The Crossfire | Revised | Sample

i | 9 | the i n t r i g u i n g

❝ THE INTRIGUING ❞
───── ⋆⋅🌹⋅⋆ ─────

───── ⋆⋅Chayanne⋅⋆ ─────

|| Friday. . .

It's crazy to me how me keep on a think bout that man. And a deevn in the way how me did a drool over him good looks and mysterious behavior. . . mi mostly think bout him out of fear. Everything still feels surreal to me.

And now every ProBox me see or car weh look similar to fi him Benz, mi heart rate speed right up. I keep thinking he's coming to kill me.

Sighing, mi step outta the taxi and start head towards Tavern. Tavern is this cook shop by day and night club by night weh deh near the Square. It have the best jerked chicken mi eva taste ina mi life. Mi did ago buy a large serving fi me and a smaller share fi Mama cause right ya now me too lazy fi go in go cook and Mama nuh believe ina Friday cooking.

Mi approach the one storey building. The outside wuda neva give a hint seh inside this big. It have a grey, tiled floor; glass windows weh get covered by a dark plastic by nightfall; a high ceiling decorated with sequins and LED lights; walls weh the owner allow guests fi freely adorn with graffiti or other markings, fi seal the experience; tables and chairs line the walls.

Mi walk up to the concrete bar and mek mi order of extra spicy jerked chicken wid festival. Mi tek a seat and wait fi dem Maths up the food.

Mi hear smaddy enter Tavern. Dem walk to the bar and mi can smell them strong, musky cologne. I think it's Armani. I look over at them and realize seh a the last person mi expect fi see. Mi heart pick up its languid pace and me turn mi head, nearly hyperventilating to be in the presence of Favio Welsh.

Ah swear mi unlucky like seh a sea my navel string cut.

Mi hear him tek a seat and mi thankful seh it nuh look like him realize a me. Him order waa beer and mi hear the pop of the cork.

Like five minutes later, mi order come out and mi did bout fi pay when the man seh to the cashier, "I'll pay for it."

Mi nehna go argue wid dat. Muttering, "Thanks," mi quickly grab the bag of food and mek fi fly outta Tavern-

"Chayanne," his raspy voice says and I freeze.

Mi did very unsure if mi fi gwan like me nuh hear him or answer so him nuh kill me off. Mi decide on the later seeing as me did already yaso frozen like a Mannequin Challenge me a do.

I turn to face him. "Yes?"

"Have a seat."

"Mi afi go home, Sir."

"Favio," him correct. He takes a sip from the beer and motion to the stool. "Me naa do yu nun."

Gulping, mi nervously climb back onto the stool. I watch him as he watches me. Being mindful of mi tone, mi ask, "Wa yu want?"

Him rest him drink on the counter and sit up more straight. "I want to start off by apologizing," him clear him throat. "I took things too far."

"You did."

Him jaw tense and my body tense up same speed. Mi glance towards the door, worrying that mi mek the wrong decision fi stay.