❝ THE PINING ❞
───── ⋆⋅🌹⋅⋆ ─────
───── ⋆⋅Chayanne⋅⋆ ─────
|| Monday. . .
Me just reach outta road fi look taxi fi go school. Outta everybody, mi eye dem pick out Mark first. Him a brush off him Clarks - like a the only thing him know fi do - while him talk to Asia who a rub on makeup pon her neck. Mi walk up to dem and hail dem.
"Y pree, Chichi?" Mark seh.
"Good gyal Chichi!" Asia greet me too.
Mi look pon e nice brown skin girl and laugh. "A wa gwan?"
She roll her eyes dem and lock the thing a foundation. "Yu see how yu bredda do mi neck like him nuh see seh mi have school."
Mark seh, "If Princi waa sus yu, tell dem a maskita bite."
Mi laugh and tek the sum from her and help ar cover the hickey dem. Trav can gwan likkle betta. Finishing up, mi give her back her things and nod when she tell mi thanks.
"Ketch goldmine ova yaso," mi tease her.
"No, girl. A you have the Eva-Hold-Him," she seh with a laugh.
Dat ketch Mark cause him stop brush him shoes and look to me. "Eeh? Mek mi sample piece a dat nuh."
Asia open ar mouth fi run Mark but mi beat ar to it. "Gweh, Mark. Yu too big and whoring."
"You nufi talk afta yaa jump ina car wid strange man," him seh and mi eye dem widen out to how dat frighten mi. "Yea, man. Think mi forget how yu diss me."
Mi roll mi eye dem and look weh from him. Dung e road, mi cuda see waa red plate vehicle a come. "A nuh diss if him neva waa carry yu."
Mark go back to wa him did a do and seh, "Mek e up to mi wid a threesome."
"Threesome wid who?" Asia ask with a raise of her eyebrow. "Yago gwan until Trav murder yu."
Mark kiss him teeth. It's no secret seh Mark like off Asia but Asia nuh pay him nuh mind all when she and Trav nuh deh pon talking terms, cause Trav is a mad man weh eva eager fi tek out him anger pon smaddy. Me know dis cause me bare witness to it before. Right now, mi bet him just a wait fi Mark mek a move offa Asia so him have waa actual reason fi batta bruise the poor bwoy.
The taxi finally reach and stop a we foot. Once me inside mi tell e driver seh maa pick up smaddy a Mamme Bay. When we reach Chezzy gate, she siddung ina mi lap.
"Yu batty must squeeze mi kill mi one day," mi whisper to her.
"Mind mi poop pon yu," she joke and mi laugh.
The journey to Ochi real quiet afta dat, spare the car radio weh a play RJR pon waa loud volume.
When wi reach bus park, the scent a garbage mix up wid piss and sewage wata instantly hit mi nose. It stink bad. But mi neva skin up mi face cause dis a waa stench weh mi nose afi go through every day mi come round ya.
Chezzy and me neva afi walk too far before we hear a driver a usher over to we, "Marymount, Marymount!"
When we reach school, Chezzy get pulled away by corn toe Abigail. Mi dislike the likkle girl bad. Mi watch wid a sneer as she haul Chezzy backa her. Mi too protective of Chezzy ino because me nuh like when nobody hands her up except me.
Mi start mek mi way to mi first class when me buck up ina Yolanda.
"Hi, baby!" she seh and run come hug me up,
YOU ARE READING
The Crossfire | Revised | Sample
Romance[SAMPLE] Journey with Chayanne and Favio as they maneuver life whilst learning to love each other.
