منية في الخاطر

٨

قضيت اليوم كلو راقدة في العريشة ومقبلة علي الحيطة.. 

بكيت بكيت لمن نمتا وانا دموعي في عيوني.. 

 صحيت بي صوت حبوبة بتصحيني للفطور.. 

قمتا بي ثتاقل قلتا ليها م دايرة.. 

خالتو راضية كانت قاعدة جنب الصينية بتعاين لي.. 

مشيت خليتهم.. 

دخلتا الغرفة جوة.. 

اتذكرتا لمن احمد كان بنوم فيها.. 

وزي الوقت د بجي اصحيهو للفطور.. 

دموعي جرو.. 

اتنهدتا ومشيت رقدتا في السرير.. 

م عندي نفس لي اي شي.. 

مرة ابكي ومرة اسكت.. 

مرة اعذرو وقلبي يحن عليهو ومرة ازعل واقول لو بحبني ما كان خلاني.. 

عديت باقي اليوم كلوو كد.. 

العاشرة مساءً.. 

حبوبة جات داخلة الغرفة.. 

وهي بتقول:نوشة..ي بت قومي

قلتا ليها ولسه وشي علي الحيطة:صاحية ي حبوبة انا

قعدت في السرير جنبي وختت يدها في ضهري.. 

اتلفتا عليها.. 

مسكت يدي باستها:قومي اُكليلك شي..من الصباح علي لحم بطنك

غمضتا عيوني وفتحتهم:شبعانة والله ي حبوبة

ابتسمت لي:ود عمك ح يجيك راجع..ح تعرسيهو وتبقي معاهو..مصيرو الحي بلاقي

العبرة خنقتني:يجيني كيف تاني بعد د؟!

جرتني عليها.. 

حضنتها وبقيت ابكي.. 

ربت علي ضهري:مصيرو يجي ومصيركم تكونو سوا..بأذن الله الواحد الاحد ح تكونو سوا

غمضتا عيوني..

انا عارفاهو ح يجي.. 

عارفة نفسي ح اشوفو تاني.. 

لكين عمرنا م ح نكون سوا.. 

فكتني ومسحت لي دموعي:قومي صلي العِشا وتعالي اُكليلك لقمة

مسحتا وشي:م نفسي والله..دايرة اصلي وانوم بس

حبوبة اتنهدت:سمح قومي ارح

فعلا طلعتا معاها.. 

صليت وهي مشت تجيب حاجة اكلها رقدتا عملتا فيها نايمة.. 

رجعت الاكل المطبخ وقفلت وجات رقدت..

بطت طفت الانوار..

انا فتحتا عيوني..احمد ح يجي هسي..