عـٰٓشَٰـُـٰٓآقَٰـُـٰٓ آلَٰـُـٰٓرﯛ̲୭آيَٰـُـٰٓآتَٰـُـٰٓ:
#اسميته وتيني♥️
بقلمMeno_Awad
"13"
مع الضربه دي هو رجع ل واقعو وكان دا حسام
قال ليه وين سرحان من زمان بتكلم معاك انا
خالد:هههه لالا م سرحان كنت بتقول شنو(كذاب😃!!!! )
حسام:اشك في ذلك
مع الكلمة دي خالد مشى عالم تاني
اشك في هذا
كانت بتقول نفس الشي...
نفس الكلام....
نفس كل شي..
ياخ انا مالي غبي كدا
اي زول بيقول كدا وهمي خلاص...
خالد:شك ليه م تشك
حسام:بطل غباء ووهم وارح معاي
خالد:وين!؟؟
حسام:فوق عاملين قعده الناس ديل
خالد:حتى البنات؟؟
حسام:اي اظن
خالد:.........
رجع عالمو تاني😂
اهاا يعني يمكن تكون هناك..
يعني يمكن اشوفها...
لالا ياخ هي كانت تعبانه هسه دخلت عرفتهم...
ياخ انا مالي اليومين ديل متخلف مجنون...
وهمي..
غبي...
عايز ب بت الناس شنو..
ما هي بتشببها عشان كدا..
خالد😒بطل تفكر
وتاني طااااااخ
حسام ضربو في راسو
حسام:ياخ انا واقف لي ساعتين بتكلم معاك
خالد:اي اي ارح طيب منتظر شنو
حسام:منتظرك ي حضرة سيادتك
خالد:....
حسام:ي زول انت كويس
خالد:ابدا..... اقصد اي الحمدلله بخير انا
حسام:اممممم م اتزكرتها يعني
خالد:........
حسام:اوكييي هسه ارح بس
خالد:طيب ارح
بعدها طلعو مشو فوق واصلا الوقت كان قريب للمغرب كدا المهمم قعدو يتونسو وهو عينو بتفتش في زول واحد بس
علا...
علا...
علا...
هي وين ليه م جات هي هسه كانت كويسه مالا..
كان عايز يسأل نور بس ياسين "يس" المهم😂يس سأل نور وقال ليها علا ليه م جات
نور:قالت م عايزه تجي
يس:اوكييي.... بس ليه🙄
نور:قالت تعبانه شويه كدا
يس:اهاااا لالا خلاص
نور م ردت ليه
وبعدها تمو الونسه والضحك وبعدها رجعو كل زول ع مكانو وبعدها اي زول ع سريرو وبخخ😴
المهممم علا قامت ب بليل عين مفتحه وعين مغمضة وعاينت للساعه لقتها 3:29صباحاً وهي اصلا نامت من بدري ف قالت خلاص م تنوم تاني لانو عارفه نفسها م ح تصحى بالساهل فالمهممم قامت وصلت ليها ركعتين وقرت قرآن كتير لحد م اذآن الصبح اذن وبعدها صلتو واستغفرت كتير وبعدها دخلت وأخدت شاور ولبست ونزلت تعمل قهوتها كعادتها المعتادة🙇🏻♀️☑️
دخلت المطبخ وكالعاده ماف زول صاحي...
المهمم عملت قهوتها وم طلعت النجيله مشت السطوح عشان تعاين للشمس وهي بتشرق كان قدرت...
بعدها طلعت فوق "يلا في السطوح في زي ارجوحة كدا صغيره بتاعت النفر ديك😂👏🏻المهم تبع القعدات الفوق واصلا السطوح مفروش ب عشب صناعي ياخ المهم.." يلا مشت قعدت فيها وبقت بتشرب في القهوة وبتعاين بس وجابت معاها دفترها وم لاحظت ل اي شي تاني
المهمم قعدت تشرب وبتعاين بس لحد ما الشمس بدت تشرق رغم انو المنظر م كان ف مكان خالي وعالي لكن حلو حلو لدرجة هي بقت مركزه بس مع الشمس دي لحظه زي دي م بتتفوت م بتتصور غير انها بس تكون حافظاها.... وم حاولت ترمش دقيقه ولا لحظه ولا ثانية...
بعدها الشمس اشرقت وعلا ابتسامتها من الضرس للضرس اعتقد انها من الاضان للاضان م للضرس بس😂😂😂👏🏻
بس اختفت اختفت لمن قبلت وراها وكانت عايزه تمشي...
ايوه شافتو هو..
هو بس..
م زول غيرو...
هو براه..
وكان وراها..
م زول غيرو..
ايوه خالد...
عاينت ليه ومشت طوالي من غير ولا كلمة ولا حرف م حاولت تتكلم معاه..
هي عارفه هو لو جاء خطوه...
برجعها الف خطوه...
ف لازم تبعد منو منو هو...
مهما كان الحيحصل.....
بعد مشت عشان تشيل دفترها وشالتو قبلت تاني لقتو واقف تاني...
طلعت نفس زهجة طوييل كدا..
وبعدها مشت توووشك م غير اي شي ولا عاينت ليه زاتو
نزلت تحت ومشت ع النجيلة وفتحت الدفتر وبقت بس بتعاين ليه سريع يعني شبه بتقرا فيه
وتاني قفلتو وطلعت نفس زهجة كدا..
وبعدها قامت عشان تمشي لقتو وراها بس نططت عيونها
تاني..
تاني...
تاني...
يتخ هو مالو ياخ...
لايوق...
خالد:سمعتك انا قلتي لايوق
علا:متين قلت لايوق انا... بس هو بالفعل انت كدا.. وعاينت ليه جوا عيونو
خالد غطى عيونو بيدينو وقال ليها:م تعايني لي كدا تاني خوفتيني😂
علا:......
خالد:عامله لي عيونك السمحات ديل
علا:...........
خالد:هوي مالك ساكته
علا:........
بس علا ف عالم تاني اتزكرت....
منه:خالد م تعاين لي
خالد:عيوني ولا عيونك
منه:خالد م تعاين لي بقدهم ليك انا م تعاين يعني م تعاين
خالد:قديهم ع الاقل حتكوني معاي
منه:خالد احنا في نص الحصة م تخليني امرق جزمتي واحشرها ليك جوا عيونك النعسانات ديل
خالد:تاني م حشوف عيونك لكن
منه:خالد عليك الله قفل مني عايزه افهم ياخ
خالد:عاملة لي عيونك السمحات ديل
منه:خالد ح تكست ولا اقوم اطلع برا؟؟
خالد:عامله لي عيونك السمحات ديل (شكلو علق😂)
منه:قسم بالله م تقفل الا اقوم اصرخ اقول الزول دا مجنون
خالد:مجنون بيك
منه عضت ع شفتها السفلية :حتقفل مش
خالد:عشانك بس عامله لي عيونك السمحات ديل
فجأة حست انها لسه سرحانه وهو قدامها
عاينت ليه كان برضو سرحان
ف ابتسمت ابتسامة استهتار كدا
وبعدها طقطقت ليه اصابعها قدامو ومشت بسرعه عشان م يلحقها بس دخلت الغرفه لمن هو كان جاي وررررررررررررب في حاجة خبطت في الباب يلي هو.. هو زاتو
علا فكت الضحكة ع المناظر النايمه قدامها حتى بعد الصوت م حصو
يعني كان جاء حرامي وسرق وعمل ليهم حفلة في البيت هم م ح يصحو
ناس غريبه
وبعدها شالت الجك وكالعاده كشحتو وهم قامو مخلوعين..
#يتبع🏃🏻♀️♥️
