الفصل الاول
____________
فى اجمل مكان فى مصر..اسكندريه تحديداً ،فى حى راقي توجد عمارة سكان بها شقه ،بداخلها فتاة تتمتع بجمال هادئ تتقلب على سريرها منزعجه من الانوار التى دخلت الى غرفتها بسبب فتح والدتها النافذة.
ليلي والدتها :قومى يا نسرين الشقه مستنيه اللى هيروقها
نسرين وهى تضع الغطاء على وجهها : يووه يا ماما بقى النهارده الجمعه اجازة من الشغل عاوزة انام
والدتها: علشان النهاردة الجمعه ومش عندك شغل يبقى البيت ليكى...قومى يا بت
نسرين وقد جلست على السرير وهى مغمضة العينين.
نسرين: صحيت اهو
والدتها:لو مخلصتيش بدرى مش هتروحى الدار انتى حره
قفزت نسرين من على السرير: خلاص خلاص صحيت
والدتها: انا اعرف انتى مهتميه بيهم كدا ليه
نسرين وهى تمسك بخد والدتها: انتى بتغيري يا لولي...هى الحكايه وما فيها ان دول اكتر فئه عندهم مشاكل نفسيه تبقى ست كبيرة ابنها يوديها اى دار مسنين بحجه ان العيشه بقت صعبه ومحدش لاقي ياكل..وتكمل الست عمرها وحيده وهنا تيجي مهمتى انى اخرجهم من الحاله النفسيه دى وبساعدهم انهم يعتمدوا على نفسهم لو عايزين يخرجوا من الدار ...اصل شغلى كله مش مع ناس عندهم امراض عقليه انا دكتورة نفسيه فهمتى يا لولي يا جمييل انت
ليلي: خلاص كل مرة بتحكى نفس الكلام روحى خلصى مصالح البيت يلا.
قبلتها نسرين فى خدها ثم ذهبت لتنظف المنزل ثم وقفت امام مراتها وهى تلف خمارها الاسود.
ليلي:ابقى تعالى بدرى علشان فى عريس جاي
نسرين: يوووه يا ماما بقى كل شوية عريس سيرة كل يوم مبتتغيرش
ليلي: وكل ساعه كمان عاوزة اشوف عيالك قبل ما اموت يا بنتى انا مليش غيرك فى الدنيا دلوقتى
وبدأت فى البكاء، فاخذتها نسرين فى احضانها ثم
نسرين: خلاص يا ماما متعيطيش بالله عليكي ..اقولك ايه يعنى انا مش عايزة اتجوز دلوقتى يا ماما، فى اللى بيرفض الشغل وفى اللى مش بيعجبه اللبس الواسع بيبقي الواحد جاي يتسلى بس باحترام يعنى خطوبه وداخل خارج وبعدها يختفى
ليلي: مش كلهم يا بنتى ولو على الشغل اقعدى معاه وحلوا الموضوع
نسرين باستسلام: حاضر ..همشى بقى علشان اجى بدرى سلام
ليلي: رايحه لوحدك ولا ايه
نسرين: اه علشان هايدى تعبانه، سلام عليكم
ذهبت نسرين الى دار مسنين قريبه من بيتها ثم سلمت على مديرة الدار وذهبت لتجلس مع عائلتها الثانيه كما تسميها.
نسرين وهى تحتضن احداهن: ازيك يا حاجة حميدة دلوقتى
الحاجة حميدة: بقيت كويسه يا بنتى الحمد لله
الحاجة سمية: از زيك ك
نسرين وهى تقبل رأسها بفرحة
نسرين: انا الحمد لله يا حاجة سمية ما شاء الله عليكى بتتحسنى اهو، ابقوا اتكلموا معاها يا جماعه علشان تنطق بسرعه
الحاجة سعاد: بنتكلم يا بنتى بس....
قاطعهم صراخ يأتي من ممر الاستقبال ،هرولت نسرين لكى تعلم سبب الصراخ .
وجدت سيدة مسنه فى العقد السابع تقريباً تمسكها فتاتين من الاواتى يعملن فى الدار من كل يد وهى تصرخ .
نسرين بعصبية: متمسكوهاش كدا
الفتاة: يا استاذة مش راضيه تدخل بالذوق
وابنها مضى على الاستلام ومينفعش نسيبها
السيدة وهى تصرخ بشده: سيبونى، بقولوكوا سيبونى
أنت تقرأ
رواية ( نظرات الجحيم )
Paranormalهل من ملاذ، من شخص بات يراني وانا لا أراه بات يلاحقني وانا لا اعرف من هو حتى اذا رأيته؛ تبدد الظلام بعد ان كان ظلامي وجحيمي. _بطلة الحكاية نظرات الجحيم
