❝ THE MISINTERPRETATION ❞
───── ⋆⋅🌹⋅⋆ ─────
───── ⋆⋅Chayanne⋅⋆ ─────
|| Tuesday. . .
Today's the last day in November.
Mock exams started yesterday. School work a kill me and me stress right out. I'm doing my best though. My Aunty a come down sometime next month so I have to be on my best behavior.
The school bell rings, dismissing us for the day. Mi hurry and fly outta the class and go meet Chezzy.
"Bye, Abi!" she wave to her crosses friend and we leff the school compound go look drive. Right now, she a ask me if the police get any information boh the robbery.
"No," mi tell ar, fi wa feel like the hundredth time today. "The ooman did seh the money goodly gone aready."
"And nobody nuh see nun?"
"No sah. Mr Paul fass self neva deh home and yu know nobody nuh live ina the next house beside we."
She sigh.
"Yea. . . that gov still."
Chezzy shake ar head and seh, "No. Yu fi stop brush off things so every time." Ina waa more serious tone a voice, she seh, "Yu work hard all school term and maybe cya even get fi do yu subject dem all because a some crosses."
Mi sigh. "But mi cya do nun, Chezzy."
She leggo waa defeated sigh. Exactly.
"So how's your. . . vajayjay?"
Mi laugh at her use of words. "It's okay," mi tell her. "Me a tek things easy like the doctor say and the pain nuh much anymore."
"Still cya believe the man mash yu up," she seh. "No sah! Mi a start fi fraid a sex now."
"Yu lie and wicked," mi seh and playfully push her shoulder. "One day yu might buss it open fi a man and gon memba everything mi tell yu."
"Me? Poor me. Mi too shy. Gwan fuck fi the two a wi yaa."
"Me done wid sex," mi deadpan.
We stop walk and look pon each other and laugh. Deevn me nuh believe wa mi seh. Soon as mi good it gon be mi dat a stuff the bwoy big hood dung mi throat and a bawl seh him cocky a kill me.
Minutes later, we find one taxi and head home. Mi stop ina the Square per usual.
Now standing by the popular wall, mi look up pon the lane weh lead to Thru Street. Favio waa mi come look fi him. . . E feel so weird being around him lately, as much as mi nuh think him tell nobody fi rob we. But it cudn be waa coincidence seh e one time me go so far from mi house because him did insistent. . . we get rob?
Mi sigh and start walk go towards the lane.
Before me even reach Favio yaad, mi spot him and a bagga man pose up by him gate.
Mi stand up like eedyat, somewhat fraid fi approach dem.
A one a dem smaddy ya rob we?
Why so much a dem congregate yaso?
From mi frozen position, Favio spot me. Him lean up pon e gate, taking a drag from him spliff and narrowing him eye dem when him leggo the smoke into the air. Spliff neatly tucked between him fingers, him motion fi mi come ova to him.
Wearily, mi walk through e group a man dem and stop in front of him.
Him tek a next drag and simply look pon me.
YOU ARE READING
The Crossfire | Revised | Sample
Romance[SAMPLE] Journey with Chayanne and Favio as they maneuver life whilst learning to love each other.
