منية في الخاطر

٤

بعد مرور شهر.. 

ظهر الاول من شهر رمضان المُبارك.. 

جيت داخلة الغرفة براحة عشان م اصحي احمد وحبوبة.. 

فرشتا المصلاية ووقفتا.. 

مسحتا قطرات الموية الفي وشي وكبرتا.. 

صليت الضهر.. 

وقريت شوية قران.. 

عاينتا لاحمد النايم في المرتبة الفي الارض بين سريري وسرير حبوبة.. 

قمتا رقدتا بي توبي ونمتا.. 

قُبيل الإفطار.. 

مشيت وراهو وانا شايلة جكوك العصير.. 

طلع من باب الشارع واتلفت علي.. 

ختيتهم ليهو في الصينية ورجعتا.. 

فرشتا الفرشة وشلتا عصايرنا طلعتها.. 

الباب دقا.. 

مشيت فتحتو وكانت عمتي وبناتها.. 

سلمتا عليهم وباركتا ليهو رمضان.. 

عمتي دخلت المطبخ لي حبوبة وانا قعدتا مع امونة واماني في الفرشة.. 

امونة:شفنا ود اللوا برا

ابتسمتا ليها:اي طلع هسي هو

امونة ختت يدها في عيونها:بقى سمح ياااخ..سمح عديل

ضحكتا:استغفر الله اللهم اني صائمة

ضحكت:استغفر الله

عاينتا لي اماني الراقدة سلطة:كيف الجرسة دي مع الصيام؟! 

امونة ضحكت:اسكتي بس تقولي اول وحدة تصوم

اماني:سامعاكم انا

ضحكنا.. 

حبوبة جات شايلة ساخن بارد الفيهو زيادة القُراصة.. 

وعمتي وراها شايلة الصينية.. 

ختوها وقعدو.. 

مليت ليهو الموية.. 

الاذان اذن.. 

قطعنا وكل زول بدعي في سرو.. 

بعد فطرنا قمنا لمينا العدة.. 

امونة غسلتها وانا سويت ليهم الجبنة.. 

لقيناهم قعدو في العريشة يحضرو في اغاني واغاني.. ختيناها وبقينا نشرب.. 

شوية كد واحمد جاب الصينية وطلع طوالي.. 

م جا علي العريشة..