منية في الخاطر

١٠

بعد مرور ستة أشهر.. 

بي لسان مُنية.. 

وقفتا علي حيلي بخلعة لمن أماني جات تكورك:العريس جا

عاينتا لي أمونة:امونة الجدلة زابطة؟! 

ضحكت وقبل ترد لي سمعنا صوتو بقول:زابطة لمن ماف طريقة

نزلتا يديني وبقيت اعاين ليهو.. 

شعرو الاسوود المرجعو لورا.. 

لحيتو المهذبها جديد.. 

ريحة عطرو الملت الغرفة.. 

علي اللّه السُرّتي مع طولو داك كانت كلام تاني.. 

كان اكتر من كلمة حلو.. 

كان بشبه العرسان.. 

كان عريس.. 

وقف قدامي.. 

رمشتا مرتين ورا بعض ونزلتا عيوني.. 

مسك يدي.. 

باسها مساااافة:مبروك ي مرتي..وربنا يقدرني اهنيك واسعدك

رفعتا عيوني بقيت اعاين ليهو.. 

الدموع بدت تتجمع في عيوني.. 

د احمد.. 

د راجلي.. 

حضنتو وانا بقول:ربنا يقدرني انا اهنيك واسعدك

زحيت منو حتة:وكان عليك انت..ما اصلك انت هَنااي وسعدي

ابتسم وباس راسي مسااااافة.. 

دمعتي جرت.. 

مسحتا وباس خدي:من الليلة ماف بكا..من الليلة فرح وبس

بستا كتفو وختيت فيهو راسي.. 

ربت علي راسي مرتين.. 

زحيت لورا براحة.. 

شبك اصابعو مع اصابعي.. 

عاينتا ليهو.. 

ابتسم ومشا.. 

بقيت ماشة معاهو براااحة.. 

ركبنا العربية الواقفة جنب باب ناس عمتي.. 

وامونة واماني ركبو قدام.. 

في اقل من 10 دقايق كنا وصلنا الصيوان الجنب بيتنا.. 

نزل من جنبي براحة وجا فتح لي الباب.. 

مسكتو.. 

المرة دي قدام الناس.. 

المرة دي مسكة يد حلال.. 

ومشيت معاهو.. 

منزلة راسي ومتوترة.. 

وهو ببشر للحولينو.. 

اخدنا وقت طووويل لمن وصلنا الكوشة..