The Crossfire | Revised | Sample

i | 2 | the s t r a n g e r

❝ THE STRANGER ❞
───── ⋆⋅🌹⋅⋆ ─────

───── ⋆⋅Chayanne⋅⋆ ─────

"Get the fuck up," Trav order.

From the darkness a mi hiding spot, mi mek a quick glance to the sky, begging The Man Above fi spare mi life.

"Stick bruk ina yu rass ears?" Trav angrily bark, holding the gun tighter. "Get up and doh mek mi afi fucking repeat miself!"

Frightened to the point mi cuda piss up miself, mi jump up and move towards dem. Trav and two other man dress back, naa tek dem eye nor gun offa mi. Body shaking, me stand up before dem. The light from the street lamp illuminate mi flustered face.

Trav face flash recognition and him grinch wipe off. Him grip pon e gun loosen and him do a double-take a mi. "Chichi?"

"Yea," mi cuda barely ansa. "Yes, sir." Maybe if mi did polite, dem wuda let me go.

Trav lower him gun and motion a hand fi the mandem fi do the same. Complying, dem lower dem hands to dem side and watch me wid scrutiny.

Weapons no longer pointed at me, mi cuda feel some a mi nerves sekkle likkle bit.

"Nuh eva call mi 'Sir', Chichi. Wa wrong wid yu?" him kiss him teeth and go lean up pon the car. Trav tek a puff from e spliff me neh realize him did a hold. Him leggo the smoke and motion wid the gun, "Come round yaso."

Mi neva hesitate fi go stand up in front him. Mi did feel a bit better seeing as one a dem gangster ya a did Trav and not smaddy weh wuda actually kill mi. Still, fear did have a tight hold pon mi body.

"Wa yu see?"

"Mi nuh see nothing."

Him nod and tek a next puff. After him blow the smoke into the night air, him scold me. "E nuh safe fi yu deh out ya by yuself dem hours ya ino, Chichi."

If mi neh ina dis bone-chilling situation, me cuda laugh afta the irony. Here was Travis Bartley - waa tall, black, mawga piece a boy weh mi grow wid weh always look out fi mi no matter what - one a the main reason it nuh safe fi mi out ya, a tell mi seh mi fi be more careful.

Unsure what to say, me nod. "Mi know."

"Mhm. . ." Trav tek a next drag. "Gwan home, nuh mek mi catch yu out ya dem time ya again."

Mi neva know if dat a did waa threat or wa, but me neva plan fi stay round fi find out. Mi tek up mi foot dem ina mi hand when the sound of approaching footsteps startle me.

Mi ketch a glance a Trav - him stance get rigid, him dash him finished spliff a grung and crush it wid him foot. Mi swear, Trav did a look towards the person wid e utmost reverence.

And if my nuh-tek-shit-from-nobody bredda did seem scared, wa says me, waa innocent likkle school girl weh neva see a gun so upclose and personal before?

Appalled, mi fly backa Trav. E next two man dem look pon me, shocked seh me choose fi stay. Me did shocked too. But me did moreso too fraid fi go run next thing dis new smaddy misinterpret the situation and fire few shot afta me.