عـٰٓشَٰـُـٰٓآقَٰـُـٰٓ آلَٰـُـٰٓرﯛ̲୭آيَٰـُـٰٓآتَٰـُـٰٓ:
#اسميته وتيني♥️
بقلمMeno_Awad
"12"
صحيت تاني يوم وعملت زي ما بعمل كل يوم وصحيت البنات ووو.... عملنا كل شي وبعدها قلنا انو احنا لسه ورانا موضوع الملابس وجوطه كتيره ف قلنا نمشي نشوف الليله وكدا
ف طلعنا اتجهزنا وانا كنت لابسه لي عبايه ومحجبه الطرحة كالعاده وكدا وبعدها طلعنا وكان معانا بعض من الشباب عشان ح يوصلونا وكدا...
المهممم طبعا ركبت في عريبه خالد ومعاي نور ولميس وحلا وفهد ب قدام راكب معاو🌚
طبعا لفينا الاسواق كلها والمولات كلها علشان نلقى فساتين ظابطه ل الحنه والعرس والحرتق وووو.. الحاجات دي كلها وفي النهاية قلنا خلاص نشتري إقمشة العرس ونفصلها زي بعض
ونشتري فساتنين للباقي
انا اشتريت لي فستانين كدا واحد اسود ومن الخصر كدا فيو شغل بالدهبي (حنعرف تفاصيلو لقدام😂) والتاني برضو اسود (بس مختلف شويهه) المهمم خلصنا وم لفينا تاني لانو الوقت اتأخر شويه وكنا عايزين نشتري لسه بس قلنا اخير نرجع وكدا.....
المهمم.. رجعنا سلمنا ع خالتو ريم والناس وكدا وطلعنا فوق واي زول دخل الغرفة الهو فيها "يلا اساسا نحنا ٦ بنات قاعدين في غرفتين ونفس الشي الاولاد بس هم اكتر وفي بنات بيمشو وبيجو يعني م قاعدين طبيعي"
المهمم غيرنا ملابسنا وقعدنا..
كنت مهلكة شديد انا ف رقدت ع طويل ونمت بعد ما صليت وم صحيت الا ب بليل لقيت البنات ماف ف صحصحت شويه كدا وغسلت وشي ونزلت تحت اشرب مويه ف لقيتهم قاعدين واخر ونسه وضحك قلت ليهم السلام عليكم وطوالي دخلت المطبخ
دخلت جبت لي كبايه وقعدت اشرب ف سمعت صوت وراي بقول.
امممم تشربي وم تديني معاك😅
اتلفت ولسه ماسكه الكبايه وبشرب وبقيت بعاين ليه بس بعد خلصت قلت ليهو اااممم ديك المويه وديك الكبابي اشرب
قال لي احم احم كبي لي انتي
قلت ليهو سبحان من خلق هذه اللياقه... بهظر🐸
عاين لي مسافه بعدها قال لي اممم المهم هسه كبي لي
بعدها سكتت وكبيت ليهو واديتو الكبايه قعد يشرب فيها ببطئ كنت عايزه امشي مسكني وقال لي انتظري اخلص عشان تشيلي الكبايه دي
قلت ليهو خالد م خدامتك انا وفك لي يدي دي لو سمحت ممكن
فاماها وقال لي خليك واقفه م تتحركي فاهمه
عاينت ليهو بغيظ كدا وبعدها راسي فجأة وجعني ف مسكتو وغمضت عيوني بشده
عاين لي بخوف وقال لي علا علا مالك
قلت ليهو ماف شي بس راسي واجعني شديد
قال لي بلعتي حبوبك الادوك ليها
قلت ليهو نسيت هسه
قال لي طيب م تتحركي من هنا ح اجيبهم ليك ماشي؟؟
قلت ليهو طيب بسرعه لو سمحت
مشى وجاء وجاب لي الحبوب معاهو مدا لي كبايتو الفيها مويه والحبه سريع كدا
قمت بلعتها وقعدت في كرسي قريب كدا سريع
بعد كم دقيقه كدا حسيت اني كويسه ف قلت ليهو شكرا
قام عاين لي في عيوني مسافه وانا برضو بعاين ليهو في عيونو
قلت ليهو هييي بتعاين وين انت
قال لي ليه عيونك بتشبهها؟؟
طبعا عملت رايحه وقلت ليهو منو
