(Unicode)
အဖြေမပေးမချင်းနောက်ကနေ တကောက်ကောက်လိုက်ကပ်နေတာက ရှောင်းကျန့်ပါပင်။
ရှောင်းကျန့်က မထင်ရင်မထင်သလို ဆွဲဖက်တတ်သည်။ စိတ်ကူးပေါက်ရင်လည်း ထနမ်းတတ်သည် ။ ရိပေါ်က အဖြေမပေးရသေးပေမယ့် ရှောင်းကျန့်ကတော့ ရည်းစားတွေဖြစ်နေကြသလိုမျိုးပြုမူနေသည်။
အသေးစိတ်လိုက် ဂရုစိုက်တတ်တာလည်း ပြောင်းလဲမသွားပေ။
အချိန်တွေနှစ်လကုန်သွားပြီဖြစ်ပေမယ့်လည်း ရိပေါ်က ရှောင်းကျန့်ကို အဖြေပြန်မပေးရသေး။ နမ်းခံရတဲ့အချိန်ဆိုလည်း ဖယ်ထုတ်ခြင်းမပြု လိုလိုလားလားလက်ခံသည်။
ဆွဲဖက်ခံရရင်လည်း ရင်ခွင်ထဲမှာ ငြိမ်ငြိမ်လေးနေပေးလိုက်၏။
အဖြေမပေးရသေးတာကတော့ ရိပေါ်က ရှောင်းကျန့်ကို မယုံနိုင်သေးလို့ပဲဖြစ်၏။ ရှောင်းကျန့်တင်မှမဟုတ် ဘယ်သူ့ကိုမှ လက်လွတ်စပယ် မယုံကြည်ရဲတာမျိုးဖြစ်သည်။
" ကောကော ဖယ်ကွာ။ ဒီမှာ ကောင်းကောင်း မအိပ်ရတော့ဘူး "
ရှောင်းကျန့်က နောက်ကနေ သိုင်းဖက်ကာ အတင်းဖြစ်ညှစ်ထားသည်ကြောင့် ရိပေါ်မှာ အသက်ရှုတောင်မရဝောာ့။
" အရမ်းနာသွားလား "
ရှောင်းကျန့်က ဖက်ထားတာကိုဖြေလျှော့ပေးပြီးနောက် ဂုတ်ပိုးကိုနမ်းခံလိုက်ရာ ရိပေါ်မှာ တွန့်ခနဲဖြစ်သွား၏။ ရှောင်းကျန့်ကတော့ ရိပေါ်ရဲ့ ဂုတ်ပိုးက မှဲ့လေးတွေကိုနမ်းရတာ အရမ်းသဘောကျသည်။
" အရိုးကျိုးတော့မယ် "
" ဒါဆို ဖွဖွလေးပဲဖက်ထားပေးမယ် "
နောက်ကနေ သိုင်းဖက်ထားတဲ့အတွက် ရိပေါ်ရဲ့ ကျောမှာကပ်နေတဲ့ ရှောင်းကျန့်ရဲ့ ရင်ဘတ်အစုံက နိမ့်ချည်မြင့်ချည်။ ရှောင်းကျန့်ကတော့ ရိပေါ်ရဲ့ ဆံပင်တွေထဲကို နှာခေါင်းနှစ်ရင်း အသက်ရှူမှန်မှန်နဲ့ အိပ်ပျော်သွားလေပြီ။
နှာခေါင်း မယားဘူးလားလ်ို့ ဟိုတလောက မေးကြည့်မိတော့ မယားပါဘူးတဲ့လေ။ ဆံပင်မှာစွဲငြိနေတဲ့ ရှန်ပူနံ့ကို သိပ်သဘောကျပါသတဲ့။
YOU ARE READING
ZERO MILE
FanfictionThe scariest thing in the world is getting something for nothing.
