တစ်စုံတစ်ရာ၏စိုက်ကြည့်ခြင်းခံရသည့်အသိဖြင့် ရှောင်းကျန့် ဆတ်ခနဲနိုးထလာရသည်။ နိုးထလာခြင်းနှင့်အတူ ဘေဘီအားအာရုံခံကြည့်သော်လည်း မည်သူမှရှိမနေပေ။ ဘေးရှိရိပေါ်အားအလန့်တကြားကြည့်မိသော်လည်း ရိပေါ်မှာ ပကတိဖြူစင်စွာအိပ်စက်နေလေသည်။
ရှောင်းကျန့် ရိပေါ်၏ ဖြူဝင်းကာပန်းနုရောင်ပင်သန်းနေသောပါးလေးအား မိမိ၏လက်ဖဝါးဖြင့်ဖိကိုင်လျက် နှုတ်ခမ်းဖူးဖူးလေးအား အနမ်းပေးလိုက်သည်။ ပင်ပန်းနေသောရိပေါ်မှာ ထိုအထိတိုင်အိပ်မောကျနေလျက်...။
"ကိုယ့်ရဲ့အကြောက်တရားဆိုတာ မင်းနဲ့မှပေါ်လာတော့တာပဲ"
တီးတိုးရေရွတ်သံမှာ တိုးတိုးလျလျ...
အိပ်မောကျနေသောရိပေါ်အား အင်္ကျီသေချာဝတ်ဆင်ပေးလိုက်ကာ မိမိတွင်လည်း သေချာဝတ်ဆင်လျက် ချည်နှောင်ထားသောမြင်းဇာတ်ကြိုးအား သစ်ပင်မှဖြုတ်ကာ စံအိမ်သို့ လျင်မြန်စွာမောင်းနှင်တော့သည်။
မည်သို့ပင်ဆိုစေကာမူ အပြင်လောကသည် စံအိမ်အတွင်းလောက်တော့ လုံခြုံမှုမရှိပါ။ တစ်ခါဆုံးရှုံးဖူးသူပီပီ ဒုတိယအကြိမ်မြောက်ဆုံးရှုံးရမည်ဆိုလျှင် ရူးသွပ်သေဆုံးသွားလိမ့်မည်။
"သခင်ကြီး"
ရိပေါ်အားထွေးပိုက်ကာပြန်ရောက်လာသောသူ့အား ချန်းက အပြေးအလွှားလာကြိုသည်။
"ဘာများအဆင်မပြေဖြစ်ခဲ့လို့ပါလဲ သခင်ကြီး"
"မလုံခြုံတော့ဘူး...ကျုပ်စိတ်ထဲ မလုံခြုံတော့ဘူးလို့ခံစားနေရတယ်"
"သစ်တောအတွင်းကို စစ်ဆေးလိုက်ရမလား သခင်ကြီး"
ရှောင်းကျန့်က ဘာစကားမှမဆိုပဲ ရိပေါ်အားချီပွေ့ကာ အပေါ်သို့တက်သွားလေသည်။
ကျန်ခဲ့သည့်ချန်းကတော့ သက်ပြင်းပါးပါးချလျက်...
"ချန်း"
ခေါ်သံလာရာသို့လှည့်ကြည့်တော့ မည်သူမှရှိမနေ။
ထို့နောက် လေတစ်ချက်ဟာ ချန်း၏ဆံစအားလှုပ်ခတ်စေပြီး ငြိမ်သက်သွားလေသည်။ ချန်းသည်လည်း ကြက်သီးမွေးညှင်းများထသွားရသည်။ ဒါဟာ....ဘယ်လိုထိတ်လန့်ဖွယ်ရာအဖြစ်အပျက်မျိုးလဲ။
*************
အိပ်ပျော်နေသောကောင်လေးအား အိပ်ယာပေါ်အသာအယာချပေးလိုက်တော့ ခေတ္တလူးလွန့်လာသည်။
YOU ARE READING
I am your boss
Fiksi PenggemarMaybe 21+ so read at your own risk! better read the first page (author's note) before you read this story. Enjoy! Cover photo from Pinterest.
