وصلنا مكة قريب للفجر..
نزلنا في فندق قريب للحرم..
بعد غيرنا واكلنا..
ابوي وحبوبة طوالي رقدو دار ينومو..
قلتا لابوي:ابوي كدي تلفونك ادق لي امونة
مداهو لي وهو بقول:هاكي..لكين بتكون صاحية؟!
انا:اي قالت لي براجاك لمن تصلي مكة
رقد وهو بقول:سلمي عليهم
شلتا منو التلفون وطلعتا البلكونة بتاعة الفندق..
قعدتا..
دقيت لي امونة مسااافة..
م ردت لي..
رسلتها لي في الواتس
"لمن تصحي ارجعي لي.."
عاينتا للتلفون مسااافة..
دقيت لأحمد بعد اول جرسين ردا..
احمد:الوو
انا:الو..كيفك؟!
احمد:يداب؟!
سكتا..
احمد:قبل تقومي قلتا ليك اول ما تصلي طمنيني عليك صح؟!
انا:صح
احمد:عشان كد اتصلتي لي اول ما وصلتي صح؟!
انا:احمد دقيقة اسمعني
سكت..
اتنهدتا:اول حاجة شريحتي قافلة..ولسه م طلعتا شريحة سعودية..تاني من جيت فترانة ونايمة بس م فاهمة شي..هسي اول ما لقيت طريقة دقيت ليك
احمد:تتكلمي مع بيت عمتي كلو وتسافري مكة..د كلو م فاهمة شي؟!
انا:ناس عمتي امونة دقت لينا ونحنا في الطريق..وهسي يداب وصلنا
سكت..
قلتا ليهو:والله في بالي..بس م كنتا لاقية طريقة ادق ليك
اتنهد:اشتقتا ليك..ومن شوقي بلومك
ابتسمتا:شوقك في عيوني وملامك فوق راسي من فوق
ضحك:اااه
سكتا وانا مبتسمة..
احمد:ح تعملي شريحة سعودية متين؟!
انا:معارفة..م ظنيت اعملها كلها اسبوعين وح نرجع
احمد:اها وح نتكلم كيف؟!
انا:بي تلفون ابوي د
احمد:مُنية..بي تلفون ابوك لو اتكلمتا معاك مرة م ح اقدر ابدلها
انا:انا بدق ليك ي احمد..كل ما القى طريقة بدق
احمد:كلامك د م راكب عدلو
انا:مالو ي احمد..اصلا ح اقعد هنا اسبوعين واقلا زاتو..وانا اصلي م عندي قضية كتيرة مع التلفون..م ف داعي للخسار واعمل شريحة وكد
