I am your boss

2

"ပြန်ရောက်လာပါပြီလား သခင်ကြီး"

အိမ်ထဲဝင်ဝင်လာချင်း သက်လတ်ပိုင်းအရွယ်အမျိုးသမီးက ဦးကြို၍နှုတ်ဆက်လာသည်။ ထိုအသံနှင့်အတူ ရိပေါ်ရဲ့လက်မောင်းကိုကိုင်ထားတဲ့ချန်းရဲ့လက်ဟာ တင်းကြပ်သွားသည်နှင့်အတူ ခြေလှမ်းတို့ကိုလည်း ရပ်တန့်လိုက်ရသည်။

"အင်း ဟိုကောင်လေးပဲ...မျက်လုံးတော့ကွယ်နေတယ်။ သူ့မျက်လုံးတွေပြန်မြင်ရတဲ့အချိန်အထိ ချင်းယန်ကပဲ သူ့ကိုကူညီပေးလိုက်ပါ။"

ရိပေါ်၏နှလုံးခုန်နှုန်းမှာ ရုတ်တရက်မြင့်တက်သွားပြီး တစ်ကိုယ်လုံးပင် အေးစက်တောင့်တင်းသွားရသည်။ မျက်လုံးတွေပြန်မြင်ရတဲ့အချိန်အထိ? ဒါဆို သူ့မျက်လုံးတွေက ပြန်မြင်နိုင်တာပေါ့?

"စိတ်ချပါ သခင်ကြီး။ သခင်ကြီးအတွက် ရေချိုးဖို့ အသင့်ပြင်ဆင်ထားပြီးပါပြီ။ ဘာများမှာကြားချင်သေးလဲမသိပါဘူး။"

"သူ့ကို ညကျ အသင့်ဖြစ်နေတာပဲမြင်ချင်တယ်"

"ဖြစ်စေရပါမယ် သခင်ကြီး"

ရှူးဖိနပ်အသံတဒေါက်ဒေါက်ဟာ ရိပေါ်ရဲ့နားစည်ကိုလာရောက်ရိုက်ခတ်နေရာကနေ တဖြည်းဖြည်းဝေးကွာလို့သွားချေပြီ။ ထို့နောက် တဖြည်းဖြည်းနီးကပ်လာတဲ့ ရေမွှေးအနံ့နှင့်အတူ အစောကအမျိုးသမီး၏စကားသံဟာ ပြန်လည်ထွက်ပေါ်လာသည်။

"သူ့ကို ချင်းယန်ဆီထားခဲ့လို့ရပြီ ချန်း"

"အဆင်ပြေဖို့မျှော်လင့်ပါတယ် ချင်းယန်"

ချင်းယန်ဟာ နီရဲစွာချယ်သထားတဲ့သူမရဲ့နှုတ်ခမ်းထူထူတို့ဖြင့် ချန်းကိုပြုံးပြလာကာ ခေါင်းညိမ့်ပြလိုက်သည်နှင့်တစ်ပြိုင်နက် ရိပေါ်၏လက်မောင်းပေါ်က ခပ်နွေးနွေးအထိအတွေ့ဟာ ပြေလျော့သွားခဲ့ပြီး နောက်ထပ်သောရှူးဖိနပ်အသံထွက်ပေါ်လာကာ ပျောက်ကွယ်သွားပြန်သည်။

"မင်းနာမည်?"

"ရိပေါ်...ဝမ်ရိပေါ်"
ရိပေါ် တံတွေးမြိုချကာ ပြန်ဖြေလိုက်ပေမယ့် အသံဟာ တုန်တုန်ယင်ယင်ပင်။

"အင်း ရိပေါ် လက်ဖြန့်"

ရိပေါ် လက်ဖြန့်ပေးလိုက်သောအခါ လက်ဖဝါးပေါ်ကျရောက်လာသည့် ကြိမ်ပြားလိုအရာလေး...မဟုတ်သေးဘူး ကြိမ်ပြားလေးကြားမှာမှ ပိတ်စလေးရှိသေးတယ်။ အဖွင့်အပိတ်လုပ်လို့ရတဲ့ အလှယပ်တောက်လေးနေမည်။