قال لي ولا زول المهمم بقيتي احسن مش
قلت ليهو الحمدلله شكرا ع كلٍ وبعدها قمت ماشه
طلعت فوق لقيت نور قاعله قالت لي كويسه مش؟
قلت ليها ايوه انتي الاديتيه الادويه مش
قالت لي اي جا قال لي انك ماسكه راسك ونسيتي الحبوب وكدا
قلت ليها طيب ح انوم انا تعبانه بالجد
قالت لي طيب انا ح انزل لو عايزه حاجه وريني
قلت ليها طيب امشي انتي بكونو منتظرنك
اول م نور طلعت الباب دق ف قلت ي ربي دي نور اخخ نست شي ولا شنو
مشيت فتحت الباب لقيتو خالد مدا لي عصير وقال لي اشربيه
عاينت ليه مسافه وقلت ليه طيب شكرا ليك
قال لي دا الواجب يلا لو عايزه شي وريني
قلت ليه طيب شكرا مره تانيه وقفلت الباب
شربت العصير سريع وكنت عايزه اودي الكبايه المطبخ ف فتخت الباب وانا عابزه انزل لقيت خالد جمب الغرفه قال لي ع وين ماشه
قلت ليهو المطبخ اودي الكبايه
قال لي اهاا وعاين لي مسافه
قلت ليهو في شنو
قال لي ماف شي بس
قلت ليهو بس شنو
قرب مني مسح فوق خشمي وقال لي شربتي العصير سريع ولا شنو😂
عاينت ليهو وم رديت بس اديتو الكبايه وقلت ليهو ها وديها انت ودخلت الغرفه وانا قلبي شغال دلوكه انصاف مدني بس😭😂💃🏻
بعدها دخلت ورقدت كأن لم يحصل شيئا
م عارف الخلاني امشي المطبخ ليه عشان اقول عايز مويه وم عارف الخلاني اعاين ف عيونها شنو بس عيونها بتشبهها شديد م قادر ابعد عنها ولا لحظه مع اني م بعرفها بس حاسس اني بعرفها
ولمن مسكت راسها بالجد حسيت بشي غريب بس كل العملتو اني بقت بسالها وخايف عليها شديد ومشيت جريت ل الغرفه وانا م عارف لو ح القى نور ولا لا ولحسن الحظ لقيتها قاعده ف ادتني الادويه ووديتها ليه وبعد طلعت م عارف الخلاني اشرب من نفس الكاس شنو بس م عارف بالجد م عارف
ولا لمن شفت فوق خشمها فيو باقي عصير عجبني المنظر وم عارف الخلاني اقرب منها شنو بس المهممم هي بتشبهها وشديد كمان ......
بس ي خالد بطل وهم دا شنو الانت بتقولو دا "دا هو مع نفسو طبعا" ياخ لا م تفكر كدا كلامك دا كلو غلط قال بتشبهها قال
لكن بالجد بتشبهها شديد كدا مالها هي
لالا لالا ح ابطل وهم وم ح افكر بس بالجد مالا بتشبهها كدا
ياخ مش قلنا نبطل وهم اخير لي اسوي شي انا م ممكن كدا
طيب بس هي مالا معاو من يوم شافتو يا ربي في شي
لا ياخ متأكد انا
لا دي هي
طيب لو هي الاسم غير ليه
َمعقدهههه دا شنو البقول فيو انا دا ياخ م ممكن عدديييل كدا م ممكن
طيب انا م مفروض افكر كتير للدرجة دي م ممكن
طيب ونور.. امممم
وطااااااااخ في ضربة جاتو
يلا نحكي ليكم تفاصيل صغيره باختصار عن خالد دا ومنة اقصد "علا" شنو
المهممم يلا خالد ومنة ديل وناس نور والجماعه الطيبين كانو بيقرو في نفس المدرسه اي الاساس يعني ومن هم صغار مع بعض المهممم يلا خالد دا كان جاري ورا منة دي وهي كانت بس بتكرهو ليه الله اعلم المهممم... بتكرهو عمى يلا وبعداك ربطو ويلا بتعرفو الباقي بعدين🙉🙉"نور حبيبتي بتحكي ليكم"
#يتبع🏃🏻♀️♥️
