❝ THE WANTON ❞
───── ⋆⋅🌹⋅⋆ ─────
───── ⋆⋅Chayanne⋅⋆ ─────
|| Friday. . .
Chezzy neva come a school today. It's her time of the month so Aunty Simone mek shi stay home because her first day always do her really bad. My best friend absence mek e school day seem painfully longer than it usually is.
Thank God mi have Yolanda fi keep me company.
Right now we a walk to the school gate fi go wi respective ways.
"This a why me cya stand woman," Yolanda seh.
"Wa dem do yu now?"
"Imagine afta me tell the B nuh tek picture a mi under style and post it nuh weh. . . Mi go home the night and see me pon her status now Gold Mine vex wid me."
Mi raise a brow as mi rack mi mind. "Who name Gold Mine again?"
"The fourth form girl weh still wear bubbles like she a likkle pickney."
"Oh," mi laugh and shake mi head. "Well just remember yu motto-"
"Yu right!" she exclaim. "As one gone a next one born," she stop and turn fi hug me. "Mek mi know when yu reach home and remember fi send me the Soci notes."
Mi return her hug and assure her that I will. Walking through the gate, mi hail Yusef. "Marroz, Sekki!"
"Ah, Chichi," him seh wid a wave.
Mi give him a small smile before me go ina the taxi weh mi see a pack up. By time mi reach home, a to seven.
"Evening, Mama," mi walk go greet her in the kitchen.
"Evening, grand baby," she give me a weak smile.
She a try cook up some corn beef.
"Go sit down Mama, mek mi go bathe and I'll do it."
"Too much siddung bruk breeches," she dismiss me.
Me disapprovingly shake mi head. Mi nuh know why old people feel seh dem always afi a do some form of work. Knowing she nago siddung unless me force her to, mi decide fi go quickly bathe and tek over from her after me done.
Mi leff ar out deh and go call Chezzy pon speaker while me bathe. "Hey, B. How yu feel?"
She sound half-dead. "Mi just waa be a man, dawg," she groan. "E nuh fair fi we go through dis every month while nun nuh do dem."
"Hush," mi turn off the water and come outta the shower fi dry off. "Your friend did a ask boh yu today."
"Abi?"
"She same one," mi exit the bathroom and go to my room to get dressed.
"Wa shi did a seh?"
"Shi nuh seh nun. Probably did waa talk directly to you. Yu already know how she mix up and tan."
Chezzy laugh but nuh seh nun.
"Me ago cook, Chezzy, so mi wi check pon yu later and send yu the English notes."
YOU ARE READING
The Crossfire | Revised | Sample
Romance[SAMPLE] Journey with Chayanne and Favio as they maneuver life whilst learning to love each other.
