❝ THE LOCKDOWN ❞
───── ⋆⋅🌹⋅⋆ ─────
───── ⋆⋅Chayanne⋅⋆ ─────
|| Sunday. . .
The loud commotion a gunfire ring out from late Saturday evening all the way to Sunday morning.
Sometime during e shout from man and clap from bullet a fire, the sound a police siren get add to the mix.
Anytime police get involved, the wul community know seh a sum serious. During dem time deh, e boldest of smaddy deevn dare fi set foot pon dem own veranda. Whoever have plans fi go pay bill or buy food, remain fixed ina dem house wid no light and a hungry belly. Death from natural causes betta than e demise a waa bullet a forcefully tear through skin.
Mama plead and beg wid mi nufi go outta road to Chezzy during dem time here. Honestly, dat furthest from mi mind.
The only smaddy weh a plague mi thoughts a Favio who mi nuh hear from since Saturday. E hard fi know if him arite or not. . . Mi nuh dare text him, and mi finger dem wuda even hurry and skip ova Trav number too. Mi fraid seh sum happen to either a dem. And most importantly, mi fraid seh dem out deh a do things to people too.
E madness cudn end soon enough. All day - screams, shouts, police horns and gunfire.
The only contact to the outside world a e television and mi shared phone.
Mi draw back mi eye dem to the television. A night and me and Mama a watch Prime Time News.
The reporter deh a the gas station a Drax Hall a report pon e situation. "Behind me, you'll notice the abandoned roads leading into Steer Town. Steer Town, along with the neighboring community, Mamme Bay, have been barricaded by the St. Ann Police Division who urge residents to not leave their homes."
Briefly, e camera zoom in as much as it can pon e road weh lead up to mi community.
Back to the female reporter, shi continue wid ar story, "Our sources say that there have been rising tensions between the factions of Steer Town and Mamme Bay, which ensued the current dispute. Police continue to monitor the situation from on the scene. Though we cannot report any casualties or other confirmed details at this time, Prime Time News will continue to keep Jamaica updated. Rebbecca Young, Prime Time News."
The news cut to waa annoying Flow advertisement and leff me and Mama ina silence.
She start bawl fi Brahma tek her and all me can do a shake mi head. Hindus suppose to be peaceful people but I doh know anybody else more eager fi death than my Mama when the place get like this.
"Stop it, Mama," mi scold her and she ignore me.
Nun nehna go do neither me nor she. E gunman dem neva come close to fi wi house yet. Dem always stick pon e mainroads, Thru Street, the Square and Hollywood lane. Still, me and Mama neva tek no check and stay inside the house weh much more safe.
She rock back and forth ina the chair again. "Chayanne, ah tyad a nonsense now! Back ina my day, people find wul heap a way fi resolve dem issues widout the need for violence," Mama put ar head ina ar hand and shake ar head. "Wa the goat do, the kid falla. This gingeration has lost its way."
Mama nehna aim fi attack me. Still, mi feel guilty. The same smaddy mi a deal wid a e same one outta road a stir trouble. . .
"That's why yu fi go a Aunty Macky," mi try divert e topic.
Mama shake ar head instantly. "I not leaving this house. This has been my home and a yaso me gon drop dung ploof and dead," she puddung ar foot.
The sound of the turmoil outside conclude ar statement. If me a she, me wuda waa leave. Is a pity Aunty Macky cya file fi mi any more since America change dem immigration laws. Mama can still get file fa, but she refuse fi leave no matter how Aunty Macky plead with her.
YOU ARE READING
The Crossfire | Revised | Sample
Romance[SAMPLE] Journey with Chayanne and Favio as they maneuver life whilst learning to love each other.
