صافنة لحظات و وعيت على نفسي وصفنتي كمت وكفت برهبة وتوتر وتقدمت بتجاها بخطوان بطيئة باوعتلة بنظرات اشتياق وهوا قابلني بنظرات كلها خيبة ابتسمت وكتله ..
هلاو شلونك حيدر شلون صحتك .
باوعلي بطرف عينة ورد بكتلة برود ..
حيدر.. هلاوو
لارين ..وكفت بنص الاستقبال وهوا عبرني وراح بقيت بمكاني جامدة درت وجهي عليه وشفته مبتسم يسلم ابتسمت بحزن وحاولت اكون طبيعية بوجودة بس ليش اجذب على نفسي واني كلبي وجسمي كله يرجف رجعت كعدت بمكاني بصف سلام اباوع على حيدر سلم بهمة .
حيدر.. السلام عليكم
سلام.. عليكم السلام شلونك ابو كرار
حيدر.. هلو خوية شلونك شخباركم
سلام.. وين هالغيبة شو ماكو
حيدر.. والله شغل وتعب بهالدنيا حايرين
لارين ..سلام أخذه الواهس و صار يسولف وية علاء على النسوان والبنات ويضحكون وينكتون .
سلام ..ولك علاء شووف هاي شكد حلوة تخبل بالفيس
علاء.. لك لو هيج الواحد ياخذ لو ما ياخذ
سلام.. يي والله يخوي
علاء... بشقة يي خوما انتَ اخذت لارين لا شكل ولا جمال .
سلام... هز راسة بأسى ورد .. شسوي بعد هذا حظي ..
لارين.. باوعت عليهم واني رافعة حواجبي صديت عنهم وانتبهت لحيدر يباوعلي بطرف عينة قابلته بنظرات بريئة وهوا قابلني بنظرات حزينة وذابلة .
حيدر.. بصوت حاد.. علاء بطل هالسوالف هاي واثكلوا متشبعون من النسوان لخاطر الله شعاجبكم بيهن
كلهن جذابات ويضحكن على الزلم .
لارين... كمل جملته وباوعلي بنظرة ماعرفت افسرها خلت كل مسامسة بجسمي تكزبر سويت نفسي ابتسم واحجي وي البنات والغصة وكفت بحنجرتي شيقصدحيدر بكلامة اني ضحكت عليه ؟!!!
سكتت وبلعت الغصة اجتي خالتي ام حيدر وصبت غدة فرشت السفرة ونقلو الاكل للسفرة والكل كعد ياكل ماعدا حيدر مقبل يجي ياكل ويانة كعد وحدة وساكت كملنة غدة وشربو جاي باوع على الكل ورجع باوعلي بتشتت.
أنت تقرأ
أسيرة قلبه ⛓️منذ طفولة
Romanceما بين حب لا ينتهي وما بين قساوة زمان لا تنتهي وما بين مرض متعب وما بين خيانة زوجً وقساوة امً وما بين قرابتا تقف امام ضحية لاجل ارضاء أناسًاآرضائهم غاية لا تدرك وما بين دلال قد تناثرة فجأة ينشا ذلك القلب القاسي الذي لا يأبى من يقف امامه اجتم...
