#اسميته وتيني ♥️
بقلمMeno_Awad
"10"
صحيت تاني يوم بدري وصليت ودعيت ربنا بعدها شربت قهوتي وقعدت شويه كدا ومشيت اتجخزت علشان اطلع ف وانا قاعده اتجهز نور صحت وعاينت لي قالت لي الوقت بدري قلت بيها عارفه بس لو صحو ح يسألونا ماشين وين وكدا
قالت لي طيب لي م صحيتيني
قلت لهيا كنت ناويه امشي براي نور عليك الله خليك هنا ياخ عسان تتصرفي لانو م ممكن فجأة نختفي ممكن
قالت لي لا م نفسي اقعد وح امشي معاك وبطلي كلام كتير
قلت ليها اوكي طيب يلا قومي
قامت وصلت وحسيت بيها بتبكي في السجود بس م بينت ليها
المهمم خلصت وكدا وطلعنا واحنا طالعين شفنا خالد وفهد في وسنا من صباح الرحمن
نور اتوترت لانو ممكن يقولو نوصلكم وكدا ف قالت اصبحنا واصبح الملك لله
ف قالو لينا ماشين وين
نور م عرفت ترد
ف قلت ليهو ماشه المستشفى
قالو لي ليه في شنو وكدا
قلت ليهم لالا خير ماف شي بس قالو لي اجي وكدا عشان اساعد ههه
قام خالد قال لي فهد امم طيب ي فهد انت اطلع وانا بوصلهم وبجي
نور قالت ليهو لالا م توصلنا بنطلب ترحال ان شاء الله انت امشي ل حبيبت القلب فهودي🙉♥️♥️
قال ليها ههههه ماف شي ياخ ارح ح اوصلكم والكللم انتهى
ف قام وصلنا وهو طول الطريق يتونس مع نور وانا ساكته وماسكه التلفون كنت بقرا ف قرآن.. المهممم قال لينا لمن تكونو طالعين وروني اجي اسوقكم وكدا
نور قالت ليهو ان شاء الله يلا
وقمنا دخلنا
انتظرت دوري لحد ما جا ودخلت
ف قام الدكتور قال لي صحبتي الحلوه جات كيف اخبارك
ابتسمت ليهو وقلت ليهو الحمدلله والله وانت اخبارك
قال لي الحمدلله اها مواظبه ع الادويه في مواعيدها مش
قلت ليهو ايوه
قال لي امم مع انك في عمر صغير لسه بس ادعي ربنا يشفيك
قلت ليهو امين
قال لي اها جاهزه للجرعه
قلت ليهو كل مره جاهزه ان شاء الله
قال لي طيب اتجهزي وبكلم الناس يجهزو الحاجات يلا م تتأخري
قلت ليه طيب م بتأخر ان شاء الله
قام طلع وانا اتجهزت للجلسه ودخلوني وادوني جرعه الكيماوي......
عند نور
كانت خايفه شديد وماسكه اعصابها بالعافيه عشان م تتهور وتتصل عليهو وتكلمو
وكانت بتدعي اني اكون كويسه واقعد معاها وانو ربنا يشفيني وبقت بتدعي وبتدعي
لحد ما دكتور صابر طلع
اول م طلع قالت ليهو دكتور هي حتكون كويسه مش
قال ليها م تخافي ان شاء الله بتكون كويسه بس م عارف يعني الورم لا عايز يزيد لا عايز ينقص مهما عملنا ليهو بس هي عندها امل واكيد حتكون كويسه
بعدها مشى من جمبها ونور بس مسكت دموعها دي م ينزلو قدامي مهما حصل
بعد مشي منها جات داخله لي يعني لقتني عبارة عن حاجه كدا ميته باختصار جسد بلا رووح بس راقده وبعاين للسقف ووشي شاحب
جات قعدت جمبي وعاينت لي قالت لي عارفه انو صعب عليك والله عارفه منه عليك الله حاولي عارفاك قويه منه والله صعب علي كمان اشوفك بالحاله دي عليك البه منه اتغلبي ع المرض دا بتقدري انتي انا متأكدة
ابتسمت ليها وقلت ليها ان شاء الله لو ربنا كاتب لي عمر ح اعيش م تشيلي هم حبيبتي م تزعلي وم تنزلي دموع اازعل م بيشبهك خليك قريه زيي كدا زي ما قلتي ممكن عشاني
قالت لي عشانك عملت وعشانك ح اعمل بس ل متين ح تفضلي كدا ي منه ل متين ح تفضلي تعاني يعني حتى م كلفتي نفسك عشان يشوفو ليك المشكلة دي من بدري كدا ي منه في داعي للاهمال
ابتسمت برضو وقلت ليها الاقدار بيد الله ولن يصيبنا الا ما كتب الله لنا وقلت ليها بعدين ي نورظ هو انا كنت في ال14من عمري يعني يمكن م اكون عارقه زاتو اعراض المرض دا مجرد صداع كان بجيني وبزيد كل ما اكبر يعني وانا في ال18بعد دخلت جامعه مشيت فحصت وروني انو عندي المرض دا من وعمري 14عايزاني اعمل شنو يعني اقول ليهو انا كنت صغيره م تجيني ولا اعمل شنو
اهلي ممكن م يكونو كانو عارفين برضو هه اقصد قايلنو مجرد صداع ههه ف م تشيلي هم وخليك معاي بس معاي
بعد تميت كللمي لقيتها بتبكي تلقائيا لقيت دموعي بتنزل وراها ضمتني عليها ولسه كنا بنبكي
بعد ساعتين ببقيت شبه كويسه بعد جرعه الكيماوي ف قلت ليها ح نرحع برانا يلا قالت لي م تعبانه انتي قلت ليها لا يلا
قالت لي خليني اتصل ع خالد قلن ليها ع راحتك انا ح امشي واجي
فعلا مشيت وجيت قالت لي يلا انتي م تعبانه متاكده
قلت ليها ايوه متأكدة يلا عشان م نتأخر عليه
قالت لي طيب
وبعدها مشينا
وطول الطريق برضو هم بيتونسو وانا من التعب م اتكلمت معاهم برضو
يلا بعد وصلنا ةنت حاسه روحي م تمام زي المهبطه كدا ف بعد نزلت ومشيت ع جهة الباب وفجأة..........
#يتبع🏃🏻♀️♥️
