ဖန်း ရိပေါ်၏ဘေးအခန်းရှိ Leoဆီသို့ ရောက်သွားတော့ Leoဟာ နိုးနေပြီဖြစ်သည်။ မျက်လုံးပေါ်ရှိ ပတ်တီးစအားစမ်းကာ အံ့ဩတကြီးဖြစ်နေပုံအရ အခုမှနိုးသည့်ပုံပင်။
ဖန်း လီယို၏နံဘေးသို့လျှောက်သွားကာ အသံပြုလိုက်သည်။
"လီယို..."
ဖန်း၏အသံကြားတော့ လီယိုက တုန်တက်သွားကာ လန့်သွားပုံပေါ်သည်။
"ခင်...ခင်များ ဘယ်သူလဲ? ကျွန်တော့်ကို ဘာလုပ်မလို့လဲ"
ဖန်း အနီးရှိခုံတစ်ခုံအားဆွဲကာ လီယို့အနီးတွင် ထိုင်ပြီး လီယို့အား ကြည့်နေလိုက်သည်။
"ကျုပ်က ဖန်း...မင်းကို ဝယ်ခဲ့တဲ့သူ
မင်း ဝမ်ရိပေါ်ကို သိတယ်မဟုတ်လား"
"ရိ...ရိပေါ် သူ အဆင်ပြေရဲ့လား
သူ့ကို ကျွန်တော့်ကိုလိုပဲ လုပ်ပြစ်ကြတာလား
ရိပေါ်က အစကတည်းက မျက်စိမမြင်တဲ့ကလေးပါဗျာ"
"ဟက်* မင်းတို့သူငယ်ချင်းနှစ်ယောက်က တော်တော်တော့ သံယောဇဉ်ကြီးကြတာပဲ"
လီယို့ဘက်မှလည်း တိတ်ဆိတ်သွားသလို ဖန်းမှလည်း ဘာမှထပ်မပြောလာတော့ချေ။
ငြိမ်ကျသွာသောလီယို့အား ဖန်း စိုက်ကြည့်နေမိခဲ့သည်။
လီယိုဟာ ရိပေါ်နှင့် ရုပ်ပိုင်းဆိုင်ရာအရ တော်တော်လေးတူသည်။ အမွှာဟုပြောလျှင်တောင် ယုံနိုင်သေးသည်။
စိတ်ဓါတ်ပိုင်းဆိုင်ရာတွင်တော့ လီယိုက မာကြောသည်။
ဖန်းအား ခေတ္တခဏမျှသာကြောက်ရွံ့ပြီး အခုဖြင့် ဖန်းအား မရှိသလိုပဲ သူ့ဟာသူအတွေးနယ်လွန်နေပြန်သည်။
"ရိပေါ်ကို စိတ်မပူပါနဲ့...အခု မင်းမျက်လုံးတွေမရှိတော့တာလည်း ရိပေါ်အတွက်ပါပဲ။ မင်းနားလည်လိမ့်မယ်လို့ထင်ပါတယ်"
"ကျွန်တော် နားမလည်ဘူး...ဘာလို့ ကျွန်တော်မှလဲ"
"ရိပေါ်က မင်းမျက်လုံးနဲ့မှ အစားထိုးမယ်ဆိုလို့"
"ဗျာ?"
လီယို တကယ်ကိုပဲ အံ့ဩမိပါသည်။
ရိပေါ်က ဒီလိုစိတ်ထားမျိုးမရှိသည့်ကလေးမဟုတ်လား။
"ခင်များ လျှောက်မပြောနဲ့...ရိပေါ်က ဒီလိုမျိုးမဟုတ်ဘူး"
လီယို တုန်လှုပ်စွာဖြင့်ပြောမိသည်။
ရိပေါ် ဒီလိုမျိုးလုပ်ရက်မှာမဟုတ်ဘူးဟု ယုံကြည်ချင်နေမိသေးသည်။
YOU ARE READING
I am your boss
FanfictionMaybe 21+ so read at your own risk! better read the first page (author's note) before you read this story. Enjoy! Cover photo from Pinterest.
