Mi just reach home from school and a try do tha Maths homework ya. Nun me hate more than Maths. Mi just hope by the time CXC roll round me gain some more understanding when it come to tha subject ya cause to how it a gwan it better me gaa mi bed. . . or just go cook mi dinner before dis mad me off.
"Mama, me ago fry the chicken," mi tell mi granny weh out ina the hall.
Mama still capable of helping herself to an extent, shi just cya really stand up too long pon the old legs dem. Shi used to live ina the kitchen when me younger - eva a bake tohtoh, pudding and mek dukunu fi sell. As she get older, me afi tek ova ina the kitchen, though mi only cook cause me cya bake fi save mi life.
After mi fling the chicken ina the hot oil, me wul a seat round the table and start pon the Maths again. My phone is on the table next to mi cluster of worksheets and me quickly grab it when me hear it a ring. Mi did pleasantly surprise fi see seh a Favio, mi did think a wuda Chezzy or Aunty Macky.
"Hello?"
"Chayanne," he greets in monotone. "Weh yu deh?"
"My house. . . Why?"
"Nothing," he says. "Mek sure yu stay inside tonight."
Before mi can even ask him wa him a talk boh, the man hang up ina mi ear. Mi look at the screen, confused nuh ratid. A wa dis pon mi doh?
───── ⋆⋅🌹⋅⋆ ─────
|| Thursday. . .
Since Tuesday mi cudn stop worry mi likkle self bout Favio.
Mi did ina waa deep sleep when e alarming sound a gunshot wake mi. Despite this becoming a regular occurrence, it neva stop mi from jumping outta mi bed fi go check pon Mama.
It came as no surprise that she did up too. She's usually a light sleeper. She did lay flat pon ar back and a look up to e ceiling a pray. When she did done, shi acknowledge mi.
"Chicken merry, hawk deh near."
Mi did used to old people and dem parables by now. And Mama did absolutely right - all dem bullet deh weh deh fly, must connect ina one a dem skull one day. After all, if yu spit ina the sky, it drop ina yu yiy. That's when mi realize why Favio did tell mi fi stay inside. . .
That latter thought mek me remember that me did have not only one, but two, people ina mi life weh directly involved in all the nonsense weh keep up ina the community.
It cause mi fi be anxious fi see or hear from either of them, especially Favio. So, Wednesday evening, mi neva stop text him a ask if him good. Mi nuh know if mi come off too strong too soon or wa, but him neva ansa mi at all. Mi get very worried, even surprising myself by how much concern mi feel bout a man weh mi barely know.
A so comes mi text Trav dis morning before me go school.
Oops! This image does not follow our content guidelines. To continue publishing, please remove it or upload a different image.
