الفصل الثالث
______________
بعدما استراحوا فى شارع خالى من المارة
هايدى: المفروض دلوقتى نعمل ايه ؟
القط: شوفى السلسله
نسرين: ممكن متتكلمش علشان لما بتتكلم بخاف
القط: براحتكم كنت عايز اساعد..هفضل ادعى ان حد يتسخط قرد علشان اضحك عليه
نسرين: اه صح قولنا حكايتك ايه
القط: ما انتى بتخافى لما بتكلم
هايدى: لا قول عاوزين نعرف ايه اللى حصلك
القط: علشان خاطرك انتى بس ..زى ما قولت اسمى هانى مسعود طالب عادى او كنت طالب عادى فى كليه تجارة جيت فى يوم كنت رايح البحر وبعدين وانا جوه البحر بقى لاقيت الوثيقه اللى معاكى دى فى زجاجه كدا زى اللى بتيجى فى اى فيلم اجنبي تحسى انها خريطه كنز يعنى .
فرحت الصراحه ومشفتش السلسله انا بس قرأت اول مهمه اللى هى فى الفيلا وجريت دورت على اى بيت مهجور ورحت لوحدى ومكنتش قايل لحد افتكرت انى هلاقي ياقوت ومرجان و..
هايدى: ولقيت ياقوت ومرجان على كدا؟؟
القط: اه حتى بصى الخواتم (ثم رفع صوته)ايه يا ماما ما انتى جيتى ولاقتيني قاعد زى مانا من السنه اللى فاتت
هايدى: خلاص مكنش سؤال يعنى
القط: نعاود تانى...وصلت للفيلا وقعدت ادور بقى وبخور ومثلثات وملاقتش حاجه ومكنتش اعرف ان اخرى نص الليل لاقيت فى حيطه بتتهد وثعابين نزله من على السلم وحسيت ان فى حاجه ساقعه نزلت على دماغى حصلتلي حاله اغماء ولما صحيت افتكرت ان كل دا حلم بس طلع حقيقه ولاقيت نفسى قط بفرو ابيض
نسرين: اسمه شعر ابيض مش فرو يا جاهل
القط: اى حاجه بقى مش هتفرق..قعدت ادور على اكل مش لاقي غير الاكل المتعفن من سنين طب عايز اخرج من الباب مش راضى يفتح ولا الشباك وربنا بعتكوا ليا بقى .
نسرين: تبقى الست نعمه لاقت السلسله فى الزجاجه مع الوثيقه بعد ما انت رمتهم ..يعنى انت رمتهم من زمان وفى الاسبوع دا ظهروا للحاجة نعمه اكيد دلوقتى هى فى خطر دى منفذتش المهمه
هايدى: بس عرفتك وانتى تقومى عنها بالدور
نسرين: كويس طمنتينى ..بس ابنها مصدقهاش
عمر وهو يعدل من نظاراته : وانتى شفتيه؟
نسرين: لا هى اللى حكت عنه
هايدى: طيب الخطوة الجايه ايه؟
نسرين موجهه حديثها للقطوهى تشير الى عمر وهايدي: انت هتقعد معاهم
هايدى: واشمعنى ميقعدش معاكى انتى
نسرين: اول حاجه ماما بتخاف من القطط وتانى حاجه انتى اللى اصريتى انك تخرجيه وتالت حاجه ودى الاهم ان انا معايا السلسله الملعونه دى والوثيقه كفايه عليا بقى
القط: تصدقى اقنعتينى ...بس كويس انا هقعد معاكى انتى يا ...اسمك ايه
هايدى: اسمى هايدى
القط : ايه دا نفس الحرف ..يا محاسن الصدف
نسرين: اهم حاجه مينفعش نفضل كل مهمه نبقى بالليل كدا وخطر علينا ..الساعه داخله على ٢ بعد نص الليل وهنرجع ازاى ولبسى مليان تراب
عمر بارتباك وهو يتحدث الى نسرين: اخترعى اى حجه لوالدتك و.ولما المهمه التانيه تيجي هنعرف نتصرف
نسرين: اوكى يلا بينا
القط وهو يرفع ذراعه: حد يشيلنى
نسرين: ليه انت مكسح مثلا
القط: لا باكل اكل بايظ من سنه وعندى تلوث فى معدتى ومش متعود على المشى
هايدى: شيله يا عمر
عمر: واشيله ليه انا قادر اشيل نفسى يلا علشان تعبان
أنت تقرأ
رواية ( نظرات الجحيم )
Paranormalهل من ملاذ، من شخص بات يراني وانا لا أراه بات يلاحقني وانا لا اعرف من هو حتى اذا رأيته؛ تبدد الظلام بعد ان كان ظلامي وجحيمي. _بطلة الحكاية نظرات الجحيم
