❝ THE WOE ❞
───── ⋆⋅🌹⋅⋆ ─────
───── ⋆⋅Chayanne⋅⋆ ─────
|| Monday. . .
The morning ya bleak and chilly sah. The sky have a color wid the resemblance of either steel blue or stone blue. Mi nuh see no likkle early morning bird. The place eerily quiet minus the sounds of my feet a hit the road and the drag of heavy chains as dogs move from one position to the next.
There's a lingering tension in Steer Town cause nobody still doh know who's the young lady dem seh ina hospital. . . I hate this morbid feeling of dread.
Outta road, e group a people a waa small bunch. Mi see Mark, waa Compri girl, and three adults heading to work. Usually, the Square wuda more pack than this. Guess not enough people ready fi go back to pretending like seh everything normal afta being prisoner ina we own house fi near two week.
Waa next rush a breeze blow pass as mi tek a stand beside Mark. Him a quietly brush him shoes, having no energy whatsoever fi maintain a long conversation today. Mi understand cause I feel the same.
───── ⋆⋅🌹⋅⋆ ─────
When e taxi drop mi ina the Square, the first thing mi notice a the news crew.
More a the community come out now. Dem a fass pon waa happen by the popular wall.
"Reporting live for Prime Time News, I am Rebbecca Young and now the details. Over the span of the last two weeks, a violent turmoil shook the communities of Steer Town and Mamme Bay. Like thunder cannot clap without the lightning that follows, death has sneakily struck the community of Steer Town."
Waa chill run dung mi body. Smaddy. . . dead? E people dem round me start mumble, forming theories bout wa dem think happen.
"Behind us, is where it was reported that they met their untimely end."
The camera man focus the camera pon the road near Thru Street. Mi blood run cold when mi think how that lane have pickney as young as a few months old to some weh a my age. . .
"Wait. It appears that the mother of the deceased is making an appearance," Rebbecca Young cover the mic and seh. "Ricardo, zoom in!"
When mi mek out e short, round black lady, mi feel mi heart drop to mi batty.
No. . . Nuh you. God, please.
Mi watch in sheer disbelief as shi approach e news team. Tears a form on the brink of my eyes and mi cya even mek out the murmurs of nobody around mi anymore. All mi can focus pon a Miss Cherry approaching the news team.
The mic clutch tightly ina ar chubby hand. Ar next hand have waa damp napkin ina it. Ar face tear-stained, eye dem red and puffy like dem cry wul day. Miss Cherry look a mess ina ar ripped skirt and mucus stained yaad blouse. Jamaica is seeing the raw emotion of a mother weh just lose ar only child to waa senseless act of violence. . .
"Asia a did mi one pickini," Miss Cherry force out. "Mi call ar mi one roast breadfruit. Cause yu know how when yu roast breadfruit some time, some a dem always bun up bad and then one a dem just perfect?" she leggo waa sad laugh. "Mi cudn have nuh pickini. A just before mi husband dead from kidney cancer mi get pregnant wid mi one roast breadfruit. Asia a the only thing weh mi have.
"Mi neva get fi go market before e place shut dung. So mi tek wa likkle mi have gi it to her while me wul my hungry. But. . ." Miss Cherry choke pon waa sob and Rebbecca put ar hand pon Miss Cherry shoulder as a sign of moral support. "Asia neva like seh me did hungry while fi ar belly full.
YOU ARE READING
The Crossfire | Revised | Sample
Romance[SAMPLE] Journey with Chayanne and Favio as they maneuver life whilst learning to love each other.